النقيب مهرة

البارت23

اغار عليك من الهوا لو فات
واحبنك مو مثل باقي اليحبون
ماتلكه اليعزك مثلي هيهات
وانه لشوفتك ضميت العيون
افرح من اشوفك يوم مرتاح
وحزن لو اشوفك يوم مهموم
واذا صب الدمع من عينك وطاح
اطيح انه علة الوجه وبعد ما كوم
*****************
عطرو أفواهكم بصلاة على محمد وآل محمد
الكاتبه فطوم
******************

في احد غرف المستشفى في احد مناطق الموصل ...

لهيب::

بقت طول الوقت صافنه ماترد ولا تحجي لاتنتبه لمن احد يحاجيهة دخلت بصدمه حاولت اكثر من مره احاجيهة ماكو وره يومين كتبلنه الدكتور خروج ونصحني اراجع بيهة دكتور نفسي انطاني رقم وكال هاذه صديقي ودكتور زين واذا تحب انته هم دور عله دكتور تشكرت منه وطلعت صعدنه بل سياره كعدتهة وصعدت بمقعد السواق كلت

- صقر معقوله تتخلين عن حلمج معقوله ؟؟ انتي الجنتي سابقتنه بالتدريب وانتي التكولين اكسر خشم سامر هيج تالي تضعفين ماتوقعتج

ماردت ولا عبالك موجود وصلنه للبيت نزلتهة ودخلتهة للبيت ودخلته وحده من الغرف الي محضرينهة اله البنات حطيتهة عل جربايه وطلعت طفيت وسديت الباب كعدت بل صاله وجانن موجودات امي ولبنات

- يمه حاولو تحاجونهة سولفو وياهة بس لاتعبونهة هيه هسه داخله بصدمه نشالله بحيل الله اطلعهة من الصدمه

ام لهيب: نشالله يوم ليش اني شعندي غير مهره

- باجر راح اعرضها عله دكتور نفسي بلكت شوي يساعدهة

ام لهيب: اي يم بلكت يساعدهة وتحصل ثوابهة

- ماريد ثواب كلشي ماريد بس تصير زينه وهاي هيه

ام لهيب: نشالله يوم ليش لا تكوم وترجع لصحتها وترجع للتدريب  الله موجود يا امي

- ونعم بالله يم اروح ارتاح تعبان وحته صقر عوفوهة ترتاح زين عود بل عشره وكليهة وشربيهة علاج زين؟؟

-هاي هي ليضل بالك روح ارتاح واسبح حته انته هم نجيبلك اكل

- ماريد اكل اروح اسبح وانام تعبان

- براحتك

صعدت سبحت وتمددت عل جربايه ضليت افكر لحد مانمت فزيت عله صوت مبايل يدك باوعت هذه حسن يدك

-ها ابن الزفره مو نايم لك من هسه اجيك واخليك ماتندل دربك احد يكلي ليش

-وعليكم السلااام والرحمه اهله بابو لهب