أحببت إبن عمي"باللهجة الجزائرية"🇩🇿

5

هي بعد ما حست بلي ولى يحبها ومتعلق فيها خبراتو قاتلو علابالك بلي بنت عمك صحبتي وهي كانت تحبك وشفيت كي هدرت معاك هاذاك النهار وقتلك بلي انا صحبة وحدة تحبك قالها ايه قاتلو هاذيك بنت عمك وانا كنت حابة نعاونها باش تخبرك مي شوف المكتوب كيفاه ولينا نحبو بعض في جالها قالها وعلاه ماخبرتينيش بالحكاية من الاول قاتلو كي شفتك وليت تحبني ما قدرتش ، هي دارت في بالها بلي خلاص ما يقدرش يسمح فيها ونسات بلي حكيتلها عليه بلي الرجلة عنده فوق كلش قالها بنت الناس حكايتنا بدات غالطة وانا بنت عمي دايرها كي ختي ولي يتوشيها يتوشيني ونتي مش توشيتيها برك خدعتيها وبكيتيها خلاص المكتوب بيناتنا وربي يجيبلك من جيهة اخرى .....

سمعت بلي بطل مي ما عرفتش السبة سقسيت مرت عمي قاتلي بيناتهم يا بنتي قالنا اخطبوها رحنا قالنا بطلو بطلنا، ريحت انا وحسيت ربي خذالي حقي فيها حتى وحد النهار جا وليد عمي مي ما وليتش نفرح باسكو عرفت بلي مش نتاعي مي رو ماركيت ما ولاش يقولي ختيتو وعينيه ما يحطهمش في عينيا ، كلاني قلبي وحبيت نعرف وقلت صحبتي هي لي تفهمني عيطتلها وسقسيتها قاتلي:  اسمحيلي مي نورمالمو تعذريني كيما نتي حبيتيه انا ثاني ما قدرتش نسمح فيه وهدرتك عليه خلاتني نحبو وضميري انبني قلت نقولو باش نتهنى ياك سمح فيا على جالك ومن نهارها راني في حالة قاتلي راهو قالي بلي دايرك كيما ختو مي انا يحبني لوكان غير تصلحي بيناتنا ويرجعلي راني مودرة بلا بيه.

استغربت من هدرتها وجرأتها مي فهمت بلي مش نتاعي وقررت

نرجعولها في خاطرو نحبو فرحان مش في خاطرها ...