عاهدت نفسي الا احبك وفي العهد خيانه فأنا لن ولم استطيع الا ان احبك بجنون 😍😍
*****************
***************************
بعد مرور يومين
العلاقه بين ادم ومراد متوتره جدا وآدم مفكر أن مراد لسه زعلان منه بس مراد بيبعد علشان مش يرجع في قرار ان هو يبعد ويسافر
ادم وملاك عاملين زي الناقر والنقير وكل يوم خناقه شكل وآدم مستغرب نفسه جدا أن هو مبسوط انها بتتخانق معه وملاك بتزعل جدا من طريقه كلامه ومعاملته ليها وحسه انها سلعه بالنسبه لادم ودي حاجه مخليها حزينه طول الوقت
مراد وزهراء لسه مستمرين على نفس الخناقات والمشاكل وزهراء مبسوطه جدا بكدة وان اخيرا لقت شخص يستحمل طولت لسانها غير ملاك ومراد فرحان جدا بوجود زهراء جنبه وبيعامل ملاك كأنها اخته وزياده لدرجه ان الموظفين مفكرين ان في بينهم علاقه حب بس طبعا هما الاتنين اصلا واخدين بعض زي الأخوات
جاسر وياسمين كل يوم يتخانق معها وواخد الشغل حجه لأنها غيران جدا انها بتتكلم مع مراد ووقت البريك تروح تاكل معه ودي حاجه مضيقاه وغيظاه جدا بس طبعا مش يقدر يمنعها لأن اكيد هتقول ليه بصفتك اي تمنعني وهو مش عاوز يكون في موقف محرج زي دا وياسمين بعد اي خناقه بنهم تقعد تعيط وهي اصلا مش تعرف سبب زعلاها وهو مبسوط جدا ان ياسمين حساسه بشكل الكبير دة بس يرجع يقول دموعها بتقتلني
*******************
*****************************
ادم بجديه : عاوز افهم العلاقه هتفضل بينا بالشكل دا
مراد : انت صاحبي واخويا انت الشخص الي فضل جنبي ومش اتخلي عني واعتبرني اخوه بصدق وانا كمان اعتبرتك اخويا وحبيتك بجد وانا متأكد كمان ان انت بتحبني وتفديني بعمرك وانا اصلا مش زعلان منك بالعكس انا مبسوط ان انا عرفت الي في قلبك بس زعلان انك مش صارحتني
ادم بعصبيه وهو يمسكه من ياقته : ياض انت عاوز تموتني بالشلل حرام عليك قولت مره دة من عصبيتي قال قولت الي في قلبي قال انت طلعت مقرف بطريقه زفت ...... وبعدين احنا نعتبر مش بنكلم بعض غير في حدود الشغل
مراد : خلاص انسي انا مش زعلان ولا حاجه
ادم : طب فكر بقا هنروح فين في عيد ميلاد روز
مراد : اه ما انا فكرت هنروح نتعشا في مطعم
ادم : تمام اوي قول لياسمين علشان تعمل حسابها وكمان علشان هتسافر بعد عيد الميلاد بيوم
مراد : هتسافر تعمل ايه
ادم : ما هو اصلك مطنشنا خالص ومش في حساباتك ولازم تكون مش عارف
مراد : ما خلاص ي ادم
ادم : دلوقتي خلاص .......... عمتا هي مسافره شغل
مراد : تمام ..... اه صحيح انا عزمت ملاك وزهراء
ادم بأستغراب : عزمتهم علي ايه
مراد : علي العيد ميلاد
ادم : دا إلى هو ازاي مش المفروض انا وانت وياسمين بس من امتي اصلا وحد بيكون معانا في اليوم دا
مراد : ادم وجودهم مش هينقص حاجه بالعكس انا هكون فرحان بوجودهم جمبي
ادم في نفسه : معقول مراد بيحب ملاك زي ما الموظفين بيقولوا في الشركه
مراد : انت روحت فين ياض
ادم : بتقول حاجه
مراد : بقولك اوعي تزعل ملاك يوم ما تيجي بلاش اسلوبك دة معاها
ادم : بص انا طالع انا لو هتبيت هنا يبقي تمام اوي
مراد : ايوه انا قاعد علشان عاوز اتكلم مع ياسمين
ادم : تمام هي لسه قدامها نص ساعه
مراد : اتصلت عليها وقالت شويه وتطلع من الشركه قولت ليها تبقي تعدي عليا في الاوضه
ادم : طب يلا تصبح على خير
مراد : وانت من اهل الخير
أنت تقرأ
عشق بنات الملجأ
Ficção Geralشاب طموح بدرجات من الصعب تصورها يعتقد ان جميع الفتيات هم الوسيله لتدمير المجتمع لكنه لم يكن يعلم انه سوف يعشق فتاه واحده من بين جميعهم ومغرور بشكل لا يوصف ولكنها هي من غيرته جعلته أسير الي حبها أصبح مدمن لها ولكنه لم يغير شئ من غروره فسيكون هذا ال...
