صدفة 12:27
بقلم الكاتبه = ريم محمد
«لروايه منقولة»
_____________♡_________
اذا ضـي الـشمس والـحـر يتعبـونچ
اوگـفلـچ خـــيال يـفي الـعيونچ
_____________♡_________
يوسف : هاااا ؟
جنان : ايي يوسف تعاال من الصبح لان لعصر راح يجي صديق اخوي وياه بالدوام ويريد يخطبني وياخذني وياه للاردن من تجي جيب وياك واحد اسمه سيد حيدر اسئل عليه بمنطقتنه القديمه
- انطيته اسم منطقتنه
- هوه رجال معروف من تجيبه وياك واسطه رسول مستحيل يرفض لان
كلش يحبه ويحترمه
- يوسسف تسمعنييي ؟؟؟
يوسف : اصلآ ماااجااي اسمع شي غير صوتج وداعتچ اخذج من عيونه ومحد يوكف بوجهي خليها عليه واني احلها انتبهي على نفسج ولاتفكرين بشي وكم يوم بعون الله وتصيرين بنص جهالج
جنان : سديت التلفون ومسحت المكالمه ونطيته لبان وتشكرت منها وراحت
- ماعندي حل ثاني ورسول مستحيل يقتنع وقافل انو يزوجني ويبعدني عن جهالي يوسف لوحيد لي يكدر يخلصني ومن اوفق عليه راح ابقى ويه جهالي كل عمري ومحد يكدر يبعدني عنهم
- رجعت ابچي مجرد فكرت يرتبط
اسمي بـ اسم رجال ثاني غير جميل بچيت وكلبي صاار دم واني اردد
- سااامحني جميل والله موبيدي اذا ماسوي هييج بعد بعمري مااشوف
جهاالي وراح يضيعون
- اذن الفجر واني كاعده وحيلي مهدود هد كمت صليت وماخليت امام مانخيته انو رسول يوافق على يوسف وماتصير مشكله طلع الصبح وصارت لساعه بـ 8 كعدت يمي بان وحجيتلها عن لسالفه
بان : ولچ ليش ماوافقتي عليه من كلج اول مره جاان سكتي كل لحلوك هاي لي تنبح بظهرج ومبين لرجال صدك حابچ ويدور رضاچ
جنان : بااان اني احب جميل ومابدله بالف رجال بس نجبرت وكله بسبب لي حرامات اسمي اخوي وماعندي حل ثاني
بان : ومنو كلج بدلي جنان عبالج جميل مرتاح وهوه يشوف حالج وحال جهالج ؟
- بعدج بعـز شباابج ياعيني
- ولحياة كدامج ليش ادفنين نفسج
هيج واني اكلج هذا احسن قرار اخذتي وصدكيني راح يعيشج ملكه وبعد محد يكدر يمسج بحرف وبناتج هناك وقريبات منج ادعي من الله اتم على خير وصيتي يجيب سيد حيدر ؟
جنان : اي
بان : ان شاء الله خير
جنان : كمت سبحت وجسمي كله اثار بسبب الضرب مالته مال لبارحه بحياتي محد ماد ايده عليه نزلت دموعي واني اتذكر البارحه لي مثل لسم نشفت نفسي وبدلت ملابسي وطلعت مشطت شعري ولفيته كبايه ولفيت حجاابي
أنت تقرأ
♕صدفة 12:27♕
Misterio / Suspensoكل ما اغفه اتذكر لي صار وافز مرعوبه لو احسه يمي ومن اركز يطلع ماكو احد - غمضت عيني بتعب وبطني تتكطع من الالم كمت اوون بصوت مسموع من لوجع وراها فقدت ومادريت بنفسي وبعد لمده مااعرف شكد سمعت صوت ينادي بـ اسمي ويكول - ميااان فتحي عيونج مياان تسمعين...
