حبيبي اللذيذ 🔞🇲🇦🔥

part 1

داخلة للكوزينة مشغولة كتقطع الدجاج وتقاد قوامو حتى دخلت مها
خديجة : نجوى سيري للحانوت جيبي ليا الزيت
نجوى : وبلاتي اماما غير نكمل ليك هادشي
خديجة الأم الحنينة بحال كاي ام مغربية تجي الدقة فيها ومتجيش في بنتها كتخاف عليها بزاف ونجوى واحد البنت لي عزيزة عليها ماماها بزاف بحكم هي لي عندها من بعد موت باها ماماها خدامة بالمطبخ كتصاوب الحلاوي وكتبيع والمسمن والبطبوط والبغرير والبسطيلة
خديجة : وتي سيري بلاماا نبقى نعاود معاك الهضرة سيري جيبي ليا السخرة خليني نكمل هاد المسمن
خرجات نجوى غادا بسندالة كلاكيطة فرجليها ودايرة فولار عادي ديال السخرة والدرب وضريات عبايا ، فينما كتكون غادا كيتبعها خيال شخص تابعها وفينما كتلفت مكتلقى حتى واحد وراها هي شاكة في واحد خونا كيبقى يدير فيها واحد الشوفات ماشي عاديين ولكن مبغاتش تعمر راسها نعلات الشيطان وكملات طريقها
نجوى : عمي حساان ارا ليا عفاك بوديزة الزيت ديال خمسة
العم حساان: واخا ابنتي مرحبا
خدات نجوى السخرة وراجعة بحالها حتى بان ليها واحد طويل مگدر مخنزر فيها واحد التخنزيرات يطيحو فيك النص شعرو حرير وكتافو عراض وجايين مع كرشو لي مطراسية عينيه كحلين ونيفو مقاد منگاد كيحمق فمو موف بدوك الشقوفة لي كيضرب
وبالطبع هذا غير البطل ديالنا السيمحمد
عايش مع مو حليمة ربة بيت وباه عبد الله حتى هو جالس بحكم السيمو خدام، غير خدم قاليه ريح بحالك للأرض انا لي غانخدم ونجيب ليكم عندو خوه عثمان برا المغرب كيكمل قرايتو غير خدا الباك ومشا للخارج، ماباغيش يثقل على عائلتو بالمصاريف دكشي علاش خدام وكيقرا في نفس الوقت
غاتكونو كتسولو في راسكم البطل فاش خدام ايوا السيد مسير شركة وبنادم ماجايب ليه خبار كيشوفوه في الدرب كيقولو هذا غير مشومر ومن دوك القنايتية ديال الدرب ماباغيش يقول لشي واحد السر كيفاش حتى ولات عند شركة ديالو وولا المدير وخدام في بيتو حتى واحد ماسايق خبارو نهار يبغي يمشي لشي اجتماع كيمشي ويجي دغيا بحالي مشا غير ضرب شي دورة ورجع ، المهم نرجعو فين كنا
نجوى : اويلي هاد خينا منين تسلط عليا اخخ ديما حاضيني معند حسو مايدار اخخ على قنايتية
السيمو غير واقف كيشوف في هاديك لي خارجة بعابايا مزيرة وفولار باين الشعر من القدام وضارباها بتعكيرة حمرة كتبان من الطيارة
السيمو كيموت على نجوى مني كان صغير كان ديما كيتبعها وهو ماشي من النوع لي يتبع ويقول فسفس الزين اري النمرة منتصاحبوش خلاها حتى كبرات وتدير السن القانوني وغايتزوج بيها نيشان بلا ضحك ولعب البراهش
جرها من يديها حتى كان غايهرسها غادي شاخد معصب قوداتها المسخوطة
ووقفو حدا واحد القنيتة مدرقة مكين لي يشوفهم تما
