"احببتك خطأً❤‍🩹"

البارت الحادي والعشرون

الأذوَاقُ لَيسَت مُتسَاوِيَة ، فَأحدُهُم يَراكَ شَيءٌ عَادِيّ , و الآخَرُ يَراكَ الجَمالُ بِعَينهِِ !✨

#احببتك خطأ
#الحادي والعشرون

»»»»»»»»»»»»

Part 21

-حرام عليكي يارزان ينفع كدا دا طفل مهما كان

-اسكتي ياريهام انتِ متعرفيش الطفل دا بيعمل ايه

-تعالا يامؤمن خد ياحبيبي

تحدث بعيون شبه دامعه

-نعم

-صايم ولا فاطر

-صايم طبعاا

-طيب خد البنبوني دا وعينه لحد ماتفطر اوعي تنسي وتاكله

-لا اوعدك.. شكرا ياعسل وغمز لها وطلع سريعا الي اعلي

ضحكت ريهام ثم قالت

-الواد دا مين اللي رباه بجد

-الشارع ياختي وكتر قعاده مع النحنوح صفوان وسليم

-صفوان فين صحيح

-طلع يختي يشوف السنيوره

-مين!!

-مش هو خلاص خطب

-بجد الف مبروك

-الله يبارك فيكي ياحبيبتي

اتي وقت الفطار والتفوا جميعا حول سفره واحده رحب صفوان بها شعرت ريهام بالغربه بالرغم من انه بيت عمتها وللعجب اكثر انها لم تشعر بالغربه هكذا في بيت ابنه خالت امها تمنت لو ان ينتهي الاسبوع سريعا وتذهب اليهم مجددا بعدما انتهوا من الطعام ذهبوا جميعا الي حديقه المنزل لكي يجلسوا سويا ويحتسون الشاي

-بس ماشاء الله عليكي ياريهام كنت بشوف انجازاتك مع الولاد اللي كنتِ بدربيهم كنتِ بتبقي هايله بجد

-يااه وحشوني اوي بجد.. هما دول اللي كنت بنسي وقتِ معاهم

تحدثت رزان مضيف الي كلام والدتها

-بس كنت بضايق من اللي اسمه اكرم دا دا حتي يوم المسابقه هو اللي كسي مع ان فرقته مكنتش قد كدا بحسه منفسن الواد دا

-هتصدقي يارزان ان اكرم اللي انا وهو بينا عداوه قد كدا ومبطقش بعض ولا بنصفي لبعض ان هو الوحيد اللي وقف جنبي ومازال واقف جنب امي وبيطمن عليها من الوقت للتاني.

تحدثت زينب

-سبحان مغير الاحوال في ناس مبنبقاش واخدين بالنا منهم وبيكونوا هما اللي ساندنا اصلا

-بس ياريهام انتِ ازاي مكنتيش شايفه انه بيلعب عليكي ازاي امنتي ليه وازاي قدر يضحك عليكِ و.. لم تكمل حديثها بسبب مقاطعه زينب لها بحده