صدفة 12:27
بقلم الكاتبه = ريم محمد
«لروايه منقولة»
__________________
لچـمو گـلبي بحچايات
حتى بنومتي يصلن
__________________
ميان : تخبلت مـي لاتخبلينييي شـنووو هسه تذكرر عندده اختت واجه عليهااا ؟
مي : ولچ والحسين اذا لزمته اشرب من دمه هذا العاار ميان امي كالت روحي لبيت لحجيه وابقي هناك بين مالكه حل وارجعلكم تكدرين تجين تاخذيني
- اني وعباس ؟
مي : حتررك دمي حرك منين نلكااها من سرراج المچلوب لو رسول لي اچلب منه لك ثنينهم واااحد احقر من الثاااني مي اهـدي حبيبتي جاايتج هسه
- خوماا ظربچ ؟
مي : لابس دفعني لاتشيلين هم
يله تعاي منتظرتج
ميان : لبست جبتي ولفيت حجابي
وشلت جنطتي وتلفوني و نزلت من غرفتي وبداخلي براكين تسعر غيث ولبقيه كاعدين بالستقبال يم الناس الجايين على هند نزلت الحجيه كاعده بالصاله هيه وبسمة وسرور سلمت
عليهن وردن السلام
- بيبي اريد اروح لبيتنه اجيب مي وعباس يمي خوما عندج مانع بجيتهم ؟
- بتسمت وكالت
فاطمة : لبيت بيتچ بنيتي لاتاخذين اذن من احد روحي جيبيهم هلا بيهم بكل وكت هـسه اخبر فوزي ياخذج ويجيبچ
ميان : تشكرت منها صاحت منال تصيح فوزي اجه وكلتله توصل ميان لبيت
اهلها كللها صار رحت صعدت وشغل السيارة وطلع وتوجهت لبيتنه وصلني بالباب وتشكرت منه كال راح افول
بانزين ورجعلكم
- كتله ماشي راح
- دكيت لباب وطلعتلي مي وجان واضح القهر ولحزن بوجها طبيت جوه وحظنتها وهيه شايله عباس بديها
- بست عباس وكتلها
- وداعتج نرجعها و غصبا عليه سحبتها من ايدها وكتلها سولفيلي شصار
- وشكال هذا الحقير ؟
مي : تنهدت وبديت اسولف لمياان كلشي صار بالحرف الواحد كعدنه الصبح وامي جانت تسوي ريوك واني الم بفراش النوم كلعاده وعبوسي يلعب يم امي بالمطبخ الساعه جانت بـ 8 اندك الباب
- وكلت لامي رايحه اشوف منو
- حطيت لحجاب على راسي وطلعت
ومن فتحت لباب شفت رسول كدامي مجرد مالمحني كلب خلقته وحتى
ماكلف نفسه يكول شلونج خالو باوعلي من فوك ليجوه وحجه من وره خشمه
رسول : امج موجـوده ؟
مي : اي مجرد ماكلت اي رفع ايده وبعدني عن طريقه وطب عكدت
حاجبي مستغربه شيريد سديت لباب وطبيت وراه امي مدت راسها توها
تريد توها تريد تسائل مي منو بالباب من شافته بهتت ملامحها وتجمعت الدموع بعينها وكل ظنها حس بغلطه
أنت تقرأ
♕صدفة 12:27♕
Mistério / Suspenseكل ما اغفه اتذكر لي صار وافز مرعوبه لو احسه يمي ومن اركز يطلع ماكو احد - غمضت عيني بتعب وبطني تتكطع من الالم كمت اوون بصوت مسموع من لوجع وراها فقدت ومادريت بنفسي وبعد لمده مااعرف شكد سمعت صوت ينادي بـ اسمي ويكول - ميااان فتحي عيونج مياان تسمعين...