السيمو : مال حبك على هاد اللبس المقحبن ، هضر معاها وهو مزال شاد يديها ومفيكسي عينيه عليها
نجوى : طلق طلق ططططلق مني فين كنعرفك شكون انت وباشمن حق تقيسني طلاااق، غوتات عليه
سكت ليها فمها بيديه لاتولي جامعة عليه الجيران ودايرين الشوهة في داك الدرب
السيمو : شششش سدي فمك اششش غاتشوهينا راه بربي وتزيدي شي كلمة حتى نخمجك ونهرس ليك راسك مع هاد الحيط سدي دلقوشك... اخر مرة نشوفك لابسة هاد العبايا وخارجة بشعرك نصو عريان وضاربة هاد الصباغة في قنانفك فهمتي؟؟ ياك الزوينة؟؟ بلاما ندير فيك شرع يدي؟؟ تفاهمنا؟؟ وقودي دابا
طلق منها وسيفطها غادا كتجري قدامو قلبها غايسكت بالخلعة كنقول شكون هاد الوحش لي تسلط عليا ومنين بعث وفين كنعرفو وعلاش هضر هاكاك وواش سوقو اصلن فيا ، دخلات بوجها حمر حيت كان شادها بيديه مزير عليها خلا يديه مطراسيين ومع بشرتها حساسة خلااص
دخلات عند مها هازة الزيت حتى شافت مها وجهها هاكاك حمر وعينيها مغرغرين فيها البكية بحالي حسات بالحگرة مني مات الاب ديالها والأمان وهي الدموع عندها على سبة
خديجة : وتي فين تعطلتي ياديك المسخوطة خليتيني منشورة هنا معلقة نتسنى ياكما مشيتي عند صاحبتك فردوس
الام خديجة كانت هاضرة حتى جات عينيها على الحمورية
خديجة : اااااااايييييه وتي مال وجهك فديك الحالة هاناااااااري على الصگعة ياكما ضاربتي مع شي وحدة
نجوى جاتها من الجنة والناس لقات عذر
نجوى : لا لا امي غير درت واحد الماسك الوجهي في الصباح وموافقش ليا وحيت خرجت للشمس تحسس . وصافي امي متخافيش اندير بيافين ولا نيفيا وماغايبقاش
خديجة : سيري سيري ديري سيري راه خرجتي على ديك الكمارة بدوك الوصفات اش باغا تصنعي ليا معرت
مشات نجوى لبيتها والأم كملات مسمنها اما السيمو غير زادت تحركان من قدامو مشا رجع لبلاصتو هو أغلبية الوقت كيكون حدا دارهم شاد گارو ومكنسونطري معاه ممسوق لالغادا لالجاية بنات الدرب كلهم طاحين فيه ولكن هو قلبو وعقلو وعينيه غير مع نجوى كيبغيها بزاف وويلك تخرج لابسة شي حاجة ماعاجباهش ولا هضرات مع شي واحد كيمشي يقصدو يدخل فيه طول وعرض وارتفاع ولكن بالطبع هدشي ماشي قدامها كيخليها حتى كدخل لدارهم عاد كيتبع خونا ضروري كيهرسو وكيسيفطو
واليوم اول مرة تلبس ديك العابايا المزيرة نيرفاتو وخلاتو كينهج وقريب يطرطق
السيمو من بعدما تكالما طلع للدار دخل لقا مو كتصلي وباه كيتفرج في الأولى خلاهم وداز وبيتو لاح الحوايج ودخل للدوش وطلع عليه الرشاشة الما بارد هو لي كيخليه يبرد من اعصابو جهلاتو العفريتة، دوش وخرج لبس سروال كحل وبقا عريان من الفوق وخلا شعرو فازگ طايح على جبهتو
تلاح في النموسية وبقا كيفكر كيفاش اول مرة شاف اسيرة قلبو

