بَس لُو تسَّمحَلك ظَرُوفك بَاللقىٰ ياَزِينَ ويايـَّه

البـارت الأول

بعد ما باركت لأهلها و عمها حست بكتمه من الأغاني و الحريم الي داخل خذت شالها ولفته عليها و طلعت تتنفس هوا بالحوش ما كانت تبي تحضر بس حضرت عشان خاطر عمها وراحت صوب المطبخ عشان تاخذ قطوتها( امبيرو) يابته العرس لانه ما تحب تخليه بروحه فالبيت عقب رجعت الحوش وقعدت تمسح على امبيرو

الميث تتنهد : اهخخخ يعمي الله يعينك عليها

عقت الشال عن جسمها ووقعدت تتنفس وشوي ويدش عليها ريال من الباب وهي من خوفها ما عرفت شو تسوي غير انها تلف الشال مره ثانيه على جسمها لانه الفستان كان فاضح شوي وصرخت : كيففف تدش هني ما تعرف انه عرس حريم ؟

سرع بالمشي و تكلم بخرابيط مب مفهومه عقب وقف عن الباب ولف عليها : اسف ضيعت الدرب كمل

وطلع من بوابه الحريم وبعدين رد دخل و هو منزل عيونه و قال : سيارتي بالطرف الثاني

الميث بس تطالعه عقب ما طلع ردت قعدت عقب راحت عند عمها وقالت له انه بتروح البيت

سالم : زين حبيبتي تحملي بالدرب

وسلمت عليه وراحت

الصبح الساعه 8

سلطان يدق باب غرفتها بقوه : الميييث قومييي قلتي لي اقومج هالوقت بيروح كلاسجج مالي دخل

الميث قامت من ازعاجه  : خلااص قمتتت

قامت وراحت الحمام تغسلت وتبدلت ولبست لها دريس ابيض خفيف وطويل وفوقه عباه كحليه وحطت ميكب خفيف وخذت وياها كعب ابيض وجنطه صغيره ولابها وتوت باق فيه باقي الاغراض وحطت لامبيرو اكله وشلت فونها عشان تدق لنوف

الميث دقت لصديقتها  نوف : الووو

نوف : هلااا ميثووه

الميث : نوف جاهزه؟

نوف : هيه مري علي

اليمث : تمام دقايق واكون عندج

سكرت عنها ونزلت تحت سلمت على ابوها واخوها عقب ركبت سيارتها وراحت حق نوف

وصلت عند بيتها واتصلت لها عشان تطلع لها

ركبت نوف السياره: اونههه ميثوووه متى خذتيها هاي GTR صح

الميث : هيه صح بس لا تستانسين مب سيارتي سياره اخوي سيارتي ابوي بياخذها لانها مب راضيه تشتغل

نوف : والله اخوج عنده ذوق مب انتي ماخذه مرسيدس c200

الميث : ترا هاي سبورت زين عرفت اسوقها