الكَيِان

pt.30

هاي شلونكم ...طبعا تدرون دوام 🙄💔
..المهم وماكو اعجاب 💔🗿تره ولله ميصير هيج
حراممم تكسرون بخاطري...
..
.
.

-:ابراهيم راح يتقدلمج واهلج احتمال يجبروج لاتوافقين...ادمره ولله
-شنووو...؟؟؟؟
ضليت صافنه ومنصدمه من الي كاله
سديت حلكي خاف احد يسمعني
اذكرت كلامه
من كال راح اتقدملج....لا وبعد الي سواه وعنده الجرائه حته يتقدم؟؟
-ش..ششدتحجي و وليش حته يجبروني وهوة بأي عين يتقدم ؟؟
-:أثناء التحقيق وياه حجالي هيج
بس ماكتلج لان نسيت
و ..
-طبعا اني اصلا مراح اوافق هوة باي عين صلفه هيج يحجي
اني اعلمه بسيطه اشوفه منو ايلين عباله هيج فاهيه
ومادري شنو ..بسيطه اذا مااعلكها
-:عفيه عفيه هيج اريدج ...مهما كالولج اهلج
لاتوافقين
-طبعاااا شنو اني مطي مثلا 
اء اسفه صارت بوجهك
-:لا  عادي صارت بأذني ....
-ههه تحشش...
-:مو ومن تحشيش هسه اريدج صيرين قويه
وماتقبلين حتلو قنعوج وحلو بعينج الزواج ...
-ميحتاج توصي اني ايلين خاف نسيت ..
-:ونعم منج ست ايلين
-مم انت ..ليش مهتم؟
-:كام يكح..:اح اح..ااا اني ؟
- لا ابو المولده اي طبعا انته
-:لا هيج بس يعني ...
طبعا اهتم يعني هوة تعرضلج وهسه جاي بكى عين صلفه يتقدملج اصلا اين واجبي القي القبض
عليه بس انتي الله يسلمج عقل عندج...
- اي اي كافي لاضل تحجي
المهم باي
-:طبعا ماترضين احجي غير انتي ثوله شسويلج..
ولي عني يله يلهه
سديته منه واني ضايجه
ومبتسمه
شديصير وياي؟امداني
لفيت راسي ونمت واني ضايجه من اذكر الكاله
باي عين يجي يتقدمم؟؟؟؟
خرب يومه ....
نمت وماحس بس امي دكعد بيه
-خير خير شكو ياهو اجه
-:يعني الا يجي احد يله تدكعدين دكومي كومي
-اهووو...كما فركت وجهي واني نعسانه
- خير يمه كولي
-:راح تجي خالتج كومي
-ياهيهه
-:ام ابراهيم ...
هيه كالت هيج واحس اجتني ساعقه
-شنو؟شسوي
-:يعني شسوي تجي تشوفنه
كمت واني ضايجه
غسلت وجهي
ونزلت وراها رحت تريكت
وهيه تنضف وتعطرالبيت عبالك اول مره يجون
صدك ماهي الا دقايق
صارت أو ساعات مادري
ودك تلفون امي ..
جاوبتها جايين بطريق
ادري همه وين مسافرين قابل ؟
المهم
شفت الساعه ب11:02ص
البيت مابيه شي
بس مجرد شلت هاي وهاي ..
رحت بدلت ملابسي
واني حته جيتهم كرهتها
لبست ملابس حلوة
ونزلت ماخليت شي لوجهي
وشعري مرتب ..
شويه واندك الباب
طلعت نرجس واني وراها
شويه وطبت خالتي ورهف وعمي
بس ذاك الحوبه مأجه اي هم عوزه يجي
المهم رحت سلمت عليهم
عمي انتضر ابوي يجي يشوفه
واحنه كعدنه يمهم هم سوالف وضحك
ويا امي اني بس ابتسم ألهم
وهاهيه
شويه كمت جبتلهم ضيافه
نوب وراها
بشويه طب ابوي
كعد يم اخوه
سلم وهم سوالف وضحك
الى ان امي سألت خالتي
-:لعد ابراهيم وين..
