سيار : لا والله صح احب ريوف بس بنت الناس مانيب قاهرها ولا منقص من حقها عشان بنت ثانيه صح اني ما كنت ابي الهنوف لكن عشان ابوي و يمكن احبها مدري و بعدين تدرين انهم طلعوا يعرفون ابوي و ابوي يعرفهم
هوازن : اي ذا الكلام صح و بعدين شعرفهم ببعض
سيار : شفتي جدي سامي و جد الهنوف
هوازن : اي ؟
سيار : اخويا قديمين و للحين واضح اخوتهم قويه
جات سكره : ها خلصتوا
سيار ضحك : خلصنا خلصنا
هوازن : اه ياربي يا لقافتك هههههه
سكره : يمه يالغيره وه شبلاك غيور مني
..
جابوا العيال الفرش لرجال الكبار و اعطوهم و طلعوا من المجلس و جلسوا بالحوش ..
كاسر : ودكم نطلع نوريكم نجدنا ؟
سامي : ابد قدام و اذا جيتوا حايلنا نوريكم
نمر : تم تم بس وين سيار
سيار جاء و جلس : على وين
عبدالعزيز : بنطلع نوريكم نجدنا
سيار قام : يلا ورونا
نايف كان يسولف معا وليد ...
.
بغرفه البنات ...
سكره : لحد يقول لزوجه اخوي شي
هوازن ضربت راسها من اختها : سكره صدعتي فيني خلاص هههههههه
سكره : و انا صادقه لا يقولون لها شي
سلمى : صادقه كل شي الا هنوفي
سكره : راحت ايام هنوفك الحين صارت هنوف سيار
سلمى بغيره : لا هنوفي وخري انتي و اخوك
سكره : هههههه راحت عليك
الهنوف ضحكت
العنود : لا تضحكين مستانسه يالوسخه انك بتروحين ؟
وجدان : هههههه شعليكم منها
الجوهره : يروحي خليتوها تستحي
....
ببيت الجد نواف اديم و فاتن يسولفون ...
اديم : و كيفها نجد ؟
فاتن : مسكينه تعبانه و معا الحمل تعبت
اديم ؛ حامل ؟
فاتن : ايوه
اديم : الله يسهل عليها
فاتن : امين يارب بقوم ادق عليها نسولف لها نغير جوها ما عاد شفتها المسكينه الله ياخذ زوجها ....
....
بالسياره .. عبدالعزيز يسوق جنبه سامر و بالوسط وليد
وراء سامي و جنبه نايف و جنبه فيصل
و بالصندوق سيار و ذيب و نمر و كاسر و سالم
ذيب بهواجيس بنجده :
يا جمال الليل ب اطراف المدينه
يا خيال الشعر و حروف الادب
خاطري مشحون و عيوني حزينه
من شفاي الصمت و بصدري عتب ...
كمل سيار بهواجيس ببنت حايل :
غيبتك غربه لو دموعي دفينه
في الضماير نار و ضلوعي حطب
المفارق ضامني تبت يدينه
و الدموع مغرقه جبن و هدب
وحشت الحي و حكايه ساكنينه
حركت فيني هواجيس المحب
انتي يا قوتت بحر دره ثمينه
مبعده وانا من البحر اقترب
و ابتدوا العيال معهم يكملون :
انتي ايه في الجمال و عاشقينه
انتي عطر انفاس و احساس و تعب
فيك زول الريم و اجفاله و عينه
و الفكر مشغول و العقل انسلا
الذهب ماله ثمن يا صايغنه
حتى لو هو يحترق يبقى ذهب
و ابتدا ليلهم يغنون و كل منهم يهوجس بمحبوبته لين وصلوا ....
..
نجد : الله يسلم روحك يا اديمي
اديم : كيفك ان شاء الله بخير
نجد : الحمدلله على كل حال و سكتت شوي و كانت تبي تسال عن ذيب
اديم فهمت عليها و نطقت : ال فيصل كلهم بخير
نجد ابتسمت و نطقت : يلا ما اطول عليكم
فاتن : يلا يعيوني انتبهي لك و قفلت ...
..
محمد : نجد
نجد : هلا
محمد : كيفك الحين ؟
نجد : بخير الحمدلله
محمد : تعالي عندي موضوع معك
نجد : طيب و جات جلست قدامه
محمد : نجدي انا اسف على كل اذاء سويته لك لكن القرار لك
نجد : قل
محمد : انتي حامل الحين بولدي و اكيد ما ودك ولدك يكون بين امه و ابوه منفصلين صح
نجد : صح
محمد : تبين تكملين معي ولا اطلقك و ولدك معك عادي و ابي منك تسامحيني ...
