أحببت إبن عمي"باللهجة الجزائرية"🇩🇿

7

فات هاذاك الشهر وانا بديت ننسى شويا وحسيت جبل طاح من كتفي كي هدرتلو وفرغت قلبي حتى نسمع في يصوني رحت نفتح لقيتو هو ، سلم عليا وقالي واقيلا ما توحشتينيش ما عرفتش واش نقولو قالي مازال ما رحتش للدار غير دخلت لقيت رجليا جابوني عندك قتلو الله يبارك اقعد تفطر قالي ارواحي تشوفي واش جبتلك معايا ورالي براسلي فيه اسمو قالي باش ماتنساينيش ولبسولي وقالي شوفي هاذي بوشات لتيليفونك القديم بلاك يتحف شويا حتى نشريلك واحد وهاكي بوبون خليه يرقد معاك وبلاك يديلي بلاصتي حتى ربي يفرج علينا ومن بعد قالي نروح انا راهي يما تستنا فياوراح ، حسيتو منام ما عرفت نفرح ولا نخاف ولا واش ندير هبطت ماما من الفوق لقاتني نضحك وحدي ورافدة القش قاتلي شكون جابهم؟

حكيتلها واش صرا ومن بعد عيطلي في الليل وقعدنا نهدرو قالي نتي سبة كلش لوكان علمتيني ما كاش يصرا هاك وبدات حكاية حبنا ♥️ ودرنا الخطبة وذرك مانيش مأمنة بلي بقالنا شهر ونتزوجو والعاقبة ليكم كل وربي يفرحكم كيما فرحت انا

______________
علابالي خلطتلكم المشاعر 🥺 حبوباتي
المهم أن شاء الله تكون عجبتكم حكايتنا ويهمني
ودعمكم ليا وميرسي ♥️ جوزو لاباج تعقبو سهرة ✨.