الكيان
الكاتبه:استبرق الزبيدي .
بسم الله الرحمن الرحيم ♡
لطفاً لاتنسون التصويت مع المتابعه لطفا
ومتابعه لحساب الانستا
انستا:jhhgfdsa55.
......... ...........................................
انتو ولله غريبين!يااخي اذا انزل مجرد كلام بيني وبينكم وبيه عتاب تنطوه كوم لايكات بس من انزل بارت !لا محد يصوت ؟!غريبين ولله شراح تخسرون لو تفاعلتو ويه كل بارت ينزل وتصعد القصه ؟يعني انت شفت البارت اوكي انطيه نجمه مخسران خساره؟يعني شيصير لو صارن النجمات بعدد المشاهدات؟!..الله يهديكم .🥀
.......
ثاني يوم الصبح كعدت من وكت متحمسه مادري ليش بس اريد اخلص من هذا القذر
كعدت مصحصحه ورتبت غرفتي ونزلت جوة اسوي ريوك ويه اهلي تريكنه وحسين ويانه مابقاله شي لعطلته ويمكن هم متحمس بدل ومشه لان الخط اجاه
واني وامي ونرجس هم سوينه تنضيف للبيت لحد مكملنه كلشي اذن اذان الضهر صلينه ووكفت يم امي تحجي عليه وهيه تصب الغده
-:ادري شكدج شكبرج متعرفين تسوين غده هسه نوب الرجال يكللها خلي نسوي العرس ادري شتسوي مدكلي نوب يومين ويرجعها بسلا صدك بحجه متعرف تطبخ يمه غير حته يتشمتن بيه
-لا ماما شدعوه ميكول
-:وهو شنو الميكول رجال حاله حال الزلم هم يريد اكل جوز كلج لاتطبخين يوم يومين؟يجيب جاهز هم امه تعيرج بعدين
-لا امه حبابه
-:امداج دضلي ضلي هيج وجم يوم يطك منج
-لا ماما اني الي يعاشرني يموت عليه يلزك بيه بعد
-:ضلي ضلي تخيلي وحيدج اني مو هم مثلج هم عفت دراستي وجلب بابوج وتالي غراني بكم كلمه وغزل عفت الدراسه وهوو خو ماحجه شي مكيف وهم امي ماعلمتني اطبخ تالي امه الله يرحمها كامت تعير بيه وهوة عود ميحجي بس يمشي يم امه يحجي عليه تالي امي علمتني واني همين لكفتهن وكمت اطبخ يله ركد ابوج
-شو ابوي مبين روميو ويحبج معقوله يحجي عليج
-:ووين يحبني احنه اصلا بزواج متشاوفنه الا بليله الدخله يله شفته وهاي كضيت عمري وياه
-شني ماما شو جنج مراضيه بيه؟
-:انكلعي منا انكلعي لا شغله ولا عمله مابيج خير ...
كمت اضحك وكملت وياها والتمينه نتغده وابوي حاير بموضوع زواجي ويكول انو خاف بعدج صغيره ومدري شنو وماريدج تركين دراستج واني اكله لا ماتركها واحنه اصلا شرطنه عليه وهيج هذا الحجي .
للعصر كيان خابرني مره وحده وكال مشغولين بل مهمه مالتي ف خابر بس اطمن عليه وخلص واني همين خليته براحته
أنت تقرأ
الكَيِان
ChickLitماذا عن عقيد يروح لمدرسه بنات حته ينطي نصايح وتطلع ايلين بوجهه؟؟♡ فاتِنا، ذكيه ،مميزه ،قويه .يقع الجميع في غرامها أما هيه فجميع لاشي بنسبا لها الا ذالك الشخص صاحب الرتبه العاليه..... القصه مدموجه حقيقيه ومني اما ايلين فهي حقيقيه قصتها والتقت بكي...