نجد سكتت شوي واردفت : ولدي ما بخليه بين اهل منفصلين
محمد ابتسم لها : يعني نفتح صفحه جديده ؟
نجد : نفتح
محمد حضنها على طول و هو يبتسم لانه حب نعمم محمد صار مغرم بنجد
نجد بكت بصوت غير مسموع و هي منهاره على ذيب ما قدرت تسلى عن ذيب ما قدرت تسلى عن شاعرها
....
نايف : شاعر يا سيار ؟
سيار : متذوق لشعر
نايف : عطنا نبي نسمع
سيار : ابشر و تلثم بالشماغ عشان ما تبين دموعه و قرب من الضوء ...
و نطق :
شكاوي للي رَافِع السَّبْع شكاوي
ياللَّه عونك خَاطِرِي مَا نساها
لِأَمْن ذَكَرْته حُزْن الْأَيَّام مركاي
ولعين تَدْمَع مِنْ شِقِّى مَا بلاها
هَذَا طَرِيقٌ الْحَبّ متعبلي اخطاي
وَنَار تَحَرَّق ياعرب مِن وَطْأَهَا
مِنْ غَيْرِ مدري لبيتهم دَوَّم مشاي
حَرَامٌ مايومن خفوقي جفاها
رجواي قَبْل أَرْوَح ياللَّه رجواي
شُوف الريوف اللَّيّ ذبحني هَوَاهَا ..
كاسر : الله عليك
نمر : الريوف؟
سامر بترقيعه : هي كذا القصيده ما ناسب معها اي اسم الا الريوف
سالم : لو قايل الهنوف ابرك
نمر : ورع لا تقرل محارمنا
سالم قمط العافيه ..
و ابتدوا ليلهم بقصايد ذيب و سيار و عبدالعزيز ....
اليوم الثاني ....
صحوا يفطرون و جلسوا و جاهم الرد من الهنوف بالموافقه و الكل كان مستانس الا سيار .
راكان ال راجح : متى تبون الملكه
الجد عبدالعزيز : الاسبوع الجاي ان شاء الله
الكل وافقه الرااي
راكان ال راجح : اجل حايل تطلب اهلها و حنا محركين الحين و الاسبوع الجاي الملكه بحايل ..
الجد عبدالعزيز : ابد ما نردكم و ابشروا و الله يستر عليكم
...
عند البنات كانوا يودعون بعض
سكره ركضت تحضن سلمى : اشوفك الاسبوع الجاي
سلمى : افا عليك اول الحضور
هوازن : لحد يزعلنا عروستنا
الهنوف ابتسمت لها
سكره لهنوف : حضن حضن قبل نروح
الهنوف حضنتها و بادلتها سكره الحضن ...
.
نجد صحت اليوم الثاني و هي توضي و تصلي و تدعي ربها يسهل حملها و يصرف قلب ذيب عنها
محمد دخل : صحيتي ؟
نجد و هي جالسه على سجادتها : ايوه
محمد : امشي نتغدا و نروح لديره ودك بها؟
نجد : ايوه اشتقت ل امي
محمد قرب باس راسها : من عيوني ...
نجد ابتسمت له و قامت معه للفطور ...
.
مرت ثلاث ايام و اهل نجد يجهزون لسفرهم لديار حايل ..
بديار حايل .
سيار جالس على عتبه بيتهم و شاف ريوف طالعه للبقاله الي بالحاره شافته و لفت عينها عنه ..
سيار و هو يحاول يكلمها نطق بصوت خافت و هو يغني :
يا هيه التفت لي و اسمع دعاي لك يا هيه
ترى عادك بتشبع من البعد و تواجه
دعيتك بصوتن يوصلك ليه ما توحيه
و انا اسمع ضلوعك من صدى الصوت لجاجه
....
يلا ميته نجمه و نكمل و بدلعكممممم بببارت يجنن
أنت تقرأ
ما هويت بنجد العذيه الا هواها
Poetryروايتي الثانيه و يارببب تعجبكم و للي يحبون الديره و اجواها هاذي الروايه بعيد عن عصر روايتي الاولىىى لا اسمح اقتباسها او نقلها الا باذني . انستا : rwa.j2 تيك : rwaj2
