اللهم صلِّ على محمد وآله محمد
.
لطفاً التصويت ع البارت + تعليقاتكم اللطيفة... ❤🫂
.
ملاحضـــــــــة مهمــــــــــــــة...
هذا البارت بدون شرط لان راح اغيب عنكم هل الاسبوع ان شاء الله اذا كدرت اكتب انزل اللكم واذا لا فالتنزيل حيكون الثلاثاء القادم بسبب زواج اخوي ومراح اللحك اكتب ...
.
فلــــــــذة قلـــــــــبي ...
ـــــــــــــــــــــــــــــــــــــــــــــــــــــــ
في وقت الشدة فقط، تعرف من هم احبابك ومن هم حثالة اختيارك....!
زمهرير
عضيت شفتي بغصه وقبل لا اجاوب اتصل جهازي باوعت الشاشته ورفعت تك حاجب ؟؟ جميلة ؟؟
فتحته وقبل لا احجي كالت بحقد: حقيرةةة تعاي اريدج كدامي بهل الثانية والا اخلي صكارج يصيد اخوانج واحد واحد .. كملت وسدته بوجهي
رفعت ايدي الشعري وانا صافنه ع جهازي شجاي يصير لحد ما اجت رساله بالعنوان
عفتهم وطلعت بدون ما احجي ولا حرف زايد
وصلت للعنوان الي هو المستشفى بسرعة دخلت وانا قلبي يرجف بخوف وتوتر بس الي جان واضح عليه كمية البرود ضاهرتها ع وجهي بشكل فضيع
سالت بالاستعلامات باسم امي جميلة انطوني اسم الغرفه الي هي بيها رحت اتمشى الها شفتها من بعيد تتحرك ما راكدة بمكان تفتر تحرث الكاع بمشيتها
وكفت ثواني استعيد بيهن نبضي الي احسه ابلعومي يدك واتقربت عليها بس شافت خيالي قريب عليها باوعتلي بكمية كره رهيبة ابتسمت بسخرية وانا اشوفها ترفع ايدها عليه
ثواني وحسيت وجهي التف وصكت اسناني سن بسن من قوة الراشدي حسيت عقلي اختل التفتت عليها وهي اتكضني من اجتافاتي واتهز بيه بقوة واتعيط: ولج حيووانه انتِ وحقيرة وكـ**** كله بسببج عدنان ماعرف عنه شي كله من سوالفج الخايسه لو ضابطه روحج وباقيه عندة بس شكول عليج انتِ وحدة بر****
زمهرير بلعت غصه جرحت حنجرتي وكتلها ابرود: كل هذا علمود رجلج ؟؟؟
جميلة بغل : ولج جمار حط طلقة بنص صدر عدناااااان وكلة من وراج رجع حتى ياخذج وانتِ هل المرة راح ترحيلة بارادتج ... كملت كلامها وهي تدفعني عنها بنتر
أنت تقرأ
زمهريـر الــــــغـضـنـفـــر
Romanceلـن انسـى ذلـڪ اليـوم الـذي كان بـداية ونـهايـة ڪل شي ڪان الحيـاة حـياتي ڪـان ذلـڪ اليـوم اشـبه بالعـاصـفة مـن شـدة خـرابةُ مـقتـونـي اجـࢪمـو بـحقـي اقـالونـي الـى قـانـون البشـࢪيـة الـذي لا يـرحـم ارتڪبـو بـي ما هـو افضـع من العـقاب الاله ڪـنت و...
