اليوم الثاني اليوم الموعود ... اقبلو اهل حايل على اهل نجد ...
...
الكل صحى بدري يبون يستقبلون ضيوفهم ...
صحو ال فيصل و بدا بيت ال فيصل ب ريحه العوده ... و طبعا ال نواف و ال مساعد اول من يشاركهم فرحهم ...
..
عبدالعزيز : العوده يا ولد
شيخه : امسك عقبال نبخرك بعرسك
عبدالعزيز ضحك : مطولين شكلنا هههه
شيخه : لا ان شاء الله زواجك انت و ذيب و سلطان و نايف معا بعض
عبدالعزيز : ان شاء الله
....
سلمى بالمطبخ : عشتي يا هنوف بتعرسين و بتروحين يالخاينه
العنود : سلمى هزي لنا بالله
سلمى : افا عليك ابشري وين الشيله بس
الهنوف : امسكي و رمت جلالها عليها اخذته سلمى و ربطته بخصرها و بدت تهز لهم و العنود و الهنوف يغنون و وجدان تطبل بالصحن
الهنوف و هي تغني و كان صوت الهنوف و العنود بالغنى حلو :
اه من موقف جرالي
و اه من طول السنين
بعد غبتي عن عيوني
و المشاعر بارده
راحت ايام المحبه
يوم كنا عاشقين
يوم كنتي في غرامي
و المحبه زايده .
كملت العنود و هي تلحن :
و اه يا قلب المحبه
وش بلاء قلبي حزين
غيرك انتي ما على قلبي سوالف وارده
اتذكر وين كنا و كيف صرنا بعد حين
عقب ما كنتي قريبه صرتي مني شارده
و اه من الضيم الليالي
وين كنتي و صرتي وين ..
و سلمى تهز و قامت تشاركها الهنوف و كانوا يتمايلون مثل الغصن الندي و يغنون معا بعض ...
الجده ام مشعل دخلت على اصوات البنات : عشتوا عشتوا
وجدان : جده شاركيهم
الجده ضحكت : لا خلاص راحت ايام الشباب
ام عبدالعزيز : وه يا عمه توك صغيره
الجده : ما عاد تسوقونها علي خلاص دريت اني كبرت صار عمري ينحسب
الجوهره : لا يا جده بسم الله عليك الله يطول بعمرك
الهنوف : جده لا تقولين كذا جعل عمري قبل عمرك
الجده ضربتها : استغفري و عيشي حياتك يا بنتي عاد الخطابه جاين
الهنوف : جده يروحي انتي تضايقت من كلامك
الجده : امزح عليك بقعد لك لين اشوف عيالك و بعد بخليك تسمين اول بناتك علي
الهنوف : ابشري هههههههههه اطلق من اسمي عليه
...
شيخه : يلا يا بنات البسوا بيجون و تكشخي يالهنوف
الهنوف : ابشري و طلعوا البنات بعد ما حضروا و نظفوا المطبخ ...
..
الجد ابو نواف : اهجد لا تفضحونا قدام اهل حايل
كاسر : وش نوحك يا جد
نمر : ظابطه اللهجه ههههههه
سلطان : كاسر اسكت
كاسر : اسكت انت لا تسكتني
نايف : اسكتوا كلكم و لف على نمر و انت قم جب حطب على الضوء
نمر : سقها
...
اذان العصر ....
دخلت اديم : بناتتت جيت
شيخه : ارحبي يا روحي
اديم : البقى يعيوني وين البنات
شيخه : وه شقصدك و انا ماني بنيه هههههه
اديم : يوهه انتي حلوه البناتتت
شيخه : جعلني ما خلا شوفيهم بغرفتي يكشخون
اديم ركضت لهم ..
شيخه : على مهلك يا امي ههههه
و اقبل تسلم على الجده ام نواف و على ام فهد ...
...
اديممم : الله شذذذذذذااااا الجمااااال يا عروستيي
الهنوف حضنتها و هم يضحكون و يكشون و ابتدددت ايام الهنى ..
.
فاتن و ام نجد دلال دخلوا و نجد مو معهم ما جات ...
شيخه : ارحبي يا دلول و ابتدو يسلمون كلهم على بعض ...
.
ربع ساعه و توقفت سيارات ال راجح ..
.
با اراضي حايل ...
ريوف بدموع : ساميه متاكده ؟
ساميه : ايوه رايح يخطب ب اراضي نجد
ريوف قعدتت تبكي و تدق عليه و ما كان يرد عليها ..
ساميه : انسيه من نساك انسسيه يا اوخيتي
ريوف : مقدر مقدر علمونيي شسويت عشان يحرق قلبي كذا
ساميه : اثبتي مكانك يا بنت و منهو عشان يحرق قلبك اهه يا اختي اهه مالت عليك تبكين على ولد ال راجح ؟؟؟
ريوف : دقيي على زوجك خليه يكلم اخوه ما يخطبببب
ساميه : لا انتي انهبلتي رسمي خلاص يا ماما انتي تعالي ..
