بسم الله الرحمن الرحيم
زهراء : ملاك انا تعبت من كتر المشي يلا نرجع بقا
ملاك : احنا لسه الساعه خمسه ....... خلينا كمان شويه
زهراء بضيق : ملاك ي حببتي كل الاماكن اللى روحنا ليها عاوزين موظف واحد أو مش عاوزين خالص
ملاك : ماهو علشان انتى فقريه من الصبح وانتى مضايقه اننا هنطلع من الملجأ
زهراء : اه ..... يعني بصراحه الملجأ في بنات احنا نعرفها قوليلي كدا احنا نعرف مين
........... : اعرفيني انا ياقمر
ملاك : يلا نركب التاكسي دا
........... : ليه بس كدا طب والله عيب هو انا مش عاجب ولا ايه
ملاك : يلا ي زهراء اركبي
صاحب التاكسي : بلاش يابنات تمشو في الطريق دا علشان منطقه مقطوعه ومش بيجي عربيات أجره كتير
زهراء : شكرا لحضرتك ياعمو
بعد وقت وصلت ملاك وزهراء إلى العماره
ملاك : اذيك ي راجل ي طيب
حسنين : اذيك ي بنتي
زهراء : اذيك ياعم حسنين
حسنين : انا كويس ي بنتي بس انتو فين من الصبح
ملاك : كنا بندور على شغل
زهراء. : كملى ي قلبي ومش لقينا ..... يعني لو عندك شغل احنا نقوم بالواجب
حسنين : طب امسكي يابنات الكيس دا واطلعوا دلوقتي
ملاك : كيس ايه دا
حسنين : دا وكل الباشا ربنا يجزيه بيبعتلى فطوري وغدايا والعشاء ...... وانا كلت واكيد انتو دلوقتي مش عملتو اكل
زهراء : شكرا ياعم حسنين والله انا عصافير بطني بتصوصو
ملاك : طب يراجل ي طيب احنا هنطلع دلوقتي علشان نصحي بدري ندور على شغل
زهراء : بعد اذنك
حسنين : اذنك معاكي ي بنتي
صعدت ملاك وزهراء إلى أعلى وجلسوا بتعب من اليوم
ملاك بحب : عمك حسنين دا طيب اوي صح
زهراء : فعلا انا أهلى مش عملوا معايا كدا .... يلا ناكل
ملاك بزعل : على فكره انتى ظلمه اهلك يعني افرضي انهم متوفين او مثلا
زهراء بمقاطعه وتكمل : او مثلا ظروفهم مش سمحت ليهم انهم يربوا طفل صح ..... ها نسيت حاجه
ملاك : ولما انتي حافظه مش بتعملى بالكلام ليه بس
زهراء : انا غاويه تعب ي شيخه دا حتي لو زي ما انتى بتقولي ليه مفكروش يسألوا عليا..... سبيني في حالى والنبي اصل انا هطق
ملاك بمحاوله تغير الأجواء : شوفي عمي حسنين مطلع اكل ايه
زهراء : فراخ ومحشي ...... لا عمك حسنين دا جامد
ملاك بمرح : لما الموضوع يكون لبطنك بيكون جامد
زهراء بتسأل : انا طفسه صح
ملاك : موووت
زهراء : مش مهم يلا خلينا ناكل بجد جعانه ومش قادره اقاوم ريحه المحشي
ملاك بضحك : طب يلا نغسل الاول ياختي
زهراء : يلا ي روح اختك انتي ياقلبي
ملاك : يااه على الرقه من امتي يابت انتي
************ ********************
فيله الألفي
مراد : ياسمسم هو انا عندي اغلي منك بس
ادم : احترم نفسك ياض ايه سمسم دي اسلوبك معفن
مراد بسخريه : اسلوبك ومعفن مش ماشيه ي درش
ياسمين : مساء الخير
مراد : بقولك ايه انتى كمان اتعاملي ياختي بطبيعتك قال مساء الخير
ياسمين : تصدق إنك تافهه يالا وعيل فصيل وربنا
مراد : ادم هي قالت تافهه وولآ وعيل ولا انا سمعت غلط
ادم بضحك : قالت ..... ونسيت فصيل يابرو
مراد : ايه ي سمسم انا بتهان في بيتك ادي رأيك
نسمه : انا هقوم اجيب الاكل علشان كدة مش هناكل
ياسمين بتمثيل : لا ياماما انا مش عاوزه اكل
نسمه بتمثيل هي الأخرى : ياحبيبتي انتي مش كلتي حاجه من امبارح ودا غلط عليكي ي قلب ماما
ادم ببرود : شوفتها وهي بتاكل علي فكره ...... مش انتى ي ياسو كلتي النهارده تلت مرات برضو
ياسمين بتذمر : انت عرفت من فين وبعدين والله هما مرتين التالته كانت فواكه بس
مراد بسخريه : ياقلبي ادم مش كان عارف حاجه بس علشان عارف ان اختو طفسه وبتحب الاكل اكتر من اي حد ....... وهو لعبها عليكي صح وانتي ماشاء الله عليكي
ياسمين : يعني ايه ادم مش عارف ان انا اكلت اصلا
ادم : بس بصراحه مش كنت متوقع انا ماما تشارك في العبه دي
نسمه بتهرب : حبيبي انا هقول لداليا تجهز الاكل علي السفره
مراد : امك خلعت بالطريقه
ادم بقرف : اسمها امك وخلعت ..... فبرك الكلام ياحبيبي مش كدا
ياسمين : هو واحد مقرف اصلا ....... المهم هشتغل ... موافق والله انا قولت برضو اخويا حبيبي استحاله يرفض ليا طلب
ادم : اه وافقت ياختي
ياسمين بعدم تصديق : انت بتهزر صح
ادم : اسمعي للأخر ....... بس في الشركه بتاعتي
ياسمين بضيق : ياادم افهمني ..... هيتعامولو معايا بأحترام لأن انا اخت المدير
ادم : مافيش غير موافقه تمام لو مش موافقه برضو تمام
ياسمين : خلاص بس مافيش حد يعرف ان انا اختك
ادم : متبريه منى خالص.
