النقيب مهرة

البارت16

منو يسئل علينه احنه البعيدين
ومنو يسئل علينه لمن انغيب
احنه المحد النه المدري منين
مكتوبه بجناسينه غريبين
وين اهلي علي ما دكو الباب
تره صحتي عليليه وكلبي مو زين
يوصلني السره ويتأجل الموت
ويم ركابنه تعمه السجاجين

عطرو أفواهكم بصلاة على محمد وآل محمد
الكاتبه فَآطِمْهَـ✨🦋
______________________
مهره:أنته ماشالله ولد كامل مكمل والكامل الله يعين ليش مثلا ًارفضك الا اكو سبب مقنع

هوة اني كلت هيج وبكلبي اصيح ولله عيب ولله عيب ولله عيب

لهيب:همم الهم شعندج هنا

مهره:جاي ابيع ذهب امي

لهيب:ليش محتاجه شي

مهره:لا ولله بس دا افكر بخطة

لهيب:اي شاركينه خططج

مهره:بختصار وبدون لف ودوران اريد ارجعلك فلوسك

سيف:يا فلوس

عصب صك عله سنونه وصارت عيونه حمر كال

لهيب:سيف اطلع بره شويه

سيف:لا لا لا محلي وانطرد لا بويه طلعو بره احجو لا واحد منكم يصير عصبي ويكسر شي منا منا اني رجال اخاف اعله غريضاتي

لهيب:سيف تطلع لو شلون

سيف:هوة منو الميطلع اكيد اطلع بعد كلبي ليش اني اكدر اسوي غير شي

مهره:لهيب ولا كلمه تحجي اني الي براسي اسوي سواء عجبك او لا هذة اخر كلام عندي المبلغ  يم اخوك والباقي بل بيت اروح اجيبه واجي وهم تبقه تطلبني اسددهن الك

لهيب:خلص هذة كافي

مهره:مستحيل اني ماكدر انام وانته تطلبني وصدك بس يجي الراتب بالنص اني وياك

لهيب:صقر اكلي خره

مهره:اني اكل خرة؟

لهيب:اي حته ينلصم حلكج ومتعيدين هذا الكلام

مهره:اننتتهه ممععللييك (كمت اتهجة الكلام واحجي)

لهيب:مو اني معليه ما اخذ الفلوس

مهره:لهيب بداعتي

لهيب:ما

مهره:حبااب

لهيب:اشتعلو اهل الكبور احجي عدل

مهره:هاي شبيك حركتهم حته وهمة ميتين مخلصو منكم

لهيب:الله يرحمهة جميعاً

مهره:مفهمت هسة تريدهم يشتعلون لو الله يرحمهم

لهيب:بكيفج

مهره:تؤ تؤ تؤ شوف شلون غير الموضوع

لهيب:منو غير الموضوع هي خايسه

مهره:المهم مالي شغل سواء عجبك او لا الراتب بلنص اني وياك

لهيب:لا هاي الاربع ملاين كلش كافي مفهوم اذا فتحتي الموضوع مره ثانيه اوكلج ..عسل