النقيب مهرة

البارت 39

﷽
عطرو أفواهكم بصلاة على محمد وآل محمد
الكاتبة: فاطمه
القصه: النقيب مهره

طوارفهة ثلج، ومكحله بليل
وسواد البؤبؤ ياخذني سفره
هاي عيونهة والباقي مضموم
اغار عليهة ماراويك شعره
بكثر ماحلوه اني الاسمر الطوخ
من اذكرهة تصير خدودي حمره
———————————————-

رثاء...

فتحت عيوني واذا اني بمكان غريب راسي ثكيل وكلشي مغوش ماشوف بس المكان اضائته حلوه وكأن احنه ببيت ضليت اغمض وافتح لحد ما وضحت عندي الرؤيه وجسمي مكسر ماكدر احرك لا ايد ولا رجل باوعت حواليه اني بغرفه مال نوم كبيره ومجهزه من ناحيه الاثاث وبيهة بابين وشباك بس عيوني تفتر جسمي وكأن دايسه عليه شاحنه نقل نفتح واحد من البيبان ودخل هاذه الحيوان الي يسمي روحه العقرب

- ماتوقعت مفعول المخدر يخليج نايمه نص يوم

- حيوان وين جايبني

- العريني السري شنو رأيج بل غرفه جهزتهة مخصوص الج

- واحد حيوان شنو الي سويته بيه جسمي مكسر

- ولا شي بس انتي رجيجه ما تتحملين

- قذر

- ساكتلج لان ادري بيج تحت مفعول المخدر

- شتريد مني

- سلامه عيونج الحلوه كومي حضري نفسج ساعه ويجي الشيخ

مشه وراح يم واحد من الخانات فتحهة وكال

- هنا كلشي تحتاجين من ملابس واغراض وحته مكياج اني طالع ها وهذه الحمام وانتي اخذي راحتج البيت بيتج

ضحك بسخريه وطلع وقفل الباب باوعت لنفسي والبسي متوصخه اكثر من قبل وحته لعابي نازل عليهن كومت روحي بالف يا علي ورحت للخانه الكال عليهة فتحتهة وانصدم انو شكو شي جان عندي قبل لا يخطفني موجود مثله جديد الالوان الملابس المكياج وحته العطور حته الملابس الداخليه وكلشي بعده بعلامته بقيت مصدومه وكأن هاذه تحذير صريح منهة اخذت ملابس ورحت للحمام سبحت ولبست هدومي وطلعت مشطت شعري ولبست حجابي ورحت احاول افتح الباب مانفتح رحت للشباك ملحوم وماينفتح رحت للجربايه تمددت انتبهت فوك التلفزيون اكو ساعه فرحت واخيراً صرت اكدر اعرف الوقت بقيت اباوع للميل شلون ميشي مرت نص ساعه وندك الباب ستغربت ليش يدكه وعنده المفتاح

- منو

- اني يعني منو بس اكدر ادخل مجاي تبدلين

- لا مجاي ابدل

فتح الباب ودخل

- اول مره اعرف انو انته عندك اخلاق ومبادئ

- اني كلشي عندي