Working Student (BISAYA AU FROM TIKTOK)

TRESE

"Kita ko sa entry ni Larry gahapon. Iyahang gisend. Perfect! Gwapa kaayo ka didto, Niks," sulti ni Chloe samtang nangaon mi'g paniudto sa gawas. "Wala lang ko kaadto kay gisabayan nako akong manghod paibot og ngipon."

"Sige ra."

"Daghan man daw'g kekero pag adto ni Larry sa inyo."

Mitando ko. "Mga barkada ni Janvier."

"By the way, speaking of Janvier. Nadungog nako si Karille ganina nga mag coffee date daw silang Janvier." Gipalihok ni Chloe iyang duha ka kilay pagtan-aw nako sa iyaha.

Coffee date? Wala ko kabalo malay ba nako sa ilaha.

"Infairness, naa na sila'y improvement kay naa na'y pa date."

"Yeah. Happy for them."

Nilingi dayun ko kay Chloe pagkadungog nako sa iyahang katawa.

"Happy for them? Nga mura'g wala man ka nalipay, Niks." Ngisi niya.

Peke ko nga mingisi sa iyaha. Unsa diay iyang giexpect? Alangan nama'g mag ambak ambak ko diri's kalipay.

Gilibatan rako niya. "Duh. Whatever, Niks.  Mag review nalang ta para sa atong long quiz unya."

Didto pako mingisi sa iyaha. "Better."

Wala nako'y balita about nila Janvier ug Karille. Wala na sad ni-chat si Karille sa akoa bahin kay Janvier. Dili na siguro niya kinahanglan og tabang para mapaduol kay Janvier kay parehas sa giingon ni Chloe, naa na sila'y improvement. Dako jud diay siguro'g impact ang paghatag niya og letter kay Janvier.

Nag tambay mi sa student lounge paghuman namo'g paniudto ug didto mi nag-iya iya ug study. Pero sa tinuod lang, mas dako pa ang porsyento nga nag manifest mi nga unta wala si Miss or kaya dili madayun ang long quiz kaysa sa porsyento sa mga notes nga among studyhanan. Dili namo ganahan mag quiz. Actually, nahibulong ko kung naa ba'y estudyante nga ganahan ana.

"Nag study mo?" Pangutana ni Jessica pagsulod namo sa room.

"Wala," tubag ni Chloe human mi nilingkod sa among lingkuranan.

Gi-abrihan usab nako akong notes para magpadayun aron maayo nalang naay maretain gamay usa misulod si Miss. Nagpamatuod nga naa jud diay mahitabong long quiz.

"Goodluck and remember to aim the high score!" sulti niya usa niya gipang dessiminate ang test paper.

Samtang nagtake ko sa quiz, ikapila na nako nabati ang ang pag vibrate sa akong cellphone nga naa sa bulsa sakong sayal. Wala ko kabalo kung ikaupat o ikalima na ba to. Pero base sa ka consistent sa tawag, makaingon kong importante jud to.

Nag excuse nako para tubagon ang sunod nga tawag bisa'g tunga-tunga palang ko.

[Hello, Ma'am. Ikaw si Rhean? Naa man gud ka sa emergency contact sa pasyente. Ig-unsa nimo si Mr. Champ, Ma'am?]

Mikun-ot akong agtang pagkadungog sa tingog sa lalaki sa pikas linya samtang naa ko gawas sa among room.

"Yes po, akoa nang Kuya. Ngano man?" Ug nikalit ra'g sugod ang butok butok sa akong dughan.

"Nadisgrasya siya, Ma'am. Naa siya diri karon sa hospital."

Wala ko kabalo unsa'y akong buhaton pagkahuman sa tawag. Nangapoy akong tiil ug mura'g gakurog akong mga unod. Wa ko kasabot kung modagan bako sa gawas ug muadto sa hospital o mobalik sa sulod para humanon ang quiz o unsa. Dili ko kahuna-huna' tarong. Akong utok tua kay Kuya. Nakit-an nalang nako akong kaugalingon ng galingkod sa gawas sa among room samtang gagunit sa akong cellphone.