كل ليله هي ظلام

البارت "(13)"

   عساني لا صبح صبحي ... ولا مساي
  حزين وما فرح يومي ... ولا مساي
  صرت ماوجد بشوفي ... ولمساي
     تساوه النور والضلمه عليه ...!!
""""""""""""""""""""""""""""""""

#كل ليله هي ظلام

قصص حقيقيه بقلمي زينب 🦋　˚　　　　✦　　　.　　. 　 ˚　.　　　　　 . ✦　　　 　˚　　　　 . ★⋆.
　　　.   　　˚　　 　　*　　 　　✦

نور :: اباوع علا الغرفه رغم شگد بسيطه بس كلش حلوه ونضيفه وترتيبهه حلو

اتذكرت شمس يربي شكد شتاقيتلهه جبت تلفوني من الميز وفتحته وبديت اگلب بالارقام كلهم موجودين

لگيت اسم شمس واتصلت عليهه ردت عليه رأسا وگالت

-  عزا ولج نور يربي شخبارج ولج مشتاقتلج

-  الحمدالله يا گلبي انتي انجبي لتبجيني هم اني تره مشتاقتلج

-  اكلج نور شنو سولفيلي شلون اجيتي الاهلي
تره السمعته من فؤاد گال نهزمتي من عنده وبليله عرسه شنو تزوج منو

-   اكلج شمس صحيح اني نهزمت من سيف وبليله ضلمه شمس شسولفلج واني القهر ماكل گلبي اووي خل يولي خلي يتهنه بعرسه تزوج زهراء حبيبته

-  اي خل يروح يتهنى بعرسه بس حسين راح وي فؤاد علمود يحلون مشكله سيف وياخذون حقج
وتتطلگين من عنده بس علا اساس هما ما يعرفون وين انتي

-  بس ديربالج من سامر لا يگول لسيف عن مكانج
وسيف متحلف بيج ويگول اذبحهه بس اشوفهه

-  لا ما اعتقد يحجي لسيف لان هوه وياه محد يحجي وي الثاني ومن البدايه بيناتهم مشاكل

-  اي المهم نور ديربالج علا نفسج ولتخافين تره الناس اللي گاعده انتي يمهم نعرفهم وخوش ناس يصونون الامانه ماشي حبيبتي يلا باي عمري انتي

-  باي

بقيت گاعده بالغرفه واستحي اطلع بره لان ناس ما اعرفهم بعدين رحت علا شباك الغرفه فتحتهه ودخل الهوه للغرفه نزلت دموعي واني اگول ليش اللي ديصير بيه نهزمت حت ارتاح من عنده

ما اريده لو يصبوه ذهب علا الشفته منه وراح جاب فوكايه حبيبته بجيت مقهوره وعيني تشوف المنضر اللي اخذني لغير عالم

اباوع من شباك الغرفه علا الاغنام والخضار اللي مالئ المكان والزرع بانواعه

ابجي مقهوره وافگر بسيف وهس شنو شعوره لو زهراء الفرحانه لان بقى الهه وحدهه لو اني هس گدامه يگطعني بسنونه  وگمزت حيل وشهكت من طفرت بزونه بيضه ودنفوشه تخبل وتمشي علا طرف الشباك ردت الزمهه وشردت من يمي

مديت راسي من الشباك اريد اشوفهه وندگت باب الغرفه رجعت المكاني وعيني عالباب گلت اتفضل منو؟

-  اني يمه جبتلج غده خاف جوعانه بنيتي
هلا بيج ببيتنه يما لا تستحين البيت فارغ وبس اني وبناتي واعتبريهن خواتج لا تستحين من عندنه انتي امانه فؤاد فدوه اروحله اني