مرحبا شلونكم شخباركم انشاء الله زينين
رجعت الكم ب بارت جديد
شكرا لكل شخص قرا وترك اثر جميل
قراءة ممتعة
يلا نبدي
•••••
.
اجيت انا دخلت بغرفة امي وقفلت الباب
بنتي جانت نايمة اجيت فتحت خانتهه واطلع بملابسهه واشم بيهه وابجي وامسح دموعي بشيلتهه
صفطت اغراضهه واخذت محبسهه وطلعت تلفوني
القديم خليته وي اغراضي
ضليت احجي بصوتي المبحوح
عفتيني وحدي ورحتي يم ابوي. هسه
صدك صرت يتيمة لا رجل لا ام لا ابوي اخواني
ما يسالون عني منو بعد اشكيله همي
منو بعد اذا ضجت يمسح على راسي ويقرا قران
خاطر ارتاح منو يا يمة منو
ليش مو انا الي متت وانتي بقيتي يم بنتي
يم اولادج انا محد يريدني يا يمه ليش ما
انا الي متت شسوي من بعدج كليلي
اندك الباب فتحته لكيت خالد
دخل وسد الباب وراه
اجيت كعدت يم بنتي
خالد-- ردت اكلج حضري روحج باجر يجي
سلام ياخذج
وئام-- انا ما اريد اروح اريد ابقة هنا
خالد-- مناك رجلج وبيتج شنو تبقين هنا
وبعدين شتسوين تبقين هنا
وئام-- خالد انا اروح بس اغراض امي وملابسهه
وغرفتهه اذا احد اخذه شي منهن اراويكم شي
عمركم ما شفتو
خالد-- وئام هي الغرفة بيهه ريحة امي
شلون اخربهه لو اودي اغراضهه منو يستاهل
ياخذ شي من اغراض امي
وئام-- حجة وشبكني وانا بجيت هي اول مرة
احس بعطف خالد تجاهي لميت اغراضي
ثاني يوم اجة سلام واخذني
اجيت لغرفتي وبقيت ابجي واطلع الفديوهات
الي انا وياهه واحنه نتشاقه وصوتيات من تسولف ع حياتهه هي وابوي
بقيت ابجي وانا اسنع بيهه وبنتي كاعدة وتباوت عليه
وتمسح بدموعي ومبرطمه حلكهه وتكلي بيج ماما
بيج
شبكتهه ما بيه شي يا روحي انتي ما بيه شي
بقت تبارك كل يوم تتصل بيه وتحجي وياي
وتواسيني هي الي صبرتني لو ما هيه ما ادري
شنو جان صار بيه
اجة الاربعين ورحنه للنجف شفت كبر امي
وصورتهه اباوع عليهه وكانهه تكول هلا بيج يمة
مشتاقتلج ليش ما حايتني شايفتني
اجيت اصرخ وانا شابكه الكبر
وابجي خالاتي ينعن يم الكبر وانا اسمع الهن وابجي
خليل كعد يم كبرهه وضل يقره قران
وكالو خل انروح
أنت تقرأ
نيران قلبي وارملة اخي {ما بين الحب والكرامة}
Romanceالقصة بعنوان :- نيران قلبي وارملة اخي { ما بين الحب والكرامة} الوصف :- اصعب معركة يعيشهه الانسان بحياته هي المعكرة الي تصير في نفسة بين قلبة وعقلة بين الحب والكرامة منو ينتصر الحب لو الكرامة لو الانسان فقد الاحساس ب الدنية وتعرض للخذلان...