خاله:يكول تعبان ومابيه كتله تعال ومارضه
اني كلت
اي هم عوزه يجي الخايس..عساه لاشاف الراحه
بكلبي ..
صار الاذان وكمنه صلينه
واني ورهف
رحنه كمنه نجهز المواعين مال غده
واجتي امي هم ويانه هيه وخاله
كملنه كلشي
وتغدينه
يعني لمه كرايب ...
ورا الغده مشو...عزلت البيت وصعدت 
بدلت ملابسي
وكعدت ارتاح فجأه اذكرت يقين وين صارت ليش ماكو العطله كلها هيه مختفيه بس هلو شلونج وهاهيه ..
عدلت كعدتي ومشيت الجهاز إراسلها
كتبتلها
-:هلو يقين شلونج شو ماكو مختفيه وين غاطه؟
ماردت عليه ..
ذبيت التلفون وكعدت افكر
مادري ليش اجه ببالي كيان
نوب اذكرت البوسه خخخربب استغفر الله
شسويت اني شسويتتت بس ماعيدها لو اموت
هزيت راسي امسح الأفكار....
اذكرت من كال احبج ..
ابتسمت مادري ليش بس راحت من اذكرت
كال لا جنت تعبان ؟شنو يضحك عليه هاذا..
بس اني ليش مهتمه اوي
كمت اذكر تفاصيل وجهه ...
جؤ جؤ ايلين شدسوين لالا ...شويه اذكرت كلامه
على ابراهيم ...صدك ؟؟بكيل عين صلفه هيج عادي ...
قطع تفكيري جهازي من اشتعل ..
فتحته
يقين راده ...
-:هلا تمام انتي شلونج لا بس هيج كاضيتها
وانتي هم ماتسألين...
كتبتلها
- اي عيني والا اني اسأل؟،
-:ههههه لالا شلون يأبه ...
-:دكدرين تجين؟أو موجوده بل بيت راح اجيج
-خير هيج اشتاقيتيلي ؟
-:لا ميته عليج .بس انتي البيست مالتي وماكدر
اضم عليج شي متعوده اكلج كلشي
-ياستار شكو صاير شي ؟
-:لالا ماكو شي من اجي اكلج ...
-تمام شوكت تجين ؟
-:شويه واني يمج ..
-اوكي تمام موجوده اني .
سديته واني بالي يمها شتريد دكول ؟؟
كمت طبيت للحمام ترشرشت وطلعت
رتبت غرفتي هوسه صايره
فتحت الشباك ..
ونزلت اشوف شنطيها ضيافه
لكيت فواكه وعصير برتقال لان جانو بيت عمي هنا ..
حضرتهن وكلت لماما
ماحجت شي كالت هلا بيها..
رجعت صعدت فوك
فتحت التلفون لكيت كيان مراسل ..
فتحتها..
-:بشري..
مافهمت قصده بس بعيدن اذكرت
- ليش مهتم؟
ورا دقيقتين رد
-:مو قصه مهتم ..وإنما ماريد هذا الخايس يدحك وجهج ..
مافهمت ال يدحك ..بس فهمت البقيه
كتله
-:شنو يدحك؟
-:يعني يشوف بل إنباري..
-ها...
-:هسه ماكلتي
-محد جاب طاري الموضوع
-:بعد الاحسن ...
وسداه اني همين بعد ماحجيت
شويه واسمع صوت الجرس دك
عرفتها يقين نزلت
ورحت فتحت الباب وصدك هيه طلعت
تسالمنه ومباوس
وشلونج وشخبارج
طببتها كعدنه بصاله
سلمت علا امي وهم سوالف يعني هيج شي
رحت جبتلها ضيافه بس متاكل فاهيه
كلت جوز تستحي
كومتها اصعدها فوك
واخذت وياي الفواكه طبيت وسديت الباب
وخرت الفواكه علا صفحه
كعدنه نسولف ونضحك
بعدين كالت
وهيه لازمه ايدي اني خفت عبالي مدري شنو
-:ايلين تدرين اني ماكدر اجذب عليج أو اخلي شي عليج ...
