حبيبي اللذيذ 🔞🇲🇦🔥

part 2

كان غادي قاصد الخدمة حتى بانت ليك نجوى غادا وضروري خاصو يتبعها
مشات نجوى كدق وكتعيط
نجوى : فرددوس فررردوس
طلات عليها من الشرجم... فردوس : وااافين الساطة
نجوى : هبطي هبطي نخرجو شوية
فردوس : تسناي
هبطات فردوس كتجري.. فردوس بنت قدها قد نجوى ولكن مكديرش الفولار شعرها عسلي عينيها عسليين وبيضا قصيورة وغليوضة شوية عكس نجوى لي عينيها كحلين سميمرة طويلة ولكن فورمتها مارقيقة ماغليضة بين وبين المهم مشاو كيتمشاو غادين قاصدين واحد الجردة يجلسو فيها
نجوى : واش كتحسي بشي واحد تابعنا ولا غير انا
فردوس تلفتات مابان ليها حتى واحد
فردوس: لا لا مكين حتى واحد غير كيجيب ليك الله
نجوى : غادا وهي خايفة لايخرج ليها ثاني من شي قنت
السيمو تابعهم ومدايرش الحس جاب الله لابسة لونسومبل طويلة وواسعة اما كون هرسها من شي رجل
فردوس ونجوى جلسو وبقاو كيتحتو وشادين التيليفونات كيضحكو وناشطين حتى وقفو اليهم جوج بالماطر شفارة بالخفة دغيا جرو التيليفونات فردوس خافت رجعان اللور ونجوى بقات كتجار مع واحد فيهم يلاه بغا يضربها بالجنوية حتى تلاح عليه السيمو كيسحابوه شي مدعدع بغاو يضوروه ولكن هو سبع قدام الفيران
فردوس ونجوى مشاو هربو وقفو بعيد خايفين لاتنوض شي مجزرة فيها المقبرة والحبس
السيمو طيحهم بزوج وبقا كيضرب في واحد وكينوض للاخر يضرب في الاول ويرجع لللثاني هلكهم عصا دار عطاهم بالضهر كيقلب بعينيه على حبيبتو خايف عليها لاتكون تقاست حتى غوتات نجوى من بعيد
نجوى كانت واقفة حتى كيبان ليها كيضرب فيهم وهي خايفة لاتوقع ليه شي واحد بسبابها ماشي حيت باغاه لا حيت مبغات حتى واحد يتضرر بسبابها شافتو وقف كيقلب بعينيه وهي تقشع واحد فيهم قاصدو بديك الجنوية واخا مافيه لي يتحرك ولكن مارضاش يلاه
نجوى : عنداااااااااااك ورااااااااااااااااااااااااك
نجوى غير طلقات هاد الغوتة وهي تبدا تبكي ترعد وصاحبتها تاهي خايفة كتار منها
السيمو سمع غوتها وهو ينوض يلاه بغا يضربو شد ليه الجنوي بيديه ولات كلها دم حيدو وتلاح عليه تاوتاني كيهلك فيه مشا نصل السمطة ديال سروالو وجلس يعطيهم عمرهم يفكرو يشفرو مرة اخرى
فاش برد غدايدو شد السمطة ديالو والسمطة ديال واحد فيهم ديال السروال وربط يديهم ويديهم مع الشجرة وعيط البوليس
ومشا كيجري عندها هي غاشافتو قاصدها كيجري وعامر دمايات زاد كمل عليها طاحت على طولتها سخفانة
السيمو شافها طاحت صافي داخ معرفت شنو يدير بدا كيحرك فيها وكيحس بالضباب في عينيه كتبان ليه غير هي الجردة خاوية حيت بنهار ماشي العشية كيخرجو الناس ولادهم يلعبو
كيحرك فيها وكيسرفقها باش تفيق وكيغوت خايف عليها
السيمو : نجوى نجوى فيقي فيقي حلي عينيك نجججوى نجوى فيقي