ياسمين : ادم لو سمحت انت عارف انا بعمل كدا ليه
مراد : خلاص في بنات هتقدم بكرا برضو
ادم بأستغراب : مافيش انترفيو بكرا
مراد : لا في بنتين من نحيه عمي حسنين عاوزين شغل
ادم : انت عارف ان مش اي حد يدخل الشركه
مراد : هيبقوا تحت المراقبه شهر
ادم : تمام ..... جاسر عاوز سكرتيره خليهم هما التلاته يروحو ليه وهو يختار
مراد : بقولك اتنين
ادم : ماهو اتنين من طرفك ( واكمل وهو يشير علي ياسمين ) وواحده من طرفي
مراد : ممكن تكون ياسمين بدل سها
ادم : لا خلى الاول جاسر يختار وانت كمان اختار سكرتيره غير اللى عندك
مراد بأستغراب : ودا ليه بقا ..... ومها هتروح فين
ادم : الجحيم ....... مها كلها يومين ويتقبض عليها
مراد : ليه
ادم : لا مش حاجه كبيره بتوزع مخدرات والظابط فارس الدسوقي قال معاه كل الادله بس عاوز يمسكها متلبسه وطبعا هي بتوزع يوم الخميس
مراد بصدمه : يابنت ...... دا كله من البنت دي .... دا إلى يشوفها يقول ملاك
ادم : المظاهر خداعه ي صحبي
ياسمين بغيظ : على فكره انا جعانه جدا سبيكم من مها دي دلوقتي وخلينا ناكل
مراد : بس يابه سمسم دلوقتي تطلع وتعمل تحقيق على موضوع مها دا
نسمه : مين مها دي بقا
ادم بخبث : انا برضوا مش مصدق ان امي انا تمثل عليا
نسمه : يلا ي حابيبي الاكل جاهز
ادم وهو يغمز لمراد : انا مش اي حد
مراد : اقسم بالله وحش
ياسمين : شوفت ي زفت مراد هتخليه يشوف نفسه
مراد : ي قلب الزفت اخوكي شايف نفسو من زمان
ادم : طب قوم انت وهي علشان ناكل
نسمه بصوت عالى من الداخل : يلا ي ولاد الاكل جاهز
ياسمين : اهوه ي ماما جايين
مراد : يلا نقوم علشان محدش بيقدر علي سمسم وهي مضايقه
ادم : اول مره اعرف انك عندك دم .... بس قسم حالتك فيها تقدم واضح
مراد بغيظ : هئ هئ هئ خفه ياض
ادم ببرود : انا عارف علي فكره يلا انجر قدامي انت وهي
ياسمين بضيق : نفسي اسأل انت ليه عامل معايا كدا
مراد : بس يابت
نسمه بصوت عالى : انت ي زفت انت وهو
ياسمين بفرحه : الحمدلله نسيت تقول ي زفته
نسيه : انتى ي زفته يلى بره
مراد بسخريه : امك دي ذاكرتها من حديد
دخل مراد وآدم وياسمين إلى غرفه السفره وظلت الأجواء مليئه بالسعاده قضو وقتهم في ضحك
**************الكاتبه مديحه احمد
****************************
تغرب شمسنا وتشرق مره اخرى علي أبطالنا
ملاك : صباح الخير
زهراء : صباح النور ي قلبي
ملاك : بقولك ايه انا هنزل اجيب فطار تكوني انتى روقتي الشقه شويه
زهراء : تمام
نزلت ملاك كي تشتري فطورها هي وزهراء
ملاك : صباح الخير ي راجل ي طيب
حسنين : صباحك عسل ي بنتي
ملاك : هو انا لو عاوزه اشتري فول وطعمية اجيب من فين
حسنين : الباشا جاب فطور لو عاوزين
ملاك : لا ياراجل ياطيب انا بس عاوزه اعرف المحلات هنا وكدا
حسنين : طب يابنتي ادخلي الشارع الواسع دا هتلاقي عمك زكي قولي ليه انك تبعي
ملاك : شكرا ياعمو
حسنين : تسلمي ياست البنات ...... اه صحيح كنت هنسي انا كلمت صاحب العماره وقال انكو ممكن تشتغلوا عندوا
ملاك بعدم تصديق : خدم يعني
حسنين : لا ي بنتي هو عندو شركات وقال إن انتو لو اتعلمتو الشغل بسرعه هتكملوا لو لا فا هو مش هيقدر يعمل اكتر من كدا
ملاك بفرحه : لا طبعا هنكون كويسين انشاء الله
حسنين : امسكي دا العنوان
ملاك : شكرا بجد ...... بعد اذنك اروح اجيب الفطار
حسنين : اذنك معك يابنتي
طبعا ي جماعه انتو بتقرو وناسين التفاعل
ممكن تتفاعلو وكمان عاوزه متابعه ورأيكوا في البارت
أنت تقرأ
عشق بنات الملجأ
Ficção Geralشاب طموح بدرجات من الصعب تصورها يعتقد ان جميع الفتيات هم الوسيله لتدمير المجتمع لكنه لم يكن يعلم انه سوف يعشق فتاه واحده من بين جميعهم ومغرور بشكل لا يوصف ولكنها هي من غيرته جعلته أسير الي حبها أصبح مدمن لها ولكنه لم يغير شئ من غروره فسيكون هذا ال...
