حتى بزوغ الفجر

Tenth part

حَتـى بُزوغِ الفـجرِ 10

اشرَقـت:-  جسمي يرجِـف واني اشوفه يتحرك بقوه وذاك مستمر يخنـگ بي!!

:-شداا تسويييييييي

من شافنـي فتح عيونه  بصدمه ، ركض عَليه كلت خلاص متت بَس الي صار دفعنـي
وراح يركض

بكل سرعتي ركضت لابو عَلي، واني اشوفه مغمض عيونـه
وماةو مَيتحرك؟؟؟

نزلت الدرج اركض لبيت عمو عَلي حافيه بدون لا انتبه حتى عَلى مَلابسي

دكيت الباب بكل قوتي واني قابضه ايدي

:-فتحواااا الباااااااب بسررعة

بقيت اضرب بي بقوه ، لحَد ما فتحه قاسم وصرخ بوجهي

:-هاايييي شلون طالعه هيجييي

:-الحك فدوه بسرعةةة جدك ، جددك

:-شبي؟؟؟ احجيييي

:-مغمي عليه فدوه بسرررعة ليموووووووت

ابو عَمار:-شصاير شبيكم؟

:-امشي يابا بسرعة تكول جدي. واگـع .

اجو ويايه عَلى السَريـع، صعدوا اله اني بِقيت حوه افتر منا ومنا وابجي
ياربي هذا سندي الوحيد بَعدك
ياربيي والله اموووت انييي اموت احفضه ياربي

:-نزل عمو عَلي شايله وراحوا يركضون للشارع

:-خل اجي وياكم فدوه خل اجيي

:-اشششش وخرييييي

دفعني قاسم ، وفتح باب السياره دار عليه عمو علي

:-روحي يم البَنات لاتُبقين وحدج

جانن هنه اصلا بالباب خطيه واكفات يبـچن، اخذت صايتي
ورحت يمهن

حضنتني وَعد:- لاتخافين جدو قَوي

ام عَمار:- شصاير ليش تخربط

حرت شنو اكول الهم؟ الي اجه ببالي اخاف احجي ويكولون هي جايبه واحد وجايه تموته
متت رُعب وكتها

:-صعـدت فوك جنت رايده انام، شفته ماكو ميتحرك مگعد لصلاة الفَجـر

اسمهان:- لَعد انتي خلوج شنووو غير مُمرضه؟ شنو فائدتج؟
والله يا الله

:-اسمهان ماله داعي الكلام، البنيه متشوفيها منتهيه

بـلعت ريگ، وكعدت على القَنفه خايفه ووعد حاضنتني
همست يم اذني
:-شصاير؟ احجي الصدك لا تخافـين؟