انتي سمو اميرة قلبي وشبيهه للقمر

البارت اثنين وعشرون

اللهم صلِّ وسلم وبارك على سيدنا محمد وعلى آله الطيبين الطاهرين اجمعين اللهم عدد خلقه ورضا نفسه وزنه عرشه ومداد كلماته اللهم اغفر للمؤمنين والمؤمنات الاحياء منهم والاموات استغفرالله الذي لا اله الا هو الحي القيوم واتوب اليه.....

وفي الجامعه مبارك كان يتمشى مع صاحبه وصديق عمره مشاري صقع في بنت كانت تتمشى قالت البنت: اعمى انت ماتشوف
مبارك اخذ اغراضه: اسف ماشفتك
البنت: من عذرك انت ونظارتك ذي
مبارك: انا اسف
وتحرك ومشى وقال مشاري: ليه دايم اذا احد تعرض لك او جرحك ماترد عليه وبذات لو كانت بنت؟
مبارك: لأني عارف لو رديت عليها كيف بتنجرح احنا العيال بعض الكلمات عايديه عندنا لكنها عند البنات جروح ماتتضمد وتجرح انوثتها عشان كذا اسكت وما ارد اما العيال مارد عليهم لانهم مايهموني مره
مشاري: انت انسان عظيم الحمدلله انك صديقي احبك يا افضل صديق لي
مبارك: وانا احبك ياخوي قوم بعزمك على قهوه وفي الاختبار اذا احد طلب منك تغششه لا تغششه لأن اللي يبني مستقبله على الغش فاشل عشان تنجح لا تغش اجتهد بجهدك بتوصل للي تبيه
مشاري: اي والله انك صادق من غشنا فليس منا
وقامو وركبو سيارة مبارك راحو كوفي تقهوو وذاكرو شوي وكل واحد راح لبيته مبارك اول مادخل سلم على ابوه وامه: الا وين فيصل ماشوفه
عبدالله طالع سهام: والله بعد مادرى ان عمك رفضه طلع ومدري وينه
مبارك: لاحول ولاقوة الابالله اتمنى مايسوي بنفسه شي عاد ذا اكثر انسان قابلته في حياتي متهور بشكل يفجع
سهام: عبدالله لا تحط اللوم علي لأنها كانت زلة لسان
مبارك: معليه يمه معليه يبه ان شاءلله فتره وتعدي
عبدالله: صقر يسلم عليك
مبارك: الله يسلمك ويسلمه
وراح لغرفته

وعند عشق ومياس كانو قاعدات وابراهيم يصب لهم شاهي عشق قالت: طفش سوو فعاليه
مياس: بنسوي الا صدق هماك قايله بتروحين لياقوت وش جابك
عشق: مدري بنص الطريق هونت مدري ليه
مياس: حلال يامن يمصك مص ويمص شفتك مع لسانك
عشق: هاي هاي هيي هيي وين يبو وش اللي شفه وما شفه روقينا
ابراهيم: زمن الطيبين ها
مياس: طلعنا حنا الطيبين
عشق عطتهم نظره: حبشه؟
مياس: اول عدادي
ابراهيم: ثاني عدادي
وقامو يلعبون كانهم اطفال وفوق عند صوفي وام ابراهيم صوفي دخلت وقالت: الى الآن ابراهيم ومياس اطفال
ام ابراهيم: وهذا احسن شي في الانسان
صوفي: بس نسيتي ان ممكن طفلك يندمك انك جبتيه
ام ابراهيم: وممكن يخليك تحبين الحياه
صوفي: اغلى شي على المرآه بعد والديها وعيالها...
ام ابراهيم: زوجها لا تظنين اني اخذته منك بالماضي لو كان يحبك ماتركك وجاني
صوفي: نفس الشي مع الاسف تكرر مع ولدي طلع طبق الاصل من ابوه
ام ابراهيم: محظوظ الولد ان كانه على ابوه ومحظوظه البنت ان كانها لامها
صوفي: حزنت على دحيم يوم تزوج وحده زي عشق
ام ابراهيم: واللي يحزن اكثر ان زوجته الاولى شيماء
وطلعت ام ابراهيم وصوفي مولعه نارر