فلاش باك

كان بنوتة صغيرة كتبكي طايحة في الارض حوايجها عامرين تراب كانت كتجري باش توصل للتينيسة حيت كانت لاعبة بالراكيط وتلاحت ليها تبعاتها وتعكلات وطاحت ، جا السيمو هزها وبقا كيشوف فيها شحال غزالة وفنة كتدي العقل كيحاول يسكت فيها على شحال عاد سكتات ماماها مكانتش في الدار كانت مشات دات واحد الكوموند ديال الحلوة لواحد المرا جايين عندها الضياف وخلات نجوى كتلعب
السيمو سكتات ليه غير بزز داها شرا ليها الفانيد وبيمو ودانون عاد بدات كتفرنس شوية مزال صغيورة ماعارفة والو وصلها حدا دارهم
السيمو : الغزالة الفنيكيشة لعبي ومتجريش غاطيحي
نجوى بقات غير كتشوف وكتفرنس
من داك النهار والسيمو كيشوفها كل نهار دارهم مبعيداش بزاف على دارو ولكن كيجي كل نهار يشوفها

العودة

بقا كيفكر فيها حتى داه النعاس ، اما نجوى مشات كدير نيفيا لوجها وتخشات كتفكر
نجوى : اويلي هاد راه البصلة بنت ليه غير انا في الدرب احححح تاشمن بصلة راه التفاح هذاك شحال كيحمق خصوصا فاش كيخنز وكيطلع داك الحاجب احح، ياويلي انجوى مالكي حماقيتي سكتي سكتي اخخ باشمن حق يتحكم فيا
نجوى بقات الليل كامل كتفكر فيه وكتسول راسها مالو معاها حتى صبح الصباح ناضت على غوات خديجة كيف ديما باش نكعد تفطر
نجوى : واامي خليني ناعسة مكينا قراية راه العطلة نااارارارارررري امي
خديجة : وتتتي نوضي خليني نحل الشرجم خلي البرد يدخل وتمشي ريحة النعاس
نجوى: وتي شمن ريحة على النعاس فيه الريحة وخليني النعاس هاكي ديري ليا غير تليفوني في الشارج وخليني غير شوية ونوض
خديجة عيات تفيق والسيدة والوووو حلفات ماتحرك من فراشها شافت تاعيات و مشات الام
السيمو فاق لبس خرج لقا الام ديالو حاطة الفطور باس راسها وداز عند باه تاهو باس راسو وجلس يفطر
الأم حليمة : ولدي بغيت نسولك
السيمو هز راسو في مو وكيتسناها تسول
حليمة : البارح جيتي في العشية ودخلتي لبيتك نعستي مقلتي والو
الأب عبد الله: مبغيناش نفيقوك دكشي علاش غير خلينا ليك عشاك كيحساب لينا غاتفيق في اللليل تاكل
السيمو : لهلا يخطيكم عليا البارح كنت معصب شوية دكشي علاش جيت ديريكت ونعست
حليمة : شنو عصبك اوليدي قوليا
السيمو بقا ساكت غير كيتفكرها كيحمارو عينيه وكيزير على يديه
عبد الله: شكون عصبك
السيمو : هه مرات ولدكم
غير طلق ليهم هاد الجملة وخرج كيف ديما خلاهم كيضحكو
عبدالله: وتي سمعتي الصگع ديال ولدك قاليك مرات ولدنا هههه السيد كبر كبر ههه
حليمة : ههه باينة واخدة للسيد العقل هههه
كملو فطورهم في جو كلو ضحك وطنز
نجوى فاقت دوشات لبسات سورفيط طويلة شوية محتارمة وخرجات
نجوى : ماما غير فطري انا غانمشي عند فردوس
خديجة : ووووتييي تعالي تفطري واش هاد فردوس غاتهرب قوليها تسناك حتى تكملي فطورك
نجوى: وصافي امي انا خارجة
خرجات دغيا حيت لابقات غير غاتلسقها ماماها تجلس حتى تاكل وهي ماباغاش تعطل عليها

فليلساتي ❤🐥توحشتوني ياك وبزااف باينة 😂❤ناري كنهضر بكل ثقة في النفس 😂😂❤صافي وصافي احم احم بدون احراج كيجاكم هاد الجزء 🙂🤦🏻‍♀️انا عجبني الصراحة 😂😂😂😂❤وناري هريت اشكنخور انا معرت 🙂صافي متديوش عليا راني غاهبيلة 😂🙂