"كيف نخفي حبنا والشوق فاضح"

الجزء الاول

الجد:يلا يابنياتي روحوا ناموا ونموا عييلكم ترا بنمشي باتسر بعد صلاة الفجر تولموا وترا اللي بياخرنا بنسحب عليه يلا بارك الله فيكم
قام الجد يتوضى عشان يصلي الفجر ويصحي عياله يمشون
الجد:لا إله إلا الله اصبحنا وأصبح الملك لله يلا يولد قم انت وياه نروح للمسجد نصلي ونمشي
العيال:ابشر ابشر يبه
بعد ماصلوا ورجعوا من المسجد جو ياخذون خواتهم وبناتهم وقبل
مايمشون جت دلهام تبي تكلم جدها
ديم:ابوي فالح ابوي فالح
الجد:سمي يبعد عين جدك امريني
ديم:يابوي عادي اروح معك مابي اروح مع خوالي وعيالهم
الجد:ابشري يبعد عين ابوتس على ذا الخشم يلا مشينا
وهم ماشين لم السياره جاء الجد اتصال
الجد:الو مرحبا مين معي؟
ولد اخته مناحي:السلام عليكم وشلونك ي خال عساك بخير أنا مناحي ولد اختك منيره
الجد اللي سكت شوي مستغرب وش يبي منه ولد اخته اللي مايكلمه الا إذا بغى منه شئ
الجد:هلا هلا وعليكم السلام امر وش بغيت
مناحي:سلامتك ي خال كل خير الله يحييك انت وعيالك الليله مسوين عشاء لسلامة الوالد
الجد: مايشوف شر والله طالعين أنا والعيال رايحين لم مخيم سعود إذا مدانا نحضر جيناكم
مناحي: الشر مايجيك ي خالي الله يحييكم باي وقت تنورون المكان يلا فأمان الله
الجد:الله يبقيك فأمان الكريم
ديم:يلا يبوي بنتاخر
الجد:ابشري يعيون ابوتس جايس جعل عيني ماتبكيس يلا اركبي
بعد ماوصلوا المخيم وراحوا العيال والبنات يلعبون والخوال راحوا يلعبون عيال اخوانهم وخواتهم جات دلهام لم خالها
ديم:خالي متعب خالي متعب!!
متعب:لبيه يقلب خالتس امريني
دلهام:ابي العب معكم بالدباب ركبني معك
متعب:ابشري كم عندي دين أنا اول روحي انشدي امتس إذا وافقت ابشري من عيوني
ديم:يمه تكفين ابي العب معهم بالدبابات
الام: تعالي يبنتس لايجيس شئً مافي لعب
ديم يمه تكفين ابي العب معهم خالي متعب بيلعبني معه
الام:خلاص روحي بس توقعي لاتطحين ولاتزعجين خالتس
ديم:ابشري يمه
بعد مالعبوا بالدبابات وعينوا من الله خير وتغدوا اذن المغرب ورجعوا دخلوا للمخيم ولقوا البنات مزينين لهم جلسه وشاوين لهم ذره
محماس:وش هالجو البيض قوموا بس خلونا نوسع صدورنا ونشغل شيلات ونرقص
نايف:والله محد جوه بيض غيرك انت بس انثبر القعده تهبل وش زينها
محماس:يمه ورا ماتسكتين ورعك ذا لاحط الزمزميه براسه!!!
نايف:ابك تخسي وتعقب تحطها براسي عشان مادفنك هنا
مي:ياخواني تعوذوا من أبليس حنا طالعين نوسع صدورنا مب تقعدون تتلاجون مع بعض
وبعد ماتصالحوا نايف ومحماس راحت منيره تبي تطبطب ع خاطر امها اللي متزاعله مع ابوها مادرت انها بتقلب مواجعها
منيره:يا ميمتي شرايتس تسمعينا بيت شعر في ابوي
الجده جازا:اقول بس طسي عني تبيني بهالسن اروح أتغزل بابوتس!! فارقي عن وجهي بس
المها:يمه تكفين عانيني طالبتس قولي لنا أبيات شعر لو حتى مب انتي اللي كاتبتها عن اي شاعر تحبينه
الجده:يوووه منكم خلاص بقولكم بس ماهو بعشان ابوتس
قالت هالقصيده حقت البدر بن عبدالمحسن:
"ربيع الحب"
الله يعين الروح .. كم هي تمنى
شوف الحبايب ساعةٍ عقب حرمان
والله يجازي اللي بلطفه هدنا
وقتٍِ تبدل وأبدل الوصل هجران
أقفى ربيع الحب .. وأدهر وطنا
وشوك الثرى دسناه في درب الأحزان
خاط القدر بسلوك حكمه كفنا
وإلى حكم وش ياترى بيد الإنسان
حنا ضحايا الياس .. نرجي زمنا
ينظر لنا لو يوم لله بإحسان
حنا ليالينا بهوانا رمنا
حنا.. جنينا ونرجي الله غفران

منيره:الله على العاشقه الولهانه
الجده: اقول بس فارقي عني خلاص قلت لتس اللي تبين يلا  فارقي عني أنا بروح اسوي لكم كرك
بعد ماراحت الام جازا تسوي لهم كرك حتى انها ماقامت عشان الكرك إلا ضاق خاطرها على فالح اللي مزعلها ورايح لم حرمتها الثانيه وهف عليها نسمة هواء وتنهدت تنهيدة الضيقه وقالت هالبيت:
يانسيم الليل سلّم لي على اللي مانسيته وبلغه شوقي
وبشرني لعله مانساني!!.

بعد ماكانوا قاعدين ومبسوطين جت ديم  عند خالها متعب تبيه يدق على جدها
ديم:خالي متعب دق على ابوي فالح شفيه ليه طول علينا هو كان واعدني انه بيلعب معي
متعب:ابشري يعين خالتس من عيوني
متعب:الو هلا يبوي وينك ابطيت علينا؟
الجد:هلا والله يوليدي والله اني كنت رايح عشاء مسوينه عيال عمتك جازا لسلامة ابوهم
متعب:اي وشلونه عساه بخير
الجد:اي الحمدلله بخير
متعب :يلا اجل يبوي لاتبطي علينا ترا ديم صاجتني ي خالي دق على ابوي فالح دق ع ابوي فالح
الجد:ي جعلني فداها قلها ابوك فالح جايك وجايب لتس مفاجاه
متعب:وش هي المفاجاة يبوي!!!
الجد:انت وش دخلك بيني وبين حفيدتي
متعب:هههههههههههه سم يلا اجل فأمان الله
الجد:فأمان الكريم
بعد ضحك ووناسه ولعب ورقص كانت جدتهم جازا جالسه معهم إلا وفجاءه تتعب ويوجعها قلبها بالحيل
الجده:ااههههخ اهخخخخ ي قلبي يعورني!!!
العيال:يمه سلامتس عسى ماشر تبين نوديس للمستشفى
الجده:لا لا لاتودني مافيني إلا العافيه
المها:يمه تكفين طلبتس خلينا نوديك انتي مب بخير أبد!!
الجده:ماتفهمون انتم اقولكم مافيني شئ
بعد ماتعشوا وارتاحت امهم جاء لسعود اتصال من المستشفى