كرونيك مقلشة راجلها

الحلقة 65

😍💍مقلشة راجلها 💍😍
الحلقة65👇
قعدت سعاد راح محمد لابوليس و راح يتحقق من قضية تاع نوردين حكالو نوردين كلش على ساعد و جماعتو
رجع محمد للدار
محمد : مرام
مرام : راحت تجري عندو رفدها وقاعد يهبل فيها
محمد : يا بنوتي علاه راكي صفراء هكدا
مرام : مكن والو ( خافت يديها للسبيطار )
محمد : راكي تشربي دوااك
مرام : ايه عمري باسها
طلعت للشمبرة
مرام : واش درت فيها مع نوردين
محمد : رآه حكالي كلش و هو كانو مخوفينو بيك على بيها حبسك من قرايا
مرام : أنا علاه
محمد : ضحك هههه خاطر عارف ختو شابة و يطمعو فيها و باش نجي أنا نديك
مرام : ضحكت هههههه جدااك
محمد : ولا يعاود موراها جداااك
ولات تضحك مرام : كفاش نخبرو ماما
محمد : دوك نرووح نهدر معاها
مرام : اك
محمد راح عند سعاد لقاها تصلي
كملت و دارت قالها ربي يتقبل خالتي
سعاد : اجمعين
محمد : خالتي باغي نهدر معاك
سعاد : خير نشالله مرام واش دارت
محمد : هههه هاديك مدير والو عاقلة
سعاد : خير نشالله
محمد : شوفي خالتي نوردين داوه لابوليس
سعاد : احوجي على وليدي
محمد : بلعقل خالتي خليني نهدر هو عندو شحال و هو يخدم مع جماعة مخدرات وووو حكالها كلش وقالها ندير لي عليا باش يخرج
سعاد : تبكي على وليدها
جات عندها مرام : ماما محمد يخرجو متخافيش
سعاد : عنقت بنتها
و قالت لمحمد
سعاد : ياوليدي تهلا في مرام برك بزاف عليا
محمد : خالتي هادي بلا ما توصي
صونا تيليفونو خرج لقاه كولونيل و دارو خطة باش يقبضو على ساعد
قالهم رايح نخدم متستناونيش و خرجت موراه مرام باسها من راسها و قالها تهلاي في روحك مرام توسوست مهوش موالف يقولها هكدا باستو وخرج