الگلت مِيخيب بيَهم مرة ضَني
شَفت مِنهم سَوالف مَرضني.
_________♡__________
طلعت من الحمام روحي ميته والخوف يسري بجسمي
دم مستمر ينزل رحت يمه وعيوني كله عتب وكتله
حنان : كوم اخذني تعبتني
عُمر : ماكدر اني شارب
حنان : بس تعرف تموت بنتك الي مجايه ؟؟
عُمر : روحي هسه بدال هالنقاش هذا كله
حنان : الله ياخذني وارتاح صدك يا عُمر شوفتي راح تصير الك مثل الحلم
عُمر : ههه روحي وكافي حجي زايد
حنان : رايحه وراح تندم صدك
طلعت من يمه ابجي ونيتي هل مره صدك اعوفه گلبي مات واني يوميه اموت الف موته ولا بيه اعوفه ولا بيه ابقى وضاله بين نارين اتصلت ؏ اخوي علي يجي ياخذني لان الوقت متأخر وعُمر مستحيل ياخذني.
لبست اي شي گبالي بدون مبالاه شعري منكوش رتبته وكعدت انتظر ربع ساعه واجاني ملهوف وكال
علي : شبيج حنانن!!
بجيت وكلت
حنان: اعتقد بنتي وگعت
علي : كومي بسرعه
كمت وروحي تلعب ودوخه مستحلتني دمي خلص گد ما نزفت المستشفى قريب بسرعه وصلنا نزلت من السياره ورحت للدكتوره گبل صرت حافظته گد ما اروحله يوميه
دخلت الغرفته بهدوء محد غيري بهل ليل جاي وكالت
دكتوره : تفضلي حبيبتي
حنان : دكتوره اني حامل واليوم زوجي تقربلي وكمت انزف
دكتوره : انتِ مو نفسج اجيتي امس وكتلج ماكو علاقه زوجيه
حنان : هزيت راسي وكلت اي
دكتوره : هزت راسه بأسف وكالت نامي ع سديه افحصج
نمت ودمعتي بعيني وادعي ربي بنتي مابيه شي فحصتني وخلصت كالت
دكتوره : عيني هل مره عدت وربج ستر المره جايه انتبهي هسه صرتي تحتاجين راحه اكثر
حنان : بنتي بخير دكتوره مو ؟
دكتوره : اي بس لازم تحافضين عليها
حنان : تمام دكتوره
طلعت منها ورحت العلي الي منتظر بقلق و اول مشافني كال
علي : شكالت ؟؟
حنان : مابيه شي الحمد الله
علي : الحمد الله ، زوجج ليش ما اخذج حنون
حنان : مريض وميكدر يكوم
علي : اهاا مابيه غير العافيه ، شبي؟
حنان : فلاونزه
علي : وشلون ردتي سقطين بنتج
حنان : ماعرف تحركت هواي
أنت تقرأ
بين احضان جحيمك
Horrorبين الماضي والحاضر صراع داخلي وبين حروب الذات والخذلان تجبر على نصيبها وألم ذالكَ الماضي لا يفارقها فَـ هل تستطيع ان تغير القدر ؟ قُـصة حقيقية بقلمي انا " غَـدير تميمي... "
