الكَيِان

pt.29

Hi...العقيد والطالبه #
...
الكاتبه:استبرق الزبيدي
..

وصلنه للبيت
وحجه
-:تحجين لاهلج كلشي واني انزل وياج
صديت عليه بصدمه
-لالالا شنو ماحجي كلش وانت ماتنزل
تريد تخرب علاقتهم؟
ضل صافن عليه
-،انتي خبله؟ياعلاقه هاي وسوه وياج هيج
-:اي ادري بس علاقه بابا وعمو
وامي وخاله كلشش حلوةة.
ضل صافن عليه مسح شواربه الخفيفه
-:لا اكيد بيج شي ...امشي من وجهي امشيييي
صاح بوجهي
نزلت واني ارجف
شسوي شلون اكل لاهلي لو لا ؟
جان القميص دكمته مشلوعه
سوتها بدنبوس وطبيت عدلت شكلي
استغربت امي من شافتني
-:ها يمه شو اجيتي ؟
-ها لا بس شسمه ..كملنه
-:شنو شكملتي ؟
- اي تعبانه واحنه هم كعدنه سولفنه وسوينه
وبعدين تعبت واجيت
جابني عمو
-:ها ..مم
ماصدكت بيه بس مشيت بدلت والمدموع كامت تجري بدون صوت حته محد يسمع
شسوي هسه يربي؟
اوف الله لايوفقك ابراهيم جنت حاسبته اخوي
الله ينعلك
..بدلت ملابسي وكعدت مسحت دموعي
وضليت افكر شكول
اذا اكل لاهلي يمنعوني من كلشي وعلاقتهم تخرب
...اخخخ
رحت جبت التلفون
واتصلت ع كيان اشوفه وين وداه
.يرن....
....مارد خرررببب
رديت اتصلت
يرن...........فتح
- ليش مجاوب؟
-:نعم.؟...لازم انتي اللواء الاعلى مني ولازم ارد عليج
-انسه ..شسويت بابراهيم؟
-:لازم هامج؟
-كيان الله يخليك مالي خلك اراددك
-:لا وترادديني بعد؟
- احجي عاد ...
-:يعني شنسوي بيه ؟انتي لازم تشتكين
ذبيناه بلتوقيف ..
-...وشلون واهله؟
-:كلي لانفسج هيج تردين حقج يضيع؟
بحياتي مشايف هيج بنيه مثلج
-كيان شسوي يعني اهلي واهله علاقتهم تخبل
لو شايفهم بس ..
-:اني مالي دخل اذا ماحجيتي اني اجي
واحجيلهم كلشي
- لا عفيه فدوه لا ..

-:استغفر الله العظيم....ولك انتي شنو شنووو
يعني هيج عادي عدج؟؟؟
-لا طبعا مو عادي .....طلعه
-:شنو؟
-طلعه وخل ننسه كلشي واكيد مراح يعيدها
-:اني اذا اضل وياج دقيقه انجلط..
...سداه بوجهي....
لا ياربي شسوي هسه ؟؟
اوففف نفشت شعري حيل ...
وكمت نزلت جوه
اخ شسوي هسه استغفر الله
كعدت يم امي كاعده تتفرج مسلسل
وتكرز..
كعدت يمها اخذت كرزات وصافنه بضيمي
يمكن اخذت نص ساعه
واجاني مسج من كيان
-:راح اطلعه وحقج يضيع تره واني بعد معليه ..
ضليت صافنه ع رساله
شجاي اسوي اني صحيح لو غلط ؟

اخخخ اخخ

مارديت عليه
ضليت كاعده ويا امي لحد مصار المغرب
رحت صليت وضليت ادعي
اذا صحيح أو غلط ماعرف ياربي انته حلها
لميت المصلايه وكمت
اسوي عشه ويا امي ...
شويه دك تلفونها ضليت اتصنط
جاوبت عليه
طلعت خالتي ام ابراهيم الوسخ
-:ولج هيه الحكيلي ابني مادري شيء وجه مزورك
ومادري شبيه
امي انصدمت
-يا عزهه شبيه مدكليلي..ماكلج شبيه
-:ولج مايرضه يكول يكلي تعاركت
ادري هيج العركههه اوففف اوففف قميصه مشكك
بعدهي تحجي وامي اخذت التلفون ومشت لغرفتها
تحجي وياها
بعد ماسمعت شي ضليت اكلي بتيته
شويه اجتي
كالت حروح يمهم ورا العشه تجين
كبل صحت
-لااا ماروحح
-:ومرض شبيج ديله ميته عليج ...
بعد الاحسن ..
عفته وصديت
رحت صبيت عشه
وصحت ابوي وحسون ونرجس
التمينه وكعدنه
ناكل امي سولف لابوي
وحسون انصدم
كال:بس ابراهيم مو من عوايده يتعارك
اني كلت بكلبي
"ولله ياخوي لو تدري جان رحت بنفسك زوركته "
امي:أندري وهسه شويه ووديني عليهم اشوف شصاير..
كملنه عشه
لميت المواعين ورحت غسلتهن
امي بدلت واخذت نرجس ومشت
وداهم حسون
وابوي ضل كاعد يشرب جاي
كعدت يمه
يباوع ع أخبار مندمج وياهم
شويه واجتني رساله من كيان
-:،لازم هسه اشوفج
انصدمت منه كتبتله
- انت خبل شلون اشوفني محد بل بيت بس ابوي
وشلون اصلا وشتريد
-: هواي حجيتي كتلج اشوفج دبري حالج
- لا ولله انته مو صاحي شلون وابوي يمي؟؟
-:لعد فتحي اتصال ..
-كتلك ابوي يمي كاعد ماكدر حته كوه احاجيك..
سديت التلفون وسويته صامت
ابوي كاعد مندمج وياهم
سحبت روحي شويه شويه وكمت
رحت صعدت فوك
طبيت وسديت الباب
اتصلت عليه
....
-شتريد؟
-:وعليكم السلام ..
-اهوو احجي
-: ... ذب نفس وحجه
ركبتج شلون صارت؟
-صدك تحجي؟؟وخابصني ع هاي؟؟
-:جؤ.....هاذا الوسخ طلعته بس شووفي يااين
اذا شفتج مره وحدهه بسسس مباوعه عليه
لو رايحتلهم ولله لا انتي والاهلج
يمنعوني اكتله
-شنووو...شتحجي انته..خبل وبعدين طبعا ماباوعله
يعني السواه وياي واباوعله؟؟
واروحلهم لا همين بس اذا امي جبرتني طبعا اروح
-:وهاذا الاكلج عليه ماترحينن
-وشنو مسؤل عليه انته ؟
-:اي مسؤل عليج لان انتي تصرفاتج مادري شلونه
يعني هيج اضيعين حقج علمود علاقه
اهلج واهله ؟؟
- لا ماضيعيه اعرف شلون انتقم منه شويه شويه
-:ههه...مابيه اضحك تنقمين منه؟؟؟
وانتي شايفه نفسج.؟
أو شايفه نمله تريد تكتل فيل ؟؟
- بس اني مو نمله وابراهيم مو بهل ضخامه
-:بله اين اسكتي مجاي اقيس الاحجام
وإنما مادكدرين انتي فاهيه
-اشوفك منو الفاهيه
-:هههه...اخخخ مابيه اضحك ...الوسخ
اكله ليش سويت وياها هيج يكلي احبها
اخخخخ لو ما رائد لازمني جان خليت الطلقه براسه
-شنو؟؟
-:يعني ...استغفر الله...وين لاكيه هيج بس فهميني
يحبها يسوي وياها هيج ..