ريوف اقبلت على اختها و حضنتها و كانت تبكي ب انيين و بصوت مسموع ..
.
دخلو ال راجح ..
الجد ابو مشعل : ارحب ارحب يا راكان
راكان ال راجح : عمي عبدالعزيز ؟ البقى البقى
الجد ابو مشعل حضنه و رد له راكان ال راجح الحضن تحتت صدمه الكل ب ان بينهم معرفه قديمه ...
الجد ابو مشعل : حي الله ولد الغالي
راكان ال راجح : الله يبقيك يا ابوي انت
و بدوا يسلمون و نطق الجد مشعل : بيض الله وجه من جابك يا ولد سامي ال راجح ...
راكان ال راجح : جابني بعدد حيي سعود
الجد ابو مشعل : ابو نواف
الجد ابو نواف : سم
الجد ابو مشعل : ذا ولد خويناا سامي بن راجح الي بحايل
الجد ابو نواف : اسالك بالله ذا راكان ولده
راكان ال راجح اقبل يسلم على الجد ابو نواف و بدوا يتعارفون كلهم ...
و جلسوا ...
راكان ال راجح : انتوا عارفين طلبنا يا ال فيصل جاين نطلب الهنوف بنت سعود لولدي سيار
تكلم الجد ابو مشعل : اي عارفين و خابرين و ضروري نسال البنت و والله ونعم فيكم ي ال راجح
راكان ال راجح : معليك زود و زين لها حق
الجد ابو مشعل : ترا عشاكم الليله و ممساكم عندنا و الرد بكره ان شاء الله
راكان ال راجح : لا وا
الجد ابو مشعل : والله ما تردني
راكان ال راجح : خلاص تم
...
عند الحريم دخلت ام سيار و هوازن و سكره ...
سلموا على بعض و بعدد وقت ..
ام سيار : ودي اشوف عروستنا
ام ذيب : ابشري شوي و تجي
و بدوا يسولفون ..
..
راكان ال راجح : ذا ولدي سامر و ذا ولدي سامي و ذا سيار .
ابو سلطان : والله ونعم فيهم رجال عيال رجال
سيار : معليك زود يا بعد حيي
و ابتدوا ليلتهم بالسوالف ...
.
طلعت الهنوف لهم و كانت جمييله جدااا عيونها واسعه و عندها غمازات و شعرهاا مايل للون البني و بيضاء و كانت نحيفه الخصر و جميييله ..
...
سكره : هني اخوي والله
الهنوف استحت و ابتسمت لها
هوازن : بسم الله عليك يا عيوني
ام سيار : الله يحفظك من العيون يارب
الجده ام مشعل : تعالي يا بعدهم اجلسي هنا
دخلت الهنوف و جلست جنب جدتها و كانت سكره ترمي عليها مدح ..
..
بعدد وقت جاء وقت العشاء ..
الجد ابو مشعل : ارحبو على العشاء
راكان ال راجح : الله يكثر خيركم
الجد ابو مشعل : و خييرك ما سوينا شي
..
تعشوا و خلصوا ...
سكره : اما عاد بننام هنا
سيار : اي و ها انتي يا ام لسان فكينا من لسانك
سكره : وهه وش بسوي
هوازن : و هو صادق اسكتي من يوم و انتي ترمين مدح لبناتهم استحوا عاد
سكره : سيار
سيار تكى على الجدار : عيونه
سكره : هني هنيي لك يا سيارو البنت تجنن
سيار : محد يباهي ريوفي
سكره : وجع والله هنوف صاروخ تنسيك اسمك حتى
هوازن : سكره ادخلي شوي
سكره عرفت انها تبي تكلمه و دخلت ..
هوازن : سيار
سيار : روح سيار انتي
هوازن : ما هقيتك كذا يعني انت بتتزوج الهنوف و ناوي تكسر خاطرها بذكر ريوف ؟
سيار : لا والله صح احب ريوف بس بنت الناس مانيب قاهرها ولا منقص من حقها عشان بنت ثانيه صح اني ما كنت ابي الهنوف لكن عشان ابوي و يمكن احبها مدري و بعدين تدرين انهم طلعوا يعرفون ابوي و ابوي يعرفهم
هوازن : اي ذا الكلام صح و بعدين شعرفهم ببعض
سيار : شفتي جدي سامي و جد الهنوف
هوازن : اي ؟
سيار : اخويا قديمين و للحين واضح اخوتهم قويه
...
هاتوا 100 نجمه و انزل يلا
أنت تقرأ
ما هويت بنجد العذيه الا هواها
Poesíaروايتي الثانيه و يارببب تعجبكم و للي يحبون الديره و اجواها هاذي الروايه بعيد عن عصر روايتي الاولىىى لا اسمح اقتباسها او نقلها الا باذني . انستا : rwa.j2 تيك : rwaj2
