طبعا ادري اني سحبت بس دراسه ف والله سوريييي بس أوعدكم البارت الياي بيكون طويل
يوم يديد :
غاليه قامت وسارت الحمام وخلصت وسارت تقوم احمد
غاليه : احمدوه قوم
احمد : بقوم بقوم صبري دقيقه
غاليه تحاول تخرفنه عشان يقوم : بيبي قوم
احمد تخرفن : فديتتتتتتت البيبيييي بس
غاليه : فداك يلا قوم تجهز
احمد : جيه
غاليه : بسير بيت ربيعتي مسويه عزيمه
احمد : منو
غاليه : ملاك
احمد : انزين
غاليه تجهزت ولبست دريس يجنن ولبست فوقه عباه كحليه وسوت ميكب و تعطرت وطلعت بمعنى الكلمه تجنن
.... ستوا ساعه أربعه ونص
احمد : ها خلصتي
غاليه : هيه
احمد : لحقيني
غاليه : تمام
احمد وصلها بيت ربيعتها
غاليه : شعرفك ف بيتها
احمد : ريلها ربيعي شفيج انتي
غاليه : هي تمام يلا باييي حبيبي
وعطته بوسه ع خده وطبع الروج ف خده
احمد : بايييي حبي انا اراويج الروج كله يا ع خدي
غاليه : هههههههه يلا باي
احمد راح وغاليه دشت داخل
غاليه اول ما يت بتي الصاله انصدمت
ملاك : هلا هلا ب غاليه
غاليه : اهلين
وهمست حق ملاك : هاي شو يابها ؟ ( تقصد ميثه )
ملاك همست لها : اختها ربيعتنا ما تذكرين و يت هاي وياها
غاليه : هي تمامم
غاليه سارت ويلست
تمو يسولفون
ميثه كانت بس ع فونها
ملاك : أقولكم يلا تعالو كلو
كلهم : تمام
غاليه : لا مابا مب يوعانه
ميثه : انا بعد ماباكل
سارو كلهم ياكلون فالميلس إلا غاليه وميثه تمو ف صاله
ميثه سارت عندها : اوه سلام عليكم
غاليه : وعليكم السلام شو تبين
ميثه : لا مابا شي سلامتج