جوزنا الصيف معا السخانة والغبار وصلت لقراية كملت عامي درت علوم تجريبية مناه نحب نتعمق ونكتشف حوايج خاطيني المات والفيزياء والمواد الادبية 🙂
وصل عام الباك وش نحكي ووش نخلي عام كلو تعب وعلاقتي معا محمد تطورت باسكو هوا كي العلكة لصق فيا
جوزت العام غلبة تعب قراية راسي منهزوش من الكراريس طول نقرا
وصل الباك جوزتو معا خوف وستراس انو تعبي يروح فالباطل مي درت ايمان فربي انو هوا ميضيعش تعبي عڨبت ومبعد كي خلصنا مرضت عدت فالسبيطارات
وزيد خفت ما نديهش والتعب تع لقراية وعدت مانكلش والو وحد النهار نضت نروح للطوالات مفقتش لروحي غير فالسبيطار شافية كنت حانروح مي مبعد فشلت ودارت بيا الدنيا انا قلت نورمال مارفة تصرالي كملت مشيت مبعد مفقت لوالو لقيت لغاشي كامل عند راسي مام الطبيبة قلبتني وتشرحلهم فالحالة تاعي قالتلهم تقعد فالسبيطار ولا توصل بيها تدخل غيبوبة نورمال
خافو وعدت فالسبيطار مزلت لا ماكلة وكل يوم نسقسي ماما وشنو هوا ليوم لقيت سورية وجدي حاو عندي يطلو وجات ختها اللي هيا ام محمد واكرام والراجل معاهم اللي هوا محمد
دخلو انا كنت راقدة ماعلابالي بالدنيا السيروم فيد والدم فيد وتاع لاطونسيو قدامي حالتي تقول حانموت كي فطنت ريقي شايح سمعت المشيخ قلت بالاك غير ماما تڨصر حتا نلقا طفلة وقفت قدامي منيش نشوف باسكو تعبانة للخر
كي رمشت شحال من مرة تولهت شكون جاو سلمو عليا ولاخر يشوف فيا حركتلو براسي برك ومبعد جات الطبيبة قاتلي تهبطي نديرولك ليزاناليز نضت وكنت لابسة اللبسة تع السبيطار وعريانة فظهر ونسيت خلاص تركزت معا ماما واكرام مع لول كي وقفت دخت ووجهي راح الوان وجا الوان رجعت تكيت على ماما وحانطيح محبتش تتنحالي جا محمد حكمني وعيطت ماما لطبيبة قالتلها حالتها رايحة وتتدهور هبطوني فكرسي نتع الروض(منعرفش اسمو) دارولي ليزاناليز وجوزت نهارات وليت ناكل ورتحت قالتلها تقدرو تخرجوها متنساوش لماكلة مليح برك روحنا دوشت ورحت رقدت كي فطنت رحت كليت غسلت لماما لماعن بسيف قاتلب مزلتي مريضة
وصل النهار لموعود نهار النتائج وانا ملي نضت وانا نبكي مكليت والو وصل لوقت عدت نرجف رجيف بقات دقيقة خويا عند باب الليسي وختي بالميكرو وانا بالتيليفون والنهار هاداك الشبيبة كامل جات لافامي نتع ماما ونتع بابا جاو الدار راح تنفاجر اوووب لقيت ختي ناضت تزغرت انا بلا والو ولا حركت جيست جمدت فبلاصتي جات ماما قاتلي ديتيه نضت نبكي ونعاود والزغاريت فدارنا معا الغاشي كامل يعرف يزغرت غير ماما تعالاو ياناس ديتو 16قريب 17 ربي مخيبنيش والله وقف معايا جوزنا فالنهار دارلي بابا كورتاج لفيلاج قلبتو ياناس وفالليل غنا وشطيح ورديح وسرهنا ودارت ماما لعشا قيص لحوال
عداو ليمات ناضت فراسي ندخل للعسكر
ماما محبتش قاتلي لمعدل هاداك تقدري تديري بيه كلشي قلتلها غير حلمي منستغناش عليه ودرت راي تاعي خدمت دوسي ودفعتو لقيتهم قبلوني مي كي عدت رايحة للعسكر درت آكسيدو 😔 ضاع حلمي
دخلت غيبوبة عام كامل صاي فقدو الامل وانا نحارب باه نعيش برك النهار اللي راح يغطو وجهي صاي وماما تبكي حركة صبعي شافتني لفرملية حكمت يدي لضيت عليها راحت تجري باه تجيب الطبيب جابتو وجات قاللهم متمسكة فالحياة تقول حست بعد يومين حليت عينيا ورمشت بزربة وجعني الضو
لقيت ماما راقدة هيا وبابا قدامي غاضوني بزززاف
