جزء 20 مقلشة راجلها
ناضت صباح شافت قدامها لقاتو مكاش راحت للدوش ملقاتوش غسلت و هبطت عند فطيمة تسقسيها لقاتها حاطة فطور هيا ولادها و مراد
مرام: صباح خير عليكم
مراد : صباح خير مرت خويا
فطيمة : اهلين بيك
تبسمت و راحت قعدت قاتلهم محمد وين رآه نضت ملقيتوش
قالها مراد رآه وصاني عليك عيطولو في خدمة ايرجو لازم يرووح كي لقاك راقدة محبش ينوضك
قتلو ااا صحا معليش ربي يعاونو قالها امين
فطيمة : مرام واش رايك نخرجو نحوسو
مراد : هههه تروحي من راسك ها سقسيني
فطيمة : يا مراد والله حابة نخرجو مع مراام و ذراري نحوسو و كاش ما نشرو
مرام : فكرة شابة نخرجو يامراد خويا خليها نروحو مع بعض و نرجعو
مراد : يالالة وانتي كي رايحة تخرجي خبرتي راجلك ولا من راسك
مرام : نسيت كامل والفت وحدي
ضحك عليها قالها دوكا راكي مزوجة و لازم تسقسي راجلك قبل
قاتلو ايه نعيطلو نسقسيه و نقولك فطيمة قاتلها اك
طلعت لشمبرتها رفدت تيليفون دارت رقمو و عيطتلو
يصوني مريبونداش عليها عاود صونا مريبونداش عليها هبطت ليهم قاتلهم خلاني نخرج قالها مالا خرجو ومطولوش قالولو ايه
هيا معندهاش راحو وجدو رواحهم و هيا لبست لاروب ستيل حجاب و خمار و خرجو ولا محمد كي رجع للبيرو لقاها معيطتلو عاودلها مرفدتش مشافتوش كان في صاك تاعها تقلق عليها عيط عند مراد قالو
محمد: مراد مرام وين راهي راني نعيطلها مريبونداتش عليا
مراد: ياك خرجت مع فطيمة يدورو
محمد : اوووو هادي جديدة كفاش تخليها تخرج و كفاش هادي مخبرتنيش
مراد : علاه ماشي نتا قتلها روحي قتلها سقسي راجلك طلعت لاشومبر و عاودت رجعت قاتلي قالي روحي
محمد : اووووو والله عيطتلي مرفدتش عليها فرخة و دوكا مهيش ترفد عليا قالو عيط عند فطيمة مرتك ششوفهم وين راهم و متخبرهاش بلي عيطتلك و خبرني وين راهم راني جاي
مراد : اك خويا كوبا عليه ياحصرااه ليوما نهارها مالها تكذب عليا
عيط لفطيمة
فطيمة : الو مراد بلخف توحشتني وقيلا هههه
مراد : توحشت وحد حاجة وجديها في ليل ضحكت و قالها وين راكم قاتلو من جيت بزاار (امين ) قالها اك قاتلو علاه قالها شفتكم طولتو هيا متخليهاش وحدها و كوبا عليها عيط لمحمد
مراد : قاتلي راهم في بزار امين يدورو
محمد : اك
كوبا عليه مراد ولا يقول ليوم يأكلها واش داها تكذب عليه ربي يسترها وخلاص
محمد كي وصل من جيت بزار قاعد يمشي و يشوف حتى شافهم من بعييد ولا يعيط ويعاود و هيا تضحك وتهدر و لابسة روبة و تتبهلل مع ولاد مراد
بغا يروح يجيفها ولا يتبع فيهم ومبعد وقف عند رأسهم
محمد : احم احم واش عجباتك تحويسة
مرام : سمعت صوت راجلها قريب ماتت دارت ليه ملقات ما تهدر
فطيمة: محمد خويا مزية خليتها خرجت معايا مراام هائلة من ساع وحنا مجمعين و فطرنا
محمد : بصحتكم تبعوني
فطيمة : يامحمد أنا مزالت نشري لذراري ايلا حابة مرام تروح معليش أنا ومبعد نعيط لمراد يجي يديني
قالها اك هيا مرتي قدامي
شدها من يدها و زير عليها هيا عرفتها فايق بلي كذبت مع ملبستش جلباب ولات ميتة ركبت من قدام و قالها ديري سبتة
مرام : يا محمد.عيطتلك
مخلاهاش تكمل
محمد : شششش بلعي عليا كلمة متزيديهاش أنا نساعف فيك ونتي كي فرخة وصلتي تكذبي عليا قالها معليش حسابك في دار ولات تبكي قالها بلعي فمك ولا والله نقيسك من طنوبيل
أنت تقرأ
كرونيك مقلشة راجلها
Humorهاي لبنات اول مرة نكتب وجيتكم بكرونيك هبال يحكي علا طفلة في عمرها 17زوجوها بواحد في عمرو 40متنساوش التفاعل 😘😊
