كل ليله هي ظلام

البارت (17)

# كل ليله هي ظلام

بقلمي :: زينب 🦋

"""""""""""""""""""""""""""""
عيُوني ويَالسهر كلش عبّر حَدها
وحمامات الصبح گمت آنـه أگعدها .
"""""""""""""""""""""""""""""
نور :: بده السيد يعقد النه يحجي وسامر يردد وراه الكلمات ثواني وحسيت المكان انترس بصوت الرصاص سديت اذاناتي حيل ودنگت خايفه

رفعت عيوني لباب البيت علا صوت سيف وهو يصيح طلگهه لكك ويرمي بالسلاح لفوگ جسمي يرجف وزعت انضاري علا الكل جان مخطوف لون وجوهم صاح عليه فؤاد وگال

فؤاد :: لك سيف اهدء ونگعد انسولف بعدهم ما عاقدين هالتشوف بعدهم ولك نزل سلاحكك

صار صياح بيناتهم وسيف صاير عصبي وما يشوف شي گدامه وجهه السلاح علا سامر وهو يكول

سيف :: لااا هس يطلگهه لا اترسك رصاص والله طلگ ولكك

يصيح عصبي وحجيت بصوت مسموع وگلت

- سيف ما راح اتطلك من عنده

يباوع عليه نزل السلاح وغمضت عيوني حيل وصرخت من سمعت صوت طلقه وصرخه سامر
فتحت عيني مصدومه من شفت سامر صاعد فوگ الكرويته وهو يصيح عليه ولكك شبييك سيييف

الطلقه عبرت من يم رجل سامر باوعت علا سيف عيونه حمر وهو يگول بنفاذ صبر

- گلتلك طلگهه لا اجبلك هنا وانومك بالنجف وتعرفني اسويهه وميرفلي جفن طلگههه

صاح فؤاد علا سيف وگله هاي هيه بس اگعد خل نتفاهم بعدهم هما ما عاقدين بس اهدء ويصير كل خير اگعد

سامر ما طلعله صوت وهو ضال صاعد فوگ الكرويته
ينتر علا سيف ويكله مطلگهه انت وما الك حق عليهه

وسيف صاير نار من العصبيه وهو يصيح علا الشيخ وگله هسس تعقد النه يلاا لا انومكم بالنجف

حمزه :: اي مثل ما تريد انت بس اهدء ونزل سلاحك
لا يتاذه احد

فؤاد :: اي يعقدلكم بس لتسوي طلابه سيف انعل الشيطان صل علا محمد شبيك دنزلل هالسلاح

يتصايحون واني واگفه بصف امي وجسمي يرجف ما. مسيطره علا نفسي گعدت بالگاع مهدود حيلي بجيت وصحت علا سيف

- كاافييي كافيي سيف والله طلعت روحي شنو تريد تسوي نزل السلاح راح تموتني ما اريد نعقد انت طلگتني روح ارجع الزوجتك

نزل سلاحه واجه يمشي باتجاهي وصل يمي وگعد گبالي لزمني من ايدي گومني ومشاني يم الشيخ
دموعي ما نشفت وكل حيل ما بيه صار هدوء واللي يفتح حلگه ويحجي كلمه وحده يرفع بوجهه السلاح

رحت اكعد يم الشيخ وبده يعقد النه اني وسيف وسامر طفر علا جهه واگف وبس عاگد حواجبه
كملنه عقد لزم سيف ايدي وهو يكول ازفج مره ثانيه واسولج عرس هم بعد يروحه السيف انتي