محبيتش نوضهم من رقادهم نضت رحت للدوش غسلت وجهي ومبعد رحت للخزانة جبدة تيليفون لقيت روحي في عام جديد تخلعت انا حسبت غالطة هزيت تاع ماماوتاع بابا تاني كيف كيف درت لحس ناضو مخلوعين ماما تحك فعينيها وتقول لبابا ياك منيش نحلم عنقتها وقلتلها لالا مكيش تبكي غاضتني 🥺مام بابا عينيه تعمرو دموع محضنتهم ونبكي مام انا
بعد شوي دخل الطبيب قلبني قاللي هادا وين فطنتي نضتي من فراشك بعد
رجعت لبلاصتي ومبعد حكاتلي ماما رجعتلي الذاكرة نضت نبكي بشهقت حلمي لوحيد ضاع مني
سكتت وكي قاتلي عام ونتي فغيبوبة مصدقتش 😲اووو ومبعد اقتنعت روحت للدار دوشت كنت مدودوة عام مدوشتش ورحت رقدت قاتلي ماما ام جاو الضياف كل يوم يجي واحد
خلصت فترة مرضي صاي تفكرت وحدة نعرفها من نيويورك عرضتني شحال من مرة نروح نحوس برك وانا مترددت
لميت عايلتي وشفت معاهم وبديت: شوفو دوسي تاعي صاي عند لعسكر تخدعت حاجة دمرتني علا هادي حابت نبني مستقبلي بيدي لمرة هادي الوغ حانروح عند وحدة صحبتي عندي 6سنين نحكب معاها من نيويورك وعرضتني نروح عندها سما بعد غدوة حانروح عندها ونبني مستقبل لتم مناه كون نزيد هنا دقيقة يا نهبل يانموت وانا كبرت صاي نتمنا متوقفوش فوجهي لقيت ماما تبكب وتتبسم قاللي بابا ومتخافيش لتم متعرفي حتا واحد قتلو نقعد عند صحبتي حتا نلقا خدمة ونكمل قرايتي ونبني حياتي مع لول عارضو ومبعد قبلو من جيهة فرحت ومن جهة خلاف حزنت باسكو عايلتي كامل هنا 😔وصل اليوم الموعود اللي راح نسافر فيه رافقوني عايلتي بالبكا والنديب عليا وركبت فالطيارة قلت لآرام صحبتي هادي باه تستقبلني ورحت وصلت بعد 8ساعات فالجو كي هبطت لقيتها جات تحضن وتبوس رحنا لدارهم نشوف كان فالطريق شكون توقع اني نروح لنيويورك كنت فرحانة علاخاطر بلاصة تهبل ومن جيهة كي نتفكر حلمي ضاع مني طاحو دمعات مني شافتني آرام وحضنتني قاتلي: راني معاك انساي حبيبتي
هههه متتخلعوش مي علمتها العربي هههه
وصلنا لدارهم كانت تحفة روووعة دخلنا سلمو عليا عايلتها وطلعت لشومبرة تعها نحيت عليا ودوشت ورقدة من لعيا كي نوضتني آرام نتعشا قلتلها مكانش لحم لخنزير اكرم الله وجوهكم قاتلي لالا مام حنا مناكلوهش تشوكيت المهم تعشينا هزيت انا وآرام الطابلة سطالينا لماعن فلاماشين تغسلهم ورحنا ڨصرنا رقدنا
غدوا ناضت آرام نشيطة قاتلي نخرجو نروحو لبلاصة انا قبلت خرجنا رحنا وصلنا لواحد الكافي لقينا طفل يشاور بيدو راحت آرام قعدت معاه وقعدو يڨصرو وانا ولا علابالي ومبعد قاتلو هادي هيا الطفلة اللي حكيتلك عليها كي وقف بان لكول تاعو عندو وحد الكول مش نورمال يقتل 😋🤤 وعينيه النعاناع لخوضر عشق انا بقيت نشوف ببرود مبينتش عرفتنا آرام
آرام: امينة هادا إنزو صديقي الوفي يخدم معا FBI تقدري تقولي حاكم لفرع هاداك حكيتلو قصتك وحبك تنضمي ليهم انا حليت فمي من الشوك
شاف قاللي اقعدي حكالي كلشي بالتفصيل لمخاطر اللي يواجهوهم ميهمنيش الشي اللي تمنيتو تحقق صاي قبلت وقعت معاهم عقد قاللي غدوا نبداو التدريبات رحت للدار عديت رقدت
يتبع......
أنت تقرأ
معاناتي وانا عميلة سرية
Actionالوغ حبايب قلبي لمرة هادي مفيهاش خرطي ماوالو تولي قصة جدية فيها مافيا فيها تضحية فيه حب وطن وفيها لمياتو نتع رومانسية مناه خاطيني رومانسية لقصة معلابالي لا قصيرة ولا طويلة فيها جزء من حيات انا سما الشخصيات حقيقية نشارككم معاناتي 😘
