بس ممكن يضيع منها بأي لحضه مهما حاولت متكدر تحافظ ع شي ضايع اصلا
ليليان: رامي شنو بينك وبين ذكرى
رامي: هاي ياذكرى شبيج
ليليان: الموظفه الي وياك
رامي: مبينه شي مجرد زميله
ليليان: رامي احجي الصدك شنو ابينكم
رامي: شكلج تخبلتي ولو حقج جاهله شتفتهمين
ليليان: اني جاهله ... !!!!
رامي: انتي اعداديه ممخلصه جاهله ونص كل عقلج طبخ وتنضيف شمفهمج بالشغل
ليليان: هذا جزاي اني عفت الدراسه علمودك ؟
رامي: لان غبيه بابا طيري من يمي احسن ماكسر راسج وسكتي بنتج خبلتني بس تبجي حموتها
ليليان: اول مره رامي يبات بره بعدها اتعود يبات بره البيت ميجي بالاسبوع مره سمعت من ناس انو تزوج حاولت اجذبهم اجذب نفسي حتى احافظ ع بيتي
بده رامي يقلل بالمصروف لحد بعد ميصرف علينه اني وبنته اضطريت اشتغل خياطه وخبازه وحتى انضف للعالم حتى اصرف ع بنتي وبيتي رامي ابد مجان يجي مره بالشهر واذا اجه بس يرزل ويطلع او يضربني
بيوم ١٢/٥/٢٠٠٠ اجه رامي للبيت
رامي: ليليان سمعي اني مادكدر افتح بيتين
ليليان: بس انت اصلا مصارف علينه شتريد اكثر
رامي: هذا البيت راح ابيعه
ليليان: واني وببنتك وين انولي هذا البيت اني سويته
رامي: مجاي اخذ رايج اصلا بعته وخلص وحشتريلكم شقه تكفيكم هو انتو نفرين
اين ذهب الحب والوعود والرسائل لا اعلم انا الوم من سرقت زوجي مني اعلم انه ليس ذنبها وحدها هو من سمح لها بأن تأخذه من اسرته من حبيبته ..
انتقلت للشقه اني وبنتي وبعد شهر اندك عليه الباب
ليليان: منو
المؤجر: اني صاحب الشقه اريد الايجار
ليليان: انت غلطان هاي الشقه ملك النه
المؤجر: لا هاي مالتي رامي اجرها مني وهسه لازم ادفعون
ليليان: الحقير اخويه والله ماعندي هسه
المؤجر : معليه ادفعون لو اطلعو
ليليان: نزعت تراجي (حلق) انطتنياه امي هديه بعرسي
هاك هذا كل العندي
المؤجر: ماشي يوم ١٧ شهر الجاي تره تدفعون
ليليان: الشقه بمنطقه رخيصه شعبيه جيارينه اليسكر والطايحً حضه جنت ام ب٢٦ سنه وياي بنت وحدنه بشقه بمكان مثل هذا جنت اتعرض لهواي مشاكل حاولت ارجع ع اهلي بس جانو مقاطعيني بسبب المشاكل بينهم وبيني
