مرت سنه واخاف لايروح العمر وانا انتظر والشوق باقي ما انمحى

#مرت سنة واخاف لا يروح العمروأنا أنتظر والشوق باقي ما انمحى

3
-
أنتشر الخبر بالقرية " عمة حصة جت " السرور يملأ قلوب أهالي القرية من كبارهم إلى صغرهم تركت بصمة كبيرة بهالقرية لها بصمة حُب وأحترام وتقدير لها ولهفة عليها ! أعتبرت الجميع عيالها وبناتها وأحفادها الكـل كان يجي يطلبها تحل مشاكلهم بالمواساةّ ! تساعد المحتاج والي مو مُحتاج تقف مع الكبير والصغير
مسـك أيدها خلف وهو يُقبل أيدها بلهفة : والله وكبرتي يا يمه صرتي عجيزّ يالله تمشين !
الجدة حصه بغيض رفعت عصاها وضربته بخفة : أبعددد عن سماي خلني أمشي يا ولد
ضحك بخفة وتنهد أغلق الباب خلفة والكل سلم على الجدةّ حصة وجلست بالجلسة الأرضية
أردفت بعد ما أخذت أخبارهم : هالعوبه نجد تتزوج ولا ترضى تسوي زواج !
أنوجعت قلوب البعض من تذكر ظروف الزواج !
فاتن تخفي قهرها وحرقتها : بنسوي عشاء لارجعوا من شهر العسل أن شاء الله
الجدة حصه ناظرتهم وهي تحس أنهم ناقصين صغرت عيونها وبلهفة : وين حارث ؟ خلوه يجيني ووين حرمته ؟ بشوفها ! وجايد وسراج وين ؟
ضحية بغضب مكبوت : وش تبين فيها يا عمه ؟
الجدة حصه ناظرت لها لثـواني ثم أردفت : والله بقعدها قدامي وأتفرج عليها !
ما أمداها تتكلم بسبب دخول حارث الي ألتمو عليـه رجال واطفال القرية يتحمدون للجدة بالسلامة على حضورها بهالقرية دخل وعلى محياه إبتسامة إقترب من جدته يُقبل راسها وأيدها ويحتضنها بخفة بمودة وأحترام ولهفة
الجدة حصه بعتب : هالحين يومـنٍ أقول لك ياولد تزوج يا ولد تزوج تقول لا تفتحين معي هالموضوع وأثاريك متزوج من ٥ سنين ولا تقول ! جعلك للي مانيب قايلته ! كان قلت خليتني أفرح لك على أخر عمري
أردف بلهفة عارمة : الله يطول بعمرك لا تهرجين كذا يا أم نادر ! ماهب إنتم تقولون تزوج ؟ ها جيت وقلت لكم متزوج وش فيه !
أستغفرت ربها وهي تلتفت عليهم وبتّرقب : وويـن جايد ؟ ماهب موجود ؟ وسراج
عقاب بهدوء وهو يمدّ التمر لناحيتها : سراج نايم وجايد راح مع العامل قبال أزعجنا بسيلكه الخربان وراح يشتري له
الجدة حصة : وأنتم كل ما قمتو يا جايد ود يا جايد رجع هـو ووخلف لعنبو داركم ما تسوون شغلكم بنفسكم ؟ رجال وش كبركم وش عرضكم الشنب شاخط وجيهكم ورح جب يافلان

عقاب بضحكة خفيفه : يا يمه جايد ولدي وواجب عليـه يطيعني وخلف أنا أخوه الكبير والي مربيه بيسمعون كلامي غصباً عنهم
إلتقت عيـونه بعيون خلف الي صدّ عنه تلقائيًا بزعل وعتب يحمله إتجاهه عقاب بعد مشكلتهم !
الجدة حصه بتنهيدة : بس ما يصلح وانا أمك لا تعودونهم على الشقى زي ما تعودتو إنتم !
أردف حارث بسُخرية وهو يّفصفص : تبين نعلمهم على السربته والدشرة ؟ وطاعة الكبار واجبة ! بلا دلع نسوان ماهب لايق على رجال وش كبره وعرضه
أردف خلف برفعة حاجب : أنشهد يا جده إنهم كارفينا ليل ونهار !
هبوب تأففت بملل وهي تبتعد خصل شعرها القصير عن وجها لتجلس بجانب جدتها : يمه وش جبتي لي هديه ؟
ضحكوا على هبوب إلي خجلت من ضحكاتهم باستثناء حارث كان يتأمل بنت أخته ببتسامة خفيفة
الجدة حصة فتحت الكيّس ومدت لها تلاشت ابتسامتها وبزعل : قميص ياجده ؟
شهقت بخفوت وهي تسحب عصاها : ماهب عاجبك يابنت ! قومي قومي فارقي هذا جزاتي !
هبوب ضحكت بخفة وقُبلت راسها : عاجبني ياجده ويعطيك العافيـة
إلتفتت الجدة على ضماد الواقفة ببتسامة خفيفة على محياها وكل الي تتمناه تواجد أختها : تعالي يامك تعالي جنبي وأخذي هديتك !
ابتسمت بخجل وأقتربت من الجدة بهدوء مُريب مدت لها الكيـس وشكرتها بكل رقةِّ أذن الفجر والكـل أختفى للمسجدّ والحريم بالغرف بعد ما أنهوا صلاة أنتشروا يخلصون أشغالهم بالبيت
أردف بلهفة : هاتي علومك يا ام نادر !
الجدة حصة بتنهيدة : والله مابه علم زين ولا به أحد يطل علي ولا يجيني تقل في ديرة مابه انس ماغير بنت أختي مونستني تجيني هي وحرمة أبوها
ابتسم بخفة : وأنا اقول يا يمه مالك مكان غير ديرتك الي ولدتي بها وعشتي وتزوجتي وجبتي بها ! خليش بهالقرية يا يمه .. حولك احفادك وأحفادهم وكلنٍ يبيك بهالقرية ومحبة الناس ماهب كافية ؟
ابتسمت بخفة ورضا : كافيه ونص !
إلتفتت عليـه وبذهول : لعنبو حيك إنت للحين ماجبت لي زوجتك ؟ هو انا باكلها ؟ قم قم جيبها خلني أشوفها
ضحك بخفة على مزاجية جدته توقف وهو يردف: يا يمه مكانك غلط جالسة عند الباب ! ولو أحد دخل؟
الجدة حصة بحدها : منهو الي بيدخل علي ؟ ببيت ولدي أنا !
حارث بتنهيدة ساعد جدته على الوقف وبغيرة مكبوته : بيرجعون أخواني من الصلاة وبيدخلون البيت وحرمتي قاعده بالحوش ؟ ما يصلح يا ميمتي .. خليش بالصالة وأنا بجيبها لك !