كرونيك مقلشة راجلها

الحلقة 67

😍💍مقلشة راجلها 💍😍
الحلقة67👇
خرج طبيب راحت مرام و مراد أمينة يجرو عندو
مرام : قولي راجلي رآه مليح في قوليي ريح
مراد يهدر تاني
طبيب : خرجنا رصاصة وكانت عملية صعيبة بصح حمدالله صباح يخرجوه للشمبرة كي يفطن
مراام : خليني نشوفو و تبكي
طبيب : متقدريش خلي غدوة كي يفطن دخلي شوفيه
حكمها مراد : خلاص مراام قالنا رآه مليح غدوة و نشوفوه
سعاد : راحت لسمير واش درتو فيها مع نوردين
سمير : خالتي ومبعد تبان
سعاد: معليش
مراد : أمينة قولي راجلك وروحي لدار مع مرام و خالتي
مرام : منروحش نقعد هنا حتى يفطن
مراد : مرام راني هنا كي يفطن نعيطلكم روحي ريحي
مراام : قتلكم لالا
جا راجل أمينة دا سعاد و أمينة و راحو للدار و مرام في سبيطار قاعدة تستنا فيه يفطن
حتى رقدت فطنت صباح شافتهم دايينو للشمبرة راحت
تجري عندو حكماتو من يديه و تبكي
دخلوه للشمبرة و هيا عندو و هو مفطنش جا مراد لقاها معاه
مراد : مرام راني رايح هنا نجيب قهوة و نجي
مرام : اك
و قاعدة حاطة راسها على يدو و تبكي و تهدر
مرام : نوض اعمري عوضتني حنان الاب متخلينيش وحدي و تبكي والله نحبك برك مكنتش نهدر كنت نحشم منك ...
كنت دايمن معايا و أنا راسي يابس بصح والله نحبك
رجع ليا برك و ندير كامل واش تحب حتى جلباب و سيتار نديرو نتعلم نطيب واش تحب
و قاعدة تبوس في يدو و تهدر
حتى حست يد فوق راسها شافتو لقاتو فتح عينيه و يتبسم
مراام ضبحت وطاحت عنقاتو
محمد : احح
مراام : سمحلي عمري ريحت راك مليح وقاعدة تمسحلو في وجهو و هو يضحك عليها
محمد : قموشتي علاه راكي تبكي عمري ارواحي بوسيني باش نفطن
مرام تضحك و تمسح في دموعها
هبطت باستو بوسة خفيفة في فمو
محمد :مممممم شحال بنينة
مرام : راك مليح شوية ريحت
محمد : كي شفتك ريحت
مرام : ههه دايمن تشوفني منخليكش
محمد : مممممم علاه أنا نخليك
مرام : منعرف
محمد قرصها من خدها و هيا تضحك
محمد : مالا ديري جلباب و سيتار
مرام : علاه سمعتني
محمد : لالا سمعتي هادي برك ههههه
مرام : ندير جلباب و سيتار مهم نتا راك مليح
محمد : ياعمريي على قموشتي ..
دخل عليهم مراد
مراد : فطنت محمد ريحت شوية
محمد : حمدالله
مراام : رآه مليح خلعنا برك
مراد : يا محمد و تشوف واش دارت فينا مراام
محمد : شاف فيها واش درتي و يضحك
مرام سكتت و حشمت
مراد : دارت حالة في سبيطار ووووو
محمد : يضحك مكانش علبالي .