كل ليله هي ظلام

البارت "(10)"

""""""""""""""""""""""""""""

.  عبالك يعبرن مثل كل مره
.  زعله تسوي حت تغيبلك فتره
.  دنگعهن سوالف بماي ورتاح
.  وشربهن تره مبينات مو فطره...
'''''''''''""""""""""""""""""""""""""""""""

#كل ليله هي ظلام

بقلمي ::زينب 🦋

تصويت للبارت وتعاليقكم الحلوه فضلا ورداتي🌹

.

.

.

.

-  اي سيف روح اتزوج بعد متهمني

-  نور راح اگول الج شي بس توعديني مراح تزعلين

-  گول سيف ما اهتم اني الشي بعد گول اللي تريده وطلع من يمي

- نور تتذكرين بيوم اللي اسقطتي بي اخذناج للمستشفى واجت الدكتوره وگالتلي انتي ميصير عندج اطفال لان  صارت مشكله ببيت رحمج

ولهذا السبب اني اريد اتزوج زهراء اريدهه تخلفلي اطفال  نور افهميني اني اريد اطفال وانتي السبب باسقاط الطفل اللي ببطنج

طلعيني من السالفه والبيهه انتي السبب بالشي اللي دايصير بيج فهمتي

-  عفوا استاذ سيف اني السبب طلعت هس اني السبب مو ههههههاي اني السبب اي ليش مو انت خاطب زهراء بالفتره اللي بقيت حابسني

رحت وياك احلل اخذت زهراء  وياي علا اساس شنو داتاخذهه تفرفرهه طلعت لا داتجهز نيشان زواجهه ومن منو من زوجي اللي حابسني واني

الثوله كلشي ما ادري وعقلي شاخط من وراك وطلعت متزوج موو

سيف طلگني وكلشي ما اريد منك فقط ترجعني لاهلي ما اريد شي بس اريد تبتعد عني ماريد اشوف وجهك بحياتي اطلع برره اطلع

سكت وطلع بره الغرفه كعدت بالگاع منهاره ما اريد شي من هالدنيا بس اريد اطلع منا اريد اعوف سيف واهله بس وين اروح

وين اروح واهلي ما اعرف عنهم شي وهما ليش عافوني عنده  بس ما اخلي يهين بكرامتي ولا راح ابقى يمه

مسحت دموعي ووعدت  نفسي اصير قويه ومحد يكسرني ويبجيني ورحت رتبت ملابسي وسطرت العطور ونضفت الغرفه وفرشتهه باللون الاحمر

وطلعتلي ملابس وفتت للحمام لمن طلعت لگيت بوكس كبير جان مغلف علا شكل هديه ماهتميت ورحت للمرايه اباوع علا شكلي واگول وين راح جمالج نور مو جنتي ورده مفتحه ليش ذبلانه عيونج  مشطت شعري وخليت مكياج خفيف

ولبست دشداشه ورشيت من عطري ولفيت شالي ورحت انزل جوه فتحت الباب صارت مقابيلي غرفتهه لعبت نفسي
ماهتميت نزلت بس ملگيت احد ضليت افتر بالبيت مهوس ولا مديت ايدي علا شي شوي واني گاعده بالصاله وصافنه فززني صوت ادم

شلت عيني حت اباوعله دخل يضحك وفاتح اتصال وي ماعرف منو لمن شافني سد الاتصال وحت بدون سلام
عبر من يمي ولا كأن شافني راح الغرفته بقيت افتر بالبيت وضوجه ومختنگه وتذكرت البوكس گلت خل افتحهه واشوف شنو داخله