الجزء ٢
الفصل السابع:
تحدثت مارلين بصدمة وتعجب!:
إياد بتعمل أيه هنا!؟..
تحدث إياد ومازال شارد بالبحر التي يشبه عيون معشوقته كثيراً:
دا مكاني علفكرة باجي هنا كل لما بكون زهقان.
نظرة له بذهول ثم تحدثت بهدوء مصطنع:
اممم زيي.
نظر لها بعمق داخل عيناها ثم أسترسل حديثه بمكر:
تفتكري صدفة؟
تحدثت بأرتباك ثم أبعدت نظرها عن عيناه:
معرفش.
أخذ إياد نفسه بصوت مرتفع ثم أسترسل حديثه وهو يضع يده في جيب بنطاله وينظر للبحر:
ليه عاوزه تحطي بينا ألف حيطه و200 سد وانا وانتي عارفين اللي فيها يا مارلين؟.
نظرة له مارلين بهدوء ثم أخذت نفسها بضيق:
عشان مش هينفع يا إياد؟
نظر لها إياد بعض الوقت ثم أتجه إليها ووقف امامها مباشرةٍ:
مارلين مافيش حاجه أسمها مينفعش، انتي اللي بتحاولي تخلي سبب أسمه مينفعش انتي مش عاوزه تخلي ليا بقلبك مجرد حاجة اسمها مشاعر. مش عاوزه تحسي بالضعف قدامي صح؟
تحدثت بغضب شديد:
لاااا، إياد لو سمحت متخلنيش أفقد مجرد أحساس الصداقة اللي مبينا انا بعتبرك صديق ليا متخلنيش أخسرك، احنا من أنهاردة زمايل في الشغل وبس، عن أذنك.
تركته ورحلت اما هو نظر في أثرها ببسمة باردة ثم تحدث بمكرر:
اوووك يا ماري انتي اللي أختارتي.
~~~~~~~~~~~~
علي الناحية الأخري
في الشركة:
تحدث زين بأسف:
اسف يا عمي والله هو الممول أستفزنا بالكلام وانا أتعصبت عليه لو كنت عارف ان دا هيحصل مكنتش رديت عليه خالص.
تحدث عز بتأييد:
اه والله يا عمي...
جاسر بمقاطعه وصرامة:
خلاص بلاش تبرير لغلطتكم انتم غلطم واللي حصل حصل وعقابٍ ليكم انتم الأتنين هتدورو الفترة الجاية علي ممولين جداد للشركة غير أنكم هتشتغلوا علي الصفقة الجديده ليل ونهار لحد ما تخلص ومفيش دقيقة راحة.
تحدث عز وهو يبتلع ريقه بصعوبة:
ايوا يا عمي بس دا كدا مش هنعرف نروح البيت خالص قبل يومين.
جاسر بحدة ومقاطعه:
انتا تسكت خالص انتا دا عقابك بس بسبب تسرعك الزفت اللي عملته لاكن عقابك التاني انك مديت ايدك علي اخوك الكبير دا لسه مشوفتوش ومن هنا لحد ما الصفقة تخلص مش عاوز اشوف وش حد فيكم في البيت، ثم اكمل بتحزير مخيف:
واللي هشوفه منكم مش هيعجبه رد فعلي يلا اتفضلوا.
نظر عز ل زين برعب ثم ذهبوا لكي يفعلوا ما امرهم به عمهم.
~~~~~~~~~~~~
في القصر:
كانت تجلس كارما بجانب الفتيات بتأفف:
اوووف بجد انا زهقت.
تحدثت جوليانا بتفكير:
اي رئيك نخرج شوية انا وانتي وناكل في مطعم.