نجوى كتسمع كولشي ولكن ماقادراش تحل عينيها مغيبة
فردوس : نجوى نجوي
السيمو : سيري لداركم جيبي ليا بارفان جري دابا تكوني عندي دغيا
فردوس مشات تجيب دكشي لي قال ليها السيمو
السيمو : نجوى عفاك فيقي منقدرش نشوفك هاكا نجوى حلي عينيك شوفي فيا، واش محشوماش تخليني في هاد الحالة، راه غانتسطى حلي عينيك
السيمو شادها معنقها وخاشيها في صدرو باغيها تفيق ولا غايولي تاهو طايح حداها
السيمو : منقدرش نكمل حياتي عادي لاوقعات ليك شي حاجة حلي عينيك حليهمممممممم
السيمو غوت عليها وهي بدات كتحل عينيها شوية بشوية
نجوى كيضرها راسها بزاف وفيها الدوخة
نجوى : اااهخ رراسي ، تفكراتهم وبدات كتقلب بعينيها خايفة تاني وبانو ليها مليوحين بحال الكلاب مربوطين والسيمو بانت ليه بدات كترعد ثاني وعنقها عندو
السيمو : اشش انا معاك متخافيش
نجوى غير عنقها حسات بواحد الأمان زوين ولكن بعدات عليه حين في كل الاحوال مكتعرفوش مزيان واخا سمعات دكشي لي كان كيقول ومن صوتو شحال كان خايف عليها ولكن بعدات عليه
نجوى : احم انا بيخير
فردوس جايا وجايبة معاها البارفان
فردوس : هاكي هاكي رشي باش تفيقي مزيان
السيمو حس بالألم بيديه ولكن ماشي بحال الألم لي حس بيه فاش عنقها عندو وبعدات عليه اما هي نتابهت ليديه لي كتقطر بالدم وخسرات صيفتها وجمعات حواجبها كتحس بتانيب الضمير بسبابها تضرب
نجوى : شوف شوف يديك كيف كدوز بالدمايات
سيمو بقا غير ساكت ماقال والو غير كيشوف فيها اما نجوى بدات كتقطع في فولارها، محايداتوش غير قطعت طرف منو وبدات كتحزم بيه يدين السيمو
نجوى : شكرا
السيمو مزال ساكت مجاوبهاش مبغاش يهضر لي فيه كافيه ناض جمع الوقفة
السيمو : يلاه نوصلكم للدرب
فردوس ونجوى زادو قدامو وفردوس كتغمز في نجوى زعمة مالو
وصلو دخلو للديورهم نجوى دازت لبيتها بلاما تشوفها مها فديك الحالة حوايجها موسخين حيت طاحت وهو مشا للشركة واخا كان الاحد مكين حتى واحد ولكن مبغاش يمشي للدار يشوفوه واليديه ويبقاو عليه بالاسئلة لاهوما ختار يمشي للشركة
جلس في البيرو كيشوف فداك الحزام لي فيديه وكيتفكر كيفاش بعدات عليه بحال شي شخص مامزيانش وهو كان غير مخلوع عليها وخايف توقع ليها شي حاجة حيد داك طرف من الفولار ودار الدوا وفاصمة لواها على يديه وشد البيسي ديالو وبقا خدام
اما نجوى بدلات حوايجها وجلسات كتنهد وكتفكر كيفاش تلاح للجنوية على قبلها وحسات بتأنيب الضمير مكتبغيش تشوف شي واحد تضرر بسبابها وقررات غدا الى تلاقات معاه في الدرب تهضر معاه
داز داك النهار بزوج بيهم كيفكرو في بعضياتهم هو كيفكر شحال كيبغيها وكيحماق عليها ومافخبارها والو وهي كتفكر فديك الهضرة لي سمعات وهي سخفانة وكتقول في راسها علاش كيبغي وحدة مكيعرفهاش وعلاش قال ديك الهضرة كاملة
