"حاسبي يا سمااااااا"
وهي مش واخده بالها ماشيه سرحانه في الموبايل بتشوف الساعه
بيجري سيف بسرعه كبيره عشان يلحقها
وحمد ربنا أنه لحقها في اخر لحظه شدها ووقع بيها عل الارض
والناس اتلمت حواليهم يشوفوا اي الي حصل وقامت سما وهي مخضوضه وكسوفه أنها كانت في حضنه وهو فوقيها
أما هو لما قامت قام بسرعه يطمن عليها وحضنها قدام الناس وقال "سما انت كويسه في حاجه بتوجعك حاسه بايه "
ردت بوهن وتوتر وقالت"أنا كويسه انت كويس".
رجع لحاله الجمود والامبالاه وقال "اه .....تمام يلا بينا "
وبص للناس وقال"شكرا يا جماعه احنا كويسين كل واحد يشوف شغله "
ومشيت الناس من حواليهم وهو لفلها بغضب وقالها "انتي ازاي مهمله ومستهتره كده واحده زيك متخلفه كانت هتموت بسبب انها مش مركزه كنتي بتعملي اي بالزفت "
بصتله بغضب وقالت "كنت بشوف الساعه ماخدتش بالي"
رد بنفس أسلوبه الهمجي من وجهه نظرها "يحرق ابو ام الساعه اتزفتي قدامي يلا عشان أنا علي أخري منك "
مشت قدامه ودخلت
أما هو وقف شويه يفكر في استهتارها وأنها كانت هتروح منه تاني بعد ما لقها بعد سنتين عذاب وجفا حتي حياته مع مراته مش قادر يعيشها تمام من بعدها مشيت هي واخدت قلبه معاه لسا محتفظه بيه بس سال نفسه سؤال هل يا تري حافظت عل الحب ده ولا قطع حبل أفكاره منادتها ليه يدخل
_________________&____________________
في بيت مامت نهله مرات سيف عشان الي ناسي ***""""""
"يعني لقيتي بنت يا ماما ولا بتنيميني "
ضحكت امها بمكر وقالت "لا لقيتها ومستنيها ترد عشان شكلها معصلجه معايا "
ردت بتهكم "معصلجه اي الألفاظ دي يا ماما "
"ياختي اتنيلي "
"* يعني تفتكري هتوافق ولا لا"
"هتوافق ورجليها فوق رقبتها هي مش عارفه بتتعامل مع مين انا سناء هانم محدش يرفضلي طلب لو كان مين بالذي ""
سكتت شويه وكملت بفخر وتحقير من سما "مش حتت بنت جربوعه زي دي مشغلهاش عندي خدامه هتقف قصادي وترفض امري "
بصت لها نهله بفخر أنها ليها ام تتسند عليها بس الي متعرفهوش أن الخبث والشر والمكر آخرته وحشه واحب اقولها وابشركم واقولها*اخرتك سودا يا زمباوي*😂
سوري قلشه بسيطه
بصت لها بحب وقالت"ربنا يخليكي ليا يا مامي وميحرمنيش منك ابدا "
ردت بحنان " ولا منك يا روح مامي يلا روحي روحي عشان قدامنا مواوليل لسا "
"حاضر ...... باي يا مامي هاڤ انايس تايم "
"باي يا روحي "
__________________&___________________
عند سما وسيف في الكافيه ******
دخل وراها وقعد كانت لسا هتتكلم شاورلها تسكت لغايه ما يهدي
قعد حوالي 10دقايق وبعدها اخد نفس عميق براحه وطلعه براحه وبصلها بهدوء وقال "تحبي تشربي لي"
بلعت ريقها بتوتر من أنها قاعده معاها بعد الموقف الي حصل وقالت "متشكره مش عاوزه حاجه "
رد "امممم ...يبقي اطلبلك أنا الظاهر اعصابك تعبانه ومحتاجه تهدي "
وندها علي الويتر وجاله الويتر وقال"اؤمرني يا فندم "
رد سيف بتواضع"الأمر لله ..... عايزين واحد لمون وواحد قهوه ساده لو سمحت "
رد"تمام يا فندم تؤمر بحاجه تانيه"
" شكرا ...اتفضل"
ومستناش ردها ونزل وشه لتليفونه يلعب فيه ..
اتغاظت سما من أسلوبه وتحكمه فيها وأنه استهان بيها ومقلل منها بس فضلت السكوت عشان ميقفش وينفذ ويعاند معاها في موضوعها عشان هو الوحيد الي في أيديه ينجدها .....
بعد 5 دقايق جه الويتر وقال "طلبات حضرتكم يا فندم "
وحط الطلبات ومشي
واخيرا سيف اتكلم وقال "اشربي اللمون "
ورجع بصلها وقال" مش هنتكلم دلوقت اشربي اللمون الاول وبعد كدا نتكلم "
بصتله بغيظ ونرفزه وراحت ماسكه كوبايه اللمون وشرباها مرة واحده من كتر الغيظ ...
هو شافها كدا ومقدرش يمسك نفسه من الضحك وكل الي في الكافيه بص عل صوته فاتحرج وبطل ضحك وبصلها وقال "روقي يا سماسيمو "
وراح ملعب لها حواجبه
وهي من كتر ماهي مش عارفه تعمل حاجه معاه ومحروجه راحت مفتوح من العياط ...
سكت هو بعد ما شافها بتعيط وقالها " طب خلاص ملوش لازمه العياط أنا معملتش حاجه لعياطك ده "
بصتله وقالت بصراخ "يا برودك يا اخي كتله تلج "
بصلها برفعه حاجب وقال "اسحبي كلامك فورا "
خافت من بصته وقالت بمنظر يضحك "أنا مكنتش بكلمك انت عل فكره انت قفوش اوي "
ابتسم وقال "والله اي "
"والله اه"
**امممم طيب مش هنتكلم في الموضوع الي عايزاني فيه ولا هنقضيها عياط ***
"اسمعني للاخر وخلي اعصابك هاديه عشان أنا مش مستحمله زعيق "
"امم شكل الموضوع كبير طب يلا أنا سامعك "
ردت بحنق "اي يلا أنا سامعك دي احنا في مدرسه "
"سما معنديش وقت اضيعه اكتر من كدا "
اخدت نفس وقالت" الموضوع يخصني ويخصك ويخص حماتك سناء هانم ............
يتبع في الفصل القادم........
YOU ARE READING
(سجينة "حنانه وقسوته")
Romance_-هي كانت خطته المستقبليه كانت أحلامه ،ولكنها فعلت ما جرحه وانتهت قصتهم ،ولكن هل هنا تنتهي .. _ذهب وتزوج باخري لإرضاء والده ... _عادت هي بعد سنتين من العذاب إليه لتراه وتروي له أسبابها ،فكانت صدمتها عند رؤيتها له مع أخري رأته قد تزوج باخري غيرها،ت...
