من قال ان الحب سهل
نعم فهو يقول هكذا لانه لم يجرب بعد الحب الحقيقي
عندما تحب تشعر وكأنك تملك الحياه تملك كل شيئ حتي وإن كان لم يوجد شيئ معك
ولكن يحدث هذا فقط عندما يكون الحب من طرفين متبادل
ولكن هل سألت نفسك ماذا كنت ستفعل ان كان حبك من طرف واحد فنعم هذا هو العذاب بذاته تنام ليلا وتتمني لا تستيقظ مره اخري ماذا سيكون شعورك عندما يدعوك من تحب علي فرحه من اخري انتي تقولين الان كنت قتلتها وان اقول لم تفعلي شيئ فقط ستبكي وتتمني ان لا تحبين وفضولك سيجعلك تقبلين دعوته ٩وتذهبي إلى فرحه والسؤال الأهم ما هو شعورك وهو معها في مكان وسط اشخاص كنتي تحلمين بها يوميا
ولأن ماهو الاصعب بوجهه نظرك الحب ام انك لم تحب من الأساس
بقلم مديحه احمد
**********************
*******************************
مراد : وليد اعمل زي ما قولت
وليد : ي فندم مش نافع كدة لازم تظهر للموظفين
مراد : انت اهبل ياض اي ورق عاوز يتوقع تجيبه ليا وانت الي مسؤول عن الشركه قدام الموظفين
وليد : بس دي شركه حضرتك وانت لازم تظهر
مراد : بقولك ايه علشان انا علي اخري انت المدير التنفيذي انا هقولك تعمل ايه وانت تقول للموظفين
وليد : تمام ..... طبعا في ورق عاوز يتمضي
مراد : ورق ايه
وليد : دة ورق ان حضرتك استلمت الشركه من صاحبها وطبعا كلنا عارفين ان دي أكبر شركه في كندا واربحها عاليه وصاحبها باعها علشان بيصفي شغله هنا
مراد : تمام اوي هات الورق انهارده بليل ونشوف الموضوع دا علشان عندي اتصال
وليد : تمام ي فندم
مراد : الو
زهراء : ازي جنابك
مراد بضحك : جنابي كويس جنابك انتي عامله ايه
زهراء : مش تمثل عليا انا عارفه انك زعلان وحزين ان انت سبتهم .... بس ليه انت كنت دايما بتقول ان هما كل عيلتك
مراد : كان لازم ابعد
زهراء : لا مش كان لازم ....... حتي لو كنت عاوز تغير جو كنت جيت معايا ونرجع مع بعض
مراد بخبث : زعلانه ان انا سافرت اكتر مني
زهراء بتوتر : هاا لا مش كدا بس انت ساعدتني كتير والمفروض اردلك الجميل دا ...... المهم هترجع امتي
مراد : لا انا هنا علي طول
زهراء : انت بتقول طبعا مينفعش ...... دا انت لسه مسافر وياسمين بطلت تكلم ادم علشان شايفه ان هو السبب في سفرك
مراد بصدمه : انتي بتقولي ايه
زهراء : ادم وملاك اتصلوا عليا انهارده بيقولو ممكن اكون عارفه انت فين
مراد : طول عمرنا كدا ادم وروز وانا وياسمين
زهراء : طب هترجع امتي بقا
مراد : عملتي ايه في موضوع اهلك
زهراء : انت بتوه عن الموضوع بس عمتا لسه مش عملت حاجه
مراد : ودا ليه بقا انت بقالك اسبوعين في باريس
زهراء : مرام اخت مصطفي عندها عمليه اخر الاسبوع ولازم اكون جنبها
مراد : اووف الموضوع دا راح عن بالي خالص
زهراء : هي هتابع مع دكتور اسمه اسلام وهو كمان هيعمل ليها العمليه
مراد : كويس بدال ماهي فقده الأمل خالص كدة
زهراء : معك حق ....... يلا سلام هكلمك بليل
مراد : تمام
******************
**************************
تشرق شمسنا معلنه عن يوم جديد سوف يبدأ
فله الألفي
ملاك : صباح الخير ي طنط
نسمه : صباح الخير ي حببتي ....... وبعدين احنا مش اتفقنا نبطل طنط دي وتقوليلي ماما
ملاك بفرحه : طبعا هو انا أطول ان سمسم القمر تبقي ماما
نسمه : ربنا يخليكي ي قلبي
ياسمين بضيق : صباح الخير
ملاك ونسمه : صباح النور
نسمه : مالك ي حببتي ...... حد ضايقك
ياسمين : لا ي ماما انا كويسه
نسمه : طب هدخل اشوف الفطار
ملاك : ياسمين ادم ملوش ذنب
ياسمين بسخريه : والله امال ذنب مين روز ماتت خلصنا ليه عاوز يفكروا دايما ان هو السبب
