شاهزنان

البارت الثاني

باجر مِـن ترد ما تلگه شي
موجود،
تلگه الورد ذابـل
والارض صحرة
تلگاني مدينه مسددة البيبان
بية الكمر ميت
والشمس حمرة،
.............................................
هنا صدمة وبنفس الوقت فرحه لجنت احبهه منساني
رجع عندي الامل، گبل اخذت التلفون مـن ريم
ريم حست بسالفهه رادت تطلع صحت عليهاا تبقه،معرفت  شسوي ردت اراسلهه بس تذكرت شصار ويايي
صحت  ريم

ريم :  هااا

شاهزنان : هاج هذا تلفونج ولا تگولين لاي احد راسلج

ريم :  تمام، راح اطلع اخذي راحتج

شاهزنان :  طلعت ريم وبقيت افكر شراح اسوي، اراسله؟؟
لاا لاا اخافف ابويي يشوفني،شسوي ياربي؟ هوايي مشتاقتله وخاصتن بعد مشفته يحاول يتواصل ويايي
اخذت قرار بس اعرف اخباره مراح احجي وياه،
اخذت التلفون بابا لجابه الي
نزلت الانستكرام سويت حساب جديد بس بدون أي صوره ولا اسم مجرد اريد اشوفه حيل مشتاقتله،
ضليت ادخل على الستوريات وعلى الهايلات اشوفف صوره
واني داشوف الصور دموعي نزلت ونبي احبه ماكدر اعيش بدونه كلششش احبه و....

أدم : جنت كاعد على التلفون وتذكرت شاهزنان، اروح اراسلها اشتاقتلها،
دزيت رساله وك أي ولد يدز رساله لحبيبته غزل وهاي السوالف،
شفتهاا شافت الرسائل وما ردت
ضجت حيل
شبيهاا هايييي؟؟؟؟
وره ساعه هم ماكو رساله منها،
ساعهه، ساعتين، خمسهه،
واني انتضرها ماكوو
ضل بالي يمها اول مره تسوي هيج معقولهه زعلانه مني؟؟؟
لاا يابه حتلو زعلانه متسوي هيج
صار اليل وهيه هم ماكو
اليل كله منمت بالي يمها
مرت ايام وهيهه ماكو
حتى المكان لندرس بي ماكو، اروح لمدرسه مالتها ماكو سئلت صديقاتها كالولي ماكو،  اخبارها انقطعت رحت لبيتهم شفت اهلها كلهاا تطلع وتطب ومتونسين بس هيهه ماكو
احسس روحي راحت واني ما اشوفهاا ولا اسمع صوتهاا مشتاقلها حيللل
بيوم دخلت على حسابها عسى ولعل الكه شي يفيدني،
دخلت على حسابها دورت باخر شي لكيت حساب بنيه كاتبه مثل شاهزنان كلن هاي اكيدد تقربها گبل دزيت رساله الها

السلام عليكم خويهه

_وعليكم السلام تفضل؟

أدم : تعرفين  شاهزنان

_اي اعرفها، منو انت؟ وليش دتسئل عليهاا؟؟

أدم :  خيتي اريد اتواصل وياها بش احجي بموضوع مهم

_خويهه لبنيه متريد تحجي وياك تريد شي اني اوصله الها

أدم: هاي شتحجي؟ شنو مترديني؟
خيتي بس انطيني اراسلها خمس دقائق واروح
شافت الرسائل وحضرتني
ضليت محتار واني عقلي يمها معقوله؟؟
شاهزنان متريدني؟؟  مصدكت رجعت سويت اكثر من حساب ودخلت على حساب لبنيه وهم حضرتني،
شسوي بهايي الحاله؟
فقدت الامل اقتنعت هيه متريدني