اللهم صلِّ وسلم وبارك على سيدنا محمد وعلى آله الطيبين الطاهرين اجمعين اللهم عدد خلقه ورضا نفسه وزنة عرشه ومداد كلماته اللهم اغفر للمؤمنين والمؤمنات الاحياء منهم والاموات.....
شالها وقعد يدور فيها وهي تضحك وتبكي الله اعلم هي وش حالتها بظبط تبكي ولا تضحك وقف هذا كله من قال الدكتور: استاذ راكان تفضل معي لو سمحت ابيك بموضوع خاص
دعاء: ابجي معك
راكان: لا قالك خاص
وراح مع الدكتور وهي كشت عليه من ورا حقداً عليه دخل راكان وقعد قباله الدكتور وبدأ بالكلام: بصراحه لما شفت الفرحه بعينك وعين زوجتك ماعرفت كيف احكيلك الموضوع
راكان: اهرج زوجتي بلاها شي
الدكتور: بصراحه يعني زوجتك عندها مشكله في القلب والحمل راح يأثر عليها بشكل سلبي جدا وممكن لا قدر الله تموت
راكان كان مصدوم: لالا وش اللي تموت خلاص وش الحل طيب
الدكتور: يتم تنزيل الجنين قبل الشهر الخامس هذا الحل الوحيد
راكان: بس كيف راح افاتح دعاء بهذا الموضوع
الدكتور: هذي لعبتك انت
راكان: بحاول يادكتور خذ لنا موعد تنزيل للجنين
وطلع وهو ماسك دموعه دعاء ركضت له وقالت: شوف اذا كانت بنت راح اسميها ود واذا ولد انس
راكان قلبه تقطع لكنه قالها: دعاء تعالي معي
دعاء: بسم الله وش فيك وين اجي معك
راكان: يبنتي تعالي
واخذها وطلعو من المستشفى ووداها اكثر مكان تحبه وداها للبحر وقعد جمبها ومسك يدها: دعاء انتي تحبيني؟
دعاء: اكيدد واموت فيك بعد انت ابو عيالي وصديق طفولتي ومراهقتي وقضيت نص عمري معاك
راكان: طيب اسمعيني للآخر ولا تقاطعيني شوفي انا احبك واموت فيك ولخسارتك ماني مستعد ابد مابي اخسرك انتي شايله عني هموم كثيره شايله بيتي وعيالي وشايلتني وانا محظوظ فيك ما اجاملك انا صادق انتي وقفتي معي بحزني وضيقتي وفرحي وفرحتي عشان كذا مابي اخسرك لأني بضعف وروحي بتروح وبموت بعدك
دعاء: الله ياركان لهدرجه تحبني
راكان: حبي لك مو بكلمة احبك حبي لك افعال والحب افعال شوفي انا انبسطت لما عرفت ان ود او انس بيجون لحياتنا صحيح مو اول طفل بس فرحت وحبيته وبنروح انا وانتي بعد شوي نشوف الملابس وسرير الطفل وكلشي تمام
دعاء: صدق اجل يلا يلا
راكان: ابشري يلا بس ترا في مشكله صغيره
دعاء: الله يبعدنا عن المشاكل وش في
راكان: دعاء انتي عاقله وتعرفين ان كل شي بيد رب العالمين سواء خير او شر والبني ادم مرده للموت
دعاء قلبها فز: تكلم راكان ايش في
راكان: حبيبتي انتي عاقله وكبيره وانا وانتي نؤمن بقدر رب العالمين لنا اول شي اذكري الله
دعاء: لا اله الا الله!
راكان: دعاء اللي في بطنك مستحيل يجي للحياه
دعاء وقفت ويدها بدت ترجف: لليه؟
راكان: حبيبتي اجلسي ولا تخافي انا معس ابفهمك انتي عندك مشكله في القلب وصعبه انك تحملي وتولدينه
دعاء اللي دمعت: بس انا تعلقت فيه قبل لا اعرف هو بنت ولا ولد
راكان: حبيبتي اهدي ربي بيشافيك وبيعافيك وبيعوضك ان شاءلله ياروحي لا تخافين عندنا 3 وكلهم كبرو وربيناهم احسن تربيه خلاص يكفونا
دعاء: بس خاطري في بنت
راكان: ربي بيعوضنا عمري انتي راح نسوي عملية اجهاض الطفل
دعاء: لا تكفى افهمني ماقدر اذبح ولدي بيدي
راكان: والله فاهمك وهو ولدي زي ماهو ولدك وقلبي تقطع بس تكفيننن يوم ولادته ياخلوني اختار بينكم وقتها بموت مكاني او انتم الاثنين تروحون مني ومابي يصير كذا
دعاء: راكان تكفى...
راكان: فكري بالموضوع
واخذها وركبو لسياره وكان صمت طول الطريق وهي تبكي بصمت وهو يحاول يتماسك قدامها وصل بها للبيت ودخل وهو منزل راسه وهي تبكي بحضن سماهر فهد والجماعه كلهم تجمعو عنده وبدأت الاستفسارات
فهد: وش فيك انت ومرتك طلعتو تضحكون ورجعتو تبكون فيها شي دعاء؟
سماهر: يمه دعاء ويش فيك تكلميي
فهد: ماتبون تتكلمون
وراكان حكا لهم اللي صار سماهر: لاحول ولاقوة الابالله معليه يايمه ربي يعوضك معليه
فهد: لاحول ولاقوة الابالله تصبر ياولدي ياراكان عندكم ماشاءالله 3
راكان: الحمدلله على كل حال يمه خذي دعاء دخليها جوا
دخلتها سماهر وهو قعد مع اخوانه وعيال عمه وقدرو يغيرون المود حقه شوي لأنه كان مهموم ومضيم
أنت تقرأ
انتي سمو اميرة قلبي وشبيهه للقمر
Viễn tưởngعشقتك صدفه وقمت خذيتك من بينهم عناد ومرجله وانتصر حبي عليهم سميتك قلبي وعرقي ياشريان من شراييني