ملاك : ممكن تسمعيني ..... ادم معذور يعني كنت متعلق بحد وفجاءه يروح مني صعبه وكمان انتي عارفه ومتأكده ان ادم ومراد اكتر من صحاب كمان اكتر من اخوات وكمان ادم دلوقتي زعلان ومهموم بسبب بعد مراد وكمان ان هو افتكر خسارته لروز هيخسر اخته الوحيده كمان حرام نضغط عليه كلنا ....... ادم علي قد ما هو عصبي بس مافيش قلب اطيب من قلبه واحن منه تصدقي ادم كنت مش بحبه خالص ولما اتعاملت معاه ظهر ان هو شخص قلبه طيب وبخاف علي حوليه
ياسمين بحزن : هو زعلان مني صح
كان هو يقف يسمع الحديث بينهم
ادم : مافيش حد بيزعل من اخته وبنته
ياسمين : انا اسفه مش قصدي بس انت عارف ان مراد
ادم بمقاطعه : عارف وهيرجع مش تخافي
ياسمين : يلا ماما بتنادي
ادم لملاك : شكرا
ملاك : علي ايه
ادم : علشان رجعتي ليا اختي
ملاك : اصلا ياسمين كانت هتكلمك بس انا قولت اسرع الموضوع
ادم : طب يلا نفطر ونروح الشركه
*******************
*************************
بعد وقت ليس بطويل ذهب ادم وياسمين وملاك الي الشركه
نهي : ياسمين ممكن تودي الملفات دي لمستر جاسر
ياسمين : حاضر
ذهب ياسمين الي مكتب جاسر
نهي : الو ..... هي دلوقتي داخله المكتب عند حضرتك
جاسر : تمام اقفلي انتي
ساره : هاا جايه
جاسر : جايه
ساره عندنا لمحت خيال ياسمين حضنت جاسر : تعرف انا بحبك اوي اوي
جاسر وهو يحتضنها : انا إلى بموت فيكي
ساره بمياصه : بس ايه إلى كان شغلك عننا الايام إلى فاتت
جاسر : لا ولا حاجه دي بنت تافهه بس اهم حاجه اني رجعتلك انتي
ساره بدلع وهي تحركه يدها علي خده : ياااه واحشني اووي ...... انا بحبك وبجد انت اغلي حد عندي
ياسمين بغيظ وغيره : ممكن ادخل
جاسر بتمثيل الصدمه : ايه دا ياسمين اتفضلي
ياسمين : الورق دة عاوز امضتك
جاسر بضحك : قصدك انتي عاوزه امضتي علي الورق صح
ياسمين بعصبيه : بقولك ايه دي شركه محترمه وعيب إلى بيحصل هنا دة
ساره ببرود : وانتي مالك
ياسمين بغيظ : هو ايه إلى وانا مالى الشركه تهمني ومش عاوزه سمعتها تبوظ بسبب شهوات الاستاذ
جاسر : ياسمين انا
ساره بمقاطعه : اه شكلك بيره ومش في حد بيبص عليكي علشان كدا عاوزه تتطلعي عقدك علينا صح
ياسمين وهي علي وشك الانفجار : مين دي إلى بيره انتي عارفه ابو قرون إلى واقف جنبك دا طلب مني الجواز كام مره
جاسر بعفويه : ولا مره
ياسمين : نعم امال ايه انا بحبك ونفسي تكوني بتحبيني والكلام دا
ساره : انتي رديتي علي نفسك كلام
ياسمين بغيظ وعصبيه خرجت من المكتب وهي تلعن جاسر وهذه المدعوه ساره
جاسر بغيظ : انتي غبيه ي ساره ايه المياعه والدلع دا من امتي اصلا طول عمرك عايشه بدور جعفر جايه تتسهوكي هنا
ساره : بس ياض البت شكلها جامده وانت مش هتقدر عليها ..... المهم اقول للواد ايه
جاسر : وانا ايه يعرفني
ساره : لا اكيد مش هتكون ندل مع اختك ولا ايه
جاسر : لا هكون ندل دي لو كانت بتحبني واحد في الميه الواحد دا اختفي بسببك
ساره : جاسر اعقل كدا واقنع عمي علي زياد وإلا انت عارف انا هعمل ايه
جاسر ببرود : هتعملي ايه يعني
ساره : هطلع ل ياسمين واقولها ان انا اختك ومش حبيبتك ولا حاجه وان دي كلها تمثليه علشان جنبها تغار عليك فاتعترف انها بتحبك
جاسر : خلاص اكتمي ..... عاوزه ايه
ساره : ولا اي حاجه تقنع عمي علي زياد
جاسر : انتي غبيه ي بت هو انتي مش بتحبي زياد وهو كمان بيحبك من ثانوي
ساره : المفروض كدة
جاسر : وعمك اصلا بيحبنا ليه او بيمثل ان هو بيحبنا ليه ....... عاوز يجوزك ابنه محمد الي بيحب بنت معاه في الشركه وانا اتجوز بنته بس دا علي جستي
ساره : اه يعني برضو هنعمل ايه
جاسر : يعني زياد هيجي يتقدم وانا هوافق واقول لعمك ان في واحد متقدملك وانا وافقت وخلصنا
ساره : ربنا يسترها ....... انا همشي بقا اجهزلك الاكل علشان هترجع جعان
جاسر : تمام ي قلبي خدي بالك من نفسك
أنت تقرأ
عