"احببتك خطأً❤‍🩹"

البارت الخامس

Part5/

Write by sama shafee ♥️) :..

الممرضه /بعد ما حضرتك مشيتي امبارح بحوالي ساعه كدا فاق بس سخن جامد وحصله هلوسه لان الكسر كان شديد وزي ما الدكتور قالك امبارح انه اترد علي البارد كان المفروض اول ما اتكسر جه هنا بس دا قعد مكسور طول النهار يعني فتره كبيره

ريهام قعدت جنبه شويه وحست انه بدا يفوق قربت ناحيته /انت كويس تحب انادي الدكتور

فادي / لا متشكر ليكي انا لازم امشي

ريهام/ بس مش هينفع ليك الحركه دلوقتي يا اما تطلب من حد يجي وياخدك وهتطر انك تمشي علي كرسي بعجل الفتره دي

فادي بعصبيه  /محدش هيجي ياخدني  انا همشي لوحدي انا مش عاجز

ريهام/ طيب اهدي كلنا بيحصل لينا ظروف زي دي اهدي ربنا اكيد حطك في اختبار عادي يعني متقدرش تقول انا عاجز وخلتيني معاق مكان ممكن اي حد غيري هو اللي يدوسك وبعدين فين كلامك اللي قولته انا السبب وانا اللي متاخر ولازم امشي بسرعه  عادي يعني شويه وهتقوم وتمشي وتبقا احسن من الاول كمان

فادي / لا مش عادي ابقي تعالي ااقعدي مكاني وشوفي احساس انك مش قادره تتحركي وحلمك بيضيع قدام عنيكي ومحدش جنبك ولا علي ايه وقالها بستهزاء انتي مش هتحسي بحاجه عندك باباكي يشغلك فمكان واتنين وتلاته واهل جنبك يخافوا عليكي ومليون ايد تتمدلك هتحطي نفسك ازاي فمكان واحد زيي عايش ف الدنيا بطوله لا اب ولا ام ولا حتي اخ سند ولا اخت تطبطب ولو وفعت يوم مفيش ايود تتمد تقومني غير ايدي

ريهام بتأثر ومهتمتش بكلامه اللي كان قاسي لانها عارفه حالته واكيد نفسيته مدمره وبيقول كلام وهو مش واعي هو بيقول اي / طيب ممكن بس تسمعني دقيقه بس

فادي /انت هتفضل بس فالمستشفي لحد ما تتعافي شويه وتقدر انك تمشي وبعد كدا صدقني هسيبك

فادي بإحراج/بس المستشفي دي شكلها غالي اوي وانا معنديش اللي يسد بصراحه عشان كدا ارجوكي خليني امشي

ريهام/ملكش دعوه بمصاريف المستشفى

فادي بعصبيه / ازاي يعني علي اخر الزمن اخلي حد يصرف عليا

ريهام بعصبيه اكبر وزعقت  / اولا لاني السبب في اللي حصلك دا بسببي انا ثانيا لان ان شاء الله حضرتك هتشتغل فشركه سامح عطالله ولازم يكون حياتك متأمن عليها  ولو حصلك كد ونت شغال معانا احنا اللي هنصرف عليك فاعتبر انها كد مش ان حد يصرف عليك

فادي هدي نوعا ما وبصلها ومردش

ريهام /انا ماشيه وهجيلك تاني اتمني تفكر كويس وتقعد فالمستشفي
ريهام اخدت شنطتها وخرجت ودخلت بعديها الممرضه

الممرضه وهي بتحطله الفطار وراحت  تشيل المحلول/ حقيقي انسه ريهام طيبه اوي مسبتكش لحظه امبارح وقعدت تعيط ياحبيبه قلبي لو تشيل ليها جميله اسمع كلامها وااقعد زي ما قالتلك