-شكو خوفتيني بسلا مريضه ولججج؟؟؟
-:لاااا اسم الله عليه بيش طالبتني...بس
-شكوو
-:انتي ..معزومه وو ولله انتي اول المعازيم
ضليت صافنه بعدين اذكرت
ضليت اضحك
-هههههه ياا ولك عادي عابت عبالي شي جبير ههه
هيه ضلت ساكته ..
-:ي يعني ..تدرين ؟
- اي وليش مادري بس بعد وكت..
ضليت فاتحه عيونها حيل
-:صددكك؟؟؟
- اي شبيج يمصكوعه شلون انسه عيد ميلاد صديقتي شعندي غيرج اني...
اباوع عليه غمت كصتها وردت باوعت عليه
-:ولجج لاااا.....ايلين
-هااا لعد شنوو. ؟؟
-:انتي معزومه علا ...
- شنو مو شلعتي كلبي
-:علا ..خطوبتي من رائد.....
هيه كالت هيج واني شهكت شهكه طويله وكمزت من مكاني
-شششننووووو ؟؟؟؟؟
-:ششش...اي اي بس ولله انتي اول وحده تدري ..
-شش. ش.ششنو شنو أول وحده شنو خطوبه
شتحجين انتي ؟
-:اي بس اكعدي خل افهمج
-ولج ششفهميني؟وانتي وين تعرفيه وين عرفج
حته خطوبه مدري شنو
-:اكعدي خل اشرحلج...
رجعت كعدت واني مامستوعبه الي دكوله
-:شوفي ...من اليوم الي شفته واني معجبه
بيه ونوب من كتلج كام يراسلني صح مو هواي مراسله يعني هوة من النوع الثكيل وميراسل هواي بس التقينه اكثر من ...خمس مرات
-ششنووو؟؟
-:ااييي اسكتي ..اي وخلال القائات صار بيناتنه حوار وتعارف وصرت اعرف طبعه ويعرف طبعي
يعني استمرينه علا هاذا الحال مع الرسايل شويه إلى أن اجه اليوم واعترفلي بحبه وكال اني احبج واريد حبي الج يبقى نضيف واريد اتقدملج علا سنه الله ورسوله وماريد اطول هيج وياج ..
واني يعني كتله افكر وخلال يومين فكرت هوايي
وأدركت اني كلش احبه ومتعلقه بيه
يعني انتي متدرين شلون أو شنو الحجي الدار بيناتنه أو المواقف الصارت يعني وكعت بحبه
وهوة كلش خوش رجال وشهم وحلو ...وتدرين بعد
رديتله الخبر وهوة هم جانت الكاع مسايعته
من الفرح جان وكت رديتله الخبر لمن التقينه
بل متنزه الكبالنه وكال اريد هذا الحب يبقى
نضيف لان مااكدر اشوفج ولازم نفسي لازم اشبكج
ومادري ايش...فى ..كال راح اتقدملج
وياريت نبني حياتنه كلها حب ومتفاهمين
وهاذا الحجي وكال بعد يومين تجيج امي واخواتي
-ص صدك؟ولله مادري شكلج يقين زين ليش مكلتي؟
-:الله جنت ملتهيه  وخايفه يلعب عليه
بس طلع حبه صدك واثبته بهاي مواقف
-وانتي ؟موافقه
-:لعد اني شكلجج اجيت اعزمج
-يعني شنوو؟؟اهلج وافقوو؟؟
-:لا بعدهم اليوم يجون بليل امه وأخواته
ويارب اهلي يوافقون
- بس ..يقين ودراستج
-:ورا الامتحانات نسوي العرس هسه بس عقد سيد
أو خطوبه يكولون..
-الله مادري بيج ...لاء انتي صدك تحبينه وهوة تقدملج ليش لعد شايفه كل الخير يعمري
كامت وشبكتني
وكعدنه ناكل ونسولف
وهيه مامصدكه من الفرح  ماتعرف شتحجي
وتقرر شغل بس وشتسوي
واني اعرفها من اليوم الشافته وكعت بيه
نوب حاجاها لا وهسه خطوبتهامنه لا هاهيه