مرت سنه واخاف لايروح العمر وانا انتظر والشوق باقي ما انمحى

#مرت سنة واخاف لا يروح العمروأنا أنتظر والشوق باقي ما انمحى

4
-
حست بدوخة وخجل يعتريها وأرتبـاك وذهول مشاعرها أختلطت وبتوتر ملحوظ : تبين أجيب لك شيء تاكلينه ؟
إيلين هزت راسها بالنفي وهمست : ما أبغى شكرا
وريـد قُبلت خدها برقةِّ وببتسامة مكبوته : تمام أول ما تتشافين بخلي أبوي يجي ويتعرف عليك تمام ؟
أنشحب لون وجهه قايد بغضب عارم حس بثوران غضبه وعضل وجهه وتلوون بالأحمر مسك نفسه عن الهجيـان وأنه يندفع عليها بغضب هجومي ! خرجت وريد وهي جاهلة عن قايد وكمية الغضب الي يحمله
شهقت بذهول ورعب من مسكها من ذراعها وبغضب : انتي وشش تقولين ؟ تحسبينه على كيفك؟ مين انتي عشان تقررين أختي تشوف مين؟ لا تنسين نفسك مو يعني فتحت لك المجال وعلمتها أنك اختها تسوين الي براسك !
بلعت غصتها وبمرارة وبحة : أنا اختها ! زي ما أنت اخوها انا اختها وابوي هو أبوها ! يحق له يتعرف عليها شوف انا افهمك كثير ! إنت زعلان وكارهني وكاره أبوي على الي سواه بأمك بس إيلين مالها ذنب
ناظر لها بسُخرية وضحك بغليان : انا زعلان ؟ أنا حاقد ! انا ميت انا محترق ! تدرين ليشش ؟ لأن ابوك حي يرزّق لأنه يتنفس لانه ياكل ويمشي لأنه يبتسم لأنه حُر !

تحسبين ماني فاهم نيتك ؟ تحومين حولنا أكيد وراك بلاء ! بالنهاية بنت أبوك انتي وهو الي رباك تقنعيني انك مو خبيثة وواطية زي أبوك ؟ مسويه انك بصفنا وانتي للحينك عنده ها ؟
رفعت عليها بذهول من كلماته الجارحة وصفعته على خده بعنف وكلماته قطعت قلبها لإشلاء وبنبرة باكية : أنت الواطي وأنت الخبيث أنت حاقد ! خف من هالحقد بيحرقك أنت وشش تبي اسوي ؟ تبي اذبحه ؟ تبي اطلع من البيت ؟ تبي اسجنه ؟ وشش تبي اسوووي ؟ هو لو مُجرم لو قاتل بالنهاية ابوي ! ومهما كان هو ابوي أفهمني !!
أبعــدت عن المكان بكبره خرجت من المستشفى وهي تحمل قلبها المكسور ادركت مهما سوت استحاله يتقبلونها ! وهي مو بحاجة انهم يتقبلونها هي تبيهم يمسحون لها تتقرب من أختها !
تنهدت وهي تهمس بوجع : ما ألومهم أبوي غلطته ماتنغفر له !
تأفف قايد بقهر وغيض تركت بصمة كبيرة بالكلام الي فعليًـا أستوعب إن مالها ذنب بأفعال أبوها ! هزّ راسه ينفض هالكلام لها ذنب او مالها ذنب مابيسمح لها تقرب منهم وتحتك فيهم نهائيًـا ! وتركت بصمة على خده " كف"
----

قفلت الخط وتركت الجوال على الكمادينه أجهشت بالبكاء الهستيري ! بكاء على فقد صقر وعلى شوقها لضماد وهبوب وعلى الي صار فيها برمشة عين انقلبت حياتها فوق وتحت ! كانت باستمرار تتحلطم وتشتكي من حياتها ماتوقعت بيوم من الايام بتندم انها ماقالت الحمدلله على حياتي ! ماتوقعت ان لازم انها ترضى بحياتها ! كانت تشوف حياتها أصعب واسوء حياة لانها انحرمت من الحرية انحرمت من شوفتها للحياة من زاوية ثانية انحرمت من الجوالات انحرمت من الخصوصية انحرمت من انها تختار ! مالها حُرية الاختيار باصغر الاشياء حتى الملابس ماكانت تقدر تختارها هي ! الا بموافقة جدتها ! كانت تعتقد إن الحرية جريمةة ! نفس الطيور الي تولد بالقفص تماماً !
فتح على الباب ناظر لها بكل برود وهو يشوفها تمسح دموعها بحركة سريعة لحتى ما يلاحظ
ببـرود يعترية : تعالي أكلي لا تموتين علينا ! مانيب فاضي ابتلش فيك !
فاض قهرها ونفذ صبرها لتُردف : انا ميته أساسا ! من صرت على ذمتك وانا ميته ! من اشوف نظراتك لي تّقل اني شي وصخ وانا ميته ! من اسمع كلامك القاسي وانا ميته ! انت ما تأثر فيني ولا واحد بالمية انت ما تهمني بس انا بفترة تعبببااااانه والكلام السلبي بيأثر فيني حيل وأنت ما تقصر ! كانه شي واجب عليك تسمعني ياه يوميًا