معاناتي وانا عميلة سرية

الجزء 1

في الجزائر بالضبط في ولاية ام بواقي طفلة اسمها امينة في عمرها 16سنة خمرية لاطاي تاعها جاية تقتل (لحم كي منشكرش روحي شكون يشكرني 😅) جاية طويلة تشبها لباباها وولاد عمامها عينيها بني ورثتهم من تند ماما ماما كبار وباينين شواربها ممزوجين بين الوردي فالغامق وكبار الي يشوفهم يتشهاهم

تشبهلي منيش انا باينة (مي نبان انا) المهم نقرا 1ليسي علمية حقا منيش مدايرة لخيمار حلمي لوحيد هوا اني ندير عسكريّة مي هوما يحطمو ولاد عمي قالولي متصلحش وعماماتي قالولي كون يطلب منك طلب متقدريش ترفصيلي وانا رغم هادا الشيء كامل مستسلمتش وتخليتش علا لحلم تاعي دخلنا نقراو طحت في كلاصة مهي شابة مايصلحو تلاميذها حتا الاستاذة لمولنا الزاردور وبعتوهولنا
الوغ النهار لول كنت متحمسة برزاف منكدبش عليكم نوضتنا نماما مناه انا تخلا ومانوضش 🙃نضت لبسة

بابا مقاللي والو وانا علا حساب لبلاصة الي نسكن فيها مبحبوس لمعري ويردوك جاية من دعارة وفيك لعيوب كامل انا ميهمونيش ومنيش من هاد البلاصة انا اصلي من قسنطينة منيش نهين في عباد ام بواقي الله يبارك التربية حسن الضيافة مي كاينين حبات خمضو الدنيا لازم ينطيشو
انا لبست فطرت ماو هامنب حتا شي غير اني نشوف محاربين الصحراء الي طحت معاهم ايا دخلنا صاييي درنا العلم كل واحد شد صفو انا لقيت صفي وقفت الله يبارك وجوه الشر الي تمنيت منطيحش معاهم طحت كل الاعين عليا وزيد السخانة نحيت البيل هادتك الي كنت لابستو بقيت بيستي وسروال وهونا يموتو علا هاد الشي انا منيش سامعة بيهم كامل شوي جات لينا المراقبة قاتلنا متقراوش الساعة اولا انا تنرفزت من النهار اول بعد وزيد الساعة لولة ايا خرجونا كامل وانا اعين الناس عليا تقول كائن فضائي 😑
جمعت معا اكبر المنافقين والي هوما زعما برك صحاباتي انا كنت هازة معايا دراهم رحت شريت وهوما غير يشوفو واحد شرا يوليو يتخاطفو مديتلهم معايا نورمال وقعدنا نقصرو ايا عدات ساعة دخلنا نعتولنا كلاصتنا مجيت نوصل للطاج لخر خسرة لكيلوات الب لميتهم فالعطلة دخلنا للكلاسة حكمت لبلاصة لولة طابلتي لاصقة فالمكتب تع الشيخ مناه حابت نقرا سيريو منيش خباشة 😑😒
شوي نلقا راجل جاي منهيه لحيتو كتر من طولو ولا بسلي قندورة تبول بلوزة وسروال وحالتو حالة سالافي انا قلت نتع الاسلامية اوووب ظهر نتع الرياضيات قاعد يحكي في شروطو وانا حانرقد يحكي وبلعب لحيتو ويشوف معا السما انا لجنون ركبوني خبطت رجلي نضت نندب قاللي معليكش قتلو وب وفي قلبي نسب بكل لغات العالم ههه وكي قاللنا عندكم نهار لحد ساعتين علا صباح ربي وبالثلاثا سعتين كيما ليوم ندبت نشبعت
مجات تكمل الساعة هاديك روحي طلعت (تعبير مجازي 😅😃) 
كملنا صونات خرجنا للراحة رحت ديراكت عند ختي نسيتو مقتلكمش عندي ختي لكبيرة اي باك ربي ينجحها ونجي انا ومبعد خويا 12ومبعد لمازوظية تع الدار 6سنبن وبهجة الدار ماما وبابا ماما استاذة نتع انجليزية بابا يخدم في شركة
اوك نرجعو»»»» وصلت عندها لقيتها معا صحاباتها حكينا صونات اووو بعد خلصت ناضو لمراقبين يندبو وانا ندمت علا النهار الب توحشت فيه لقىاية وتحمستلها
طلعنا قعدنا زاد قابلني وجهو زاد ناض ينابح وحدو انا حطيت راسي رقدت نضت كي صونات لقيتو خرج شوي دخلت استاذة نتع هندسة الطرائق وكانت تهبل ♥تضحك نشايخو رجعتلي الامل كملنا وهنا بحكم نهار الثلاثا ميقريوش كامل المؤسات التربوية روحنا  لعشية لقينا ماما سيقت ربي يخليها ودارت لغدا انا روحت من لعيا نحيت قشي وبردت روحي وقعدت كلؤت نضت ديراكت رقدة لعشية نضت علا معاير ماما كي ماعوناهاش وهيا صح عندها الحق تعبت ليوم نضت درت الي نقدرلو تعشينا وغسلت لماعن ورحت رقدة
يتبع....... 
لبنات انا راني معا لفروض سما نعيا قادر نطولمي متخافوش نكملهولكم نشالله