مايا و ابوبكر... مرتبطين... الكترونيا... ليهم ٤ سنة..
بيتونسو بي المسنجر...
دا اسوء انواع الارتباط المنتشر في زمنا دا...
اول شي لأنها علاقة محرمة... تانيا سرية... تالتا كل واحد بيتعدى حدودو و ممكن يكشفو اسرار بيوتهم او هي تأتمنو و ترسل ليهو صورها و تضرب ليهو مكالمة... و اكعب حاجة هي هوية الزول دا... يعني ممكن يكون مجرم... امكن بلا اهل... الضمنك او الضمنك انت شنو انو او انها ما بتنشر صورك... غير دا ي جماعة امكن يكون ناس مريضين و ممكن يعملو اي شي فيك لو ما نفذتي الدايرنو... امكن يهكرو حسابك و ينشرو صورك... او يهكرو تلفونك عديل والله... ممكن يكونو شواذ و العياذ بالله ي اخت و اخو... عشان كدا م تخاطري... حتى لو ضمنتيهو... خافي الله في افعالك... لو ما كان عندك رقيب... الله قاغد... يسمع و يرى...
.....
نبدا قصتنا...
الساعة وحدة صباحا ي خلق... و المعشوقين ديل بيتونسو... ممكن اقول ليكم انهم عشقو بعض بالرغم من انهم ما لاقو بعض... و لا حصل شافو بعض و لا سمعو صوت بعض...بس حبو بعض بالجد...
...
/ حب بالجد لكين ما بي ضوابط /
رسلت ليهو :
_ ابوبكر....
رد ليها طوالي
_ احكي ي قلب...
اترددت بعداك رسلت ليه ...
_ انا عايزة اشوفك...
طوالي دق ليها مكالمة فيديو... البت نطت من السرير و رمت التلفون... و هو لسع بيدق...
قفلت الخط و قالت ليهو..
_ ما تدق لي كدا...
_ ما قلتي عايزة تشوفيني؟
_ بس ما عايزة اضرب مكالمة...
_ خلاص طيب..
_ زعلان ؟
_ لا كيف ازعل منك...
_ اسفة والله بس صعب علي...
_ عندي فكرة.
_ اها ؟
_ نتلاقى...
" تدق علي قلبي الزجاجي... بالحديد"
_ لا لا شنو؟
_ بالجد بس نتلاقى و انا اشوفك و انتي تشوفيني...
_.....
_ مايا...
_ انا مكالمة م قادرة افتحها تقول لي نتلاقى
_ طيب؟
_....
_ م مشكلة وقت تكوني مستعدة بنتلاقى...
_....
_ يلا تصبحي على خير يا قلبي...
_ لا...
_ شنو؟
_ بنتلاقى يوم الخميس نهاية الاسبوع...
_ شنو انتي جادة؟
_ اي جادة.
_ طيب يوم الخميس م بقدر عندي شغل نتلاقى يوم السبت...
_ طيب...
_ وين؟
_ ممكن في حديقة...
_ خلاص.. طيب.. احيي انا م مصدق...
_ ان شاء الله حتشوفني و حأشوفك و حتسمعني و حأسمعك...
_ بحبك ي مايا...
_ بحبك اكتر...
و قفلت التلفون سريع و الخجل كاتلها و دقات قلبها مبالغة... رمت التلفون في السرير و نامت...
.....
_ ي مروة قولي لي بت خالتو مهيرة تجي يوم الخميس هي و امها عشان نحتفل بي جية محمد اخوك طيب... اوووووعك تنسي...
_ هي بسم الله تقوم تعرس مروة لي محمد امها الما نصيحة دي...
_ ي بت ها امشي كلميها بس..
_ طيب يلا مع السلامه...
_ الله معاك حبيبة...
مشت الجامعة بعد ودعت ابوها و ناس البيت...
خالتو مهيرة دي جيرانهم بس لي التوضيح... بتها زميلة مروة في الجامعة...
وصلت الجامعة طبعا لسع توتر انها حتقابل حبيبها ابوبكر داخل فيها...
