انا الشيخ كي حكيتلو وقوتلو طلب مني اني نديرلو انا التسخينات قتلو اك بديت التسخينات تارمو انا مالفة بيهم ما اثروش فيا جملة وهوما دڨدڨتهم حتا تشوكاو انا مغلبتش وهوما غلبو حتا من لولا والظاهر لقيت روحي ندير للاقسام تاع الباك تاني بديت نقلك صايي
كملنا بدينا اللعب وحد ماقدر يغلبني فوور في كلشي الاستاذين مشوكيين فيا وانا والله عندي عادي منقلقش
شوي نلقاو زاد دخلت كلاصة معانا اوو وش يكفينا حنا دوك لقيتهم 2علوم تجريبيّة معليه بداو طاحت عيني في طفل غست فيه بأتم معننى الكلمة حسيت بشعور غريب عليا
حتا جات فيقتني روان وشافتني فيمن نشوف قاتلي تبانلي عجبك؟
انا شفت فيها وضحكت بسخرية قتلها والو مكانش منها
قاتلي ايوب بن.... يقرا علوم قراي (هادا ايوب جاي يهبل طويل عينيه بني وشوربو تتشاهاهم كل طفلة يقرا علوم تجريبيّة معدلو 16/17 صفا) ايا لعبنا كملنا زوج سوايع عادي ههههه حسيتهم ثانية مناه حنا نجيبوها 10سوايع نرمال رحت بدلت قشي وهزيت ساكودو تاعي وخرجت رحت للدار شوي ذن لمغرب دخلت عيانة دوشت ورحت درت كراريس ومنا......
وتعشيت عديت ديراكت رقدة غدوا الصباح نفس الروتين اليومي قراية برك مي لمرة هادي لعشية كي خرجت نمشي حتا نلقا وحدة جبدتني من شعري ايواا شكون هادي الي تحوس علا موتها تعنكشة فيها برجليا وقلبت لموازين وليت انا وراها بين ماكنت هيا ندور نلقاها نفس اللي شايفة رحها حڨا اسمها هديل
تلمو علينا هدرت في وذنها: اكي مدايرة لخيمار منيش حابت نغلط روحي بلا مشاكل عليا
جبدتها وحاتضرب حسبتني نتهرب منها مناه خايفة نن صح خايفة مي خايفة عليها قادرة نشوهها ايا منين دارت اااا نوو مكيش حاشمة. عطيتها بوكص جات طايحة فلرض مسحت وين خبشتني وضحكة بجنب وقتلها: لمرة هادي طيحتك لمرة لجاية تباتي فلكومة ايوااا تجيني مجموعة اولاد الله يبارك عندي ماتش والله عندي شحال
شافها معاها واحد ميشبه لوالو قاللها حبيبتي كشما صرالك ناضو دموع التماسيح عرفتو حبيبها جا وقف قدامي حسبني خفت قتلو: تؤتؤ تمسني نقتلك عيط لصحابو اااو سيد ناوي علا خلاها صاي دارو بيا انا اتخذت وضعية لهجوم مديت كرطابل تاعي لروان وهوما خايفين ههههه ميعرفوش
لاح يدو درتها ولويتها تقدرو تقولو كسرتها ههه وبكوتبي لحق صخبتو جاو صحابو فريتها فيهم فرمشت عين امة محمد مشوكية كامل تحت انظار الشيوخة تبدلت في جرت لق... هاظي والله لا نوريلها النجوم في عز النهار مسحت فمي كان بالدم كنت رايحة نخلص عليها لحقت ختي تجري علابالها بلي نقتلها جبدتني داتني روحت نغلي
جات ماما تجىي شافت يديا بالدم كيما ضربت لولاد وفمي زادة حكيتلها كلشي
سبتني شوي مي مقلقتنيش نورمال عادي خايفة كي شافت فمي ووو دارتلو لاقلاص باه يتفش وانا نتحلف فيها شافتني ماما فاقتلي
قاتلي ابنتي فكك منها
قتلها ضربتها هيا وعرش نتع ولاد تحت انظار الشيوخة
قاتلي تستاهل انسايها فكك متخمجيش يديك فيها ايا صاي اقتنعت ورحت نرقد من لعيا نتع الضرب هاداك
غدوا الصباح نضت
يتبع......
أنت تقرأ
معاناتي وانا عميلة سرية
Actionالوغ حبايب قلبي لمرة هادي مفيهاش خرطي ماوالو تولي قصة جدية فيها مافيا فيها تضحية فيه حب وطن وفيها لمياتو نتع رومانسية مناه خاطيني رومانسية لقصة معلابالي لا قصيرة ولا طويلة فيها جزء من حيات انا سما الشخصيات حقيقية نشارككم معاناتي 😘