عيطت ام السيمو وقاليها ماغانجيش الام متسوقتش عارفاه ديما كيبات مع صحابو ولكن هو كيبات في الشركة
دازو الايام وبقا ديما كيجي ويشوفها حتى لواحد النهار غاتوقع الواقعة ومن داك النهار كولشي غايتبدل
قررو واليديها يزوجوها بولد واحد السيدة كتشري من عند ماماها الحلوة وشافت نجوى وقالت ليهم بغيتها لولدي
كانو جالسين حتى دق الباب
خديجة : نجوى نجوووى حلي داك الباب شوفي شكون كيدق
نجوى كانت في بيتها شادة الفايسبوك بحال ديما ، مشات حلات الباب حتى دخلات الصديقة ديال ماماها جميلة مع ولدها ياسين وباه عبد الرحمن
خديجة أهلن أهلن زيدو زيدو مرحبا والف مرحبا
عبد الرحمن : السلام عليكم
ياسين : السلام
نجوى وماماها خديجة جلسو مع الضياف
جميلة : وتي فين اصحيبتي سمحي لينا جينا فهاد الوقت معلمناك ماوالو
خديجة : لا والو متقوليش احبيبتي هاكا مرحبا والف مرحبا في اي وقت بحالي في داركم
خديجة؛ بنتي نجوى نوضي عمري واحد براد دأتاي
نجوى ناضت للكوزينة ومعاجبها حال بحالي حسات بلي كينة شي حاجة ماهياش
جميلة : كيف كتعرفي ولدي ياسين كبر وبغا يكمل دينو وراه خدام وبدارو متخافي من والو وراه غايديرها في عينيه قالينا باغي يتزوج وقلنا ليه والووو تاخد بنت صحيبتي وراه منلقاوش حسن من تربيتك اودي اخديجة
عبد الرحمن: انا راه هضرت معاه وقلت ليه البنت مكتخرجش مادايعاش وشادة تيقارها وتبارك الله بالفولار وكتلبس محتارم وهو قالينا بسم الله نتوكلو على الله
خديجة : اودي شغانقوليكم مرحبا بيكم ولايني البنت عندي مازالا كتقرا
نجوى سمعات كولشي من الكوزينة وتعصبات مبغات تزوج بحتى واحد مكتبغيهش وجات حطات الصينية والحلوة والمسمن والبغرير كولشي وجداتو وجلسات معاهم كالو وشربو ودابا كيتسناو جوابها
ياسين غير كيحنزز فيها عجباتو العفريتة زينها خطير
نجوى : ايوا اخالتي الصراحة باغا نكمل قرايتي مامستعداش دابا
ياسين : احم ماشي مشكل نخطبك ونديرو العقد والعرس من بعد نخليك تكملي قرايتك
متسوقاتش لدكشي لي قال وضورات راسها لعند جميلة وعبد الرحمن
نجوى : خالتي جميلة عمي عبد الرحمن ممكن نفكر ونعطي جوابي لماما وغاترد عليكم باش ما كان حيت نتوما عارفين الزواج شي حاجة ماشي ساهلة وماشي ديال اللعب دكشي علاش عطيوني شوية الوقت نفكر ونرجع عليكم
خديجة : ايوا اصحيبتي هانتي تشوفي اهم حاجة نشوف بنيتي واش مرتاحة ولا لا حيت عارفة هي غير عوينة عندي وهي لي نكساب خليونا نخليوها على خاطرها
عبد الرحمن: ايوا يكون خير يكون خير
جميلة : يلاه اصحيبتي انا غانخليكم دابا حتى نرجعو
الوالدين وياسين خرجو ونجوى طلعات لبيتها مقلقة ومعاجبها حال وكتفكر في هادشي

فليلساتي في نظركم غاتوافق ولا لا 🙂❤