صحبتها نهي بت مهيرة جيرانهم... قعدت تتونس معاها و تحكي ليها عن انها حتلاقيهو...
_ ي نهي انا حبيتو بالرسايل بس... بدون اشوفو او اعرفو او حتي اسمع صوتو...
_ م عارفة والله بس شايفة موضوع انك تحبي زول من غير ما تعرفي شي عنو بس مجرد رسايل... م كويس... في خيبات في النهاية لمن تعرفي حقيقتو...
_ انا ما شغالة بي كلامك دا.. انا حبيتو و هو حباني و بتكفيني كلمة حب دي بس...
_ طيب ي زولة..
_ عايني تعالو يوم الخميس حيجي اخوي من محمد من مصر...
_ كذاااابة احييي ي قلبي... احييي ي حمودي...
_ اتقلي شوية... بتنبرشي قدام حماتك كدا...
_ م بقدر...
.....
رجعت البيت رمت شنطتها و يوم الخميس الكان مستنياهو عشان اخوها حيجي... بقا م فارق معاها و كل همها بقا في يوم السبت و يوم تلاقى ابوبكر...
...
بقت بتتراسل معاهو لحدي الليل جا... و الصباح اصبح و لسع بيتراسلو بدون زهج... و مع كلو رسالة كانو اول مرة تعرفو... حب غريب متجدد...
جا يوم الخميس...
مروة = مايا...
محمد = ابو بكر..
......
مروة بقا كل همها يوم السبت البقرب دا... و كل بالها ابوبكر...
و امها بتكورك و تناديها و هي سرحانة في محادثاتهم...
فجأة جات عليها دايرة تشيل التلفون... الباب دق و انقذها...
جات داخلة مهيرة و بتها نهي...
تاني الباب دق..
اهلهم...
تاني دق...
ابوها جا من شغلو...
تاني دق...
_ اي ي امي هسي بفتح...
فتحت الباب... اخوها عاين ليها... حست بي شعور غريب جواها... و قعدت تبكي طوالي... كيف قدر ابوبكر ينسيها اليوم العظيم دا... اخوها الليهو ٤ سنة مغترب ما شافتو...
حضنها بي قوة و الناس كلها بقت بتزغرد و تبكي...
طول القعدة هي كان بتبكي و تقش دموعها...
بعد الضيوف شرفو...
اخوها محمد جا عليها...
_ كدي اطلعي نتونس اشتقت ليك ي رورو...
_ بقيت تدلعني بجد اتغيرت...
_ لا خلاص م بدلعك عشان ما اتغير...
قعدو يضحكو و مشو الحوش...
اول ما جا في بالها... لي في شعور غريب جواها تجاه اخوها... كل ما يتكلم بتجيها رجفة جواها...
تانيا...
لي اسلوب كلامو بيحسسها ابوبكر..
_ ان شاء الله جيت ليك بي وحدة من بنات هناك السمحات...
_ والله هي... من هنا بس...
_ شنو؟
_ ما شفتها قبل كدا...
_ كيف؟
_ بنتكلم بالتلفون بالرسايل بس ما حصل شفتها و لا سمعت صوتها... رقمها زتتو م عندي.. بس ي مروة بالجد حبيتها...
_....
تالت شعور...
لي دي نفس القصة الحاصلة معاي...
_ ليه؟
_ م عارف بس... حألاقيها أن شاء الله...
_... اممم طيب...
سألت السؤال الغلط...
_ بتعرف اسمها...
_ ليه بتسألي بقيتي شمارة على فكرة...
_ بس جاوبني...
_ اسمها...
..................... مايا .....................
....
صنة في الاضنين... عدم قدرة علي الكلام... رجفة... عدم تصديق... كلو حصل ليها...
_ شششنو؟
_ مايا اسمها... اي اسم غريب بسسس... ما اظنو انا زاتي اسمها الحقيقي...انا زاتي قلت ليها اسمي ابوبكر
طوالي دخلت غرفتها من غير مقدمات...
و رقدت و قعدت تبكي...
حبت اخوها...
دا لمن تثق في حاجة عينك ما واثقة فيها خليك من قلبك...
دا لمن تحب من غفلة و في غفلة...
حبت ابوبكر في اليوم السافر فيهو اخوها... دخلت في نوبة زعل... و بكا و لقت الصديق القريب دا طوالي و حبتو...
من غير علم...
.....
الصباح جا...
مشاعرها ماتت... احاسيسها ماتت... ماعارفة كيف هي تكلم اخوها انو هي مايا...
اخوها دخل الغرفة...
باسها في راسها...
غمضت...
و دموعها جات نازلة...
ما عرفت كيف هي غشت روحها و غشت اخوها و دخلت في المعصية دي...
يوم كامل و هي محبوسة في غرفتها... كلهم شفقانين عليها... و هي بس بتبكي بدون ما تعمل شي...
.....
يوم السبت....
قررت انها تمشي و تخليهو يشوفها و يعوف الحقيقة من غير ما تتكلم معاهو كتير...
اول ما لبست و طلعت لقت اخوها فرحان و طالع و متظبط... قلبها و جعها عليهو و رجعت غرفتها و قعدت تبكي...
" اندم... فقط اندم... و لا شيء لأفعله غير الندم"
قررت تطلع شالت شنطتها و لبست عبايتها...
_ مروة...
لقتها اختفت و جرت ركبت ترحال ووصلت المحل...
بقت واقفة في نص الحديقة...
و سبحان الله لقتو واقف و بتلفت في نفس المحل...
قلبها انفطر...
صعب تنجرح بس اصعب تجرح زول تحبو.
" قد نتجاهل النصائح... نتجاهل الواقع... من اجل ما ثغر في قلوبنا من حب... لكنها لم تكن عن عبث... اتت الينا تجر عواقبها... فوقفنا نراقب على حافة الندم.. نلامس الواقع اخيرا... بعينين ابصرت ما لم تكن تبصر...لم يكن حقا علينا معرفته..."
همسات نفسي : كيف قدرت احبو... كيف حبيت اخوي زي داك... ممكن تقولي لي دا حب عادي بين اي اخوة بس وصل ليك بي صورة تانية بس اصلو ياهو واحد... لا الاصل واحد لكين الحب م واحد... حبيتو حب بت لي ولد... حبيتو حب محبوبين... عاشقين... بس اول م شفتو و عرفت الحقيقة... ما حسيت بي مشاعر ابدا... امكن عشان دا اخوي و عندي معاهو مشاعر تانية...
وقفت منتظرة اللحظة اليتلفت...
خمس دقايق...
اتلفت...
نظراتو كان... ما قصة... تاريخ...
عاينت ليهو بي نظرات فهمها هو براهو... ندم و حسرة و توبيخ كلو كان فيها...
وقف متجمد... بس متجمد... امكن كان بيحبني اكتر مما كنت بحبو بس...
بكيت بس ما عرفت اعمل شنو...
ندمت علي اللحظة العرفتو فيها ندمت علي اي كلمة قلتها... اي رسالة رسلتها...
فرحتو اتلاشت... و اظن اتلاشى معاها باقى قلبو...
اتمنيت الموت والله في اللحظة ديك...
همس لي بي ضحكة من بعيد
_ شكرا...
رفعت ليهو اصبعي... قام جا علي و هو بيضحك... و قرصني في اضاني...
_ طلعتي م هينة...
_ و انت زاتك...
ضحك و مسكني من رقبتي بي ذراعو...
قلت ليهو
_ معليش...
ضحك و قال لي...
ظ ما تجيبي سيرة الموضوع دا و انسي الحصل بس...
_ امم طيب..
_ مالك زعلانة كدا ي عسل و لا اقول مايا...
_ خلاص م قلت انسي الموضوع...
_ بهظر ي بت يلا نلعب مدام احنا هنا...
_ طيب..
همست ليهو :
_ بحبك ي مخادع... ( همسات .....
_ ههه بعععععشقك (...... عاشقين
___________The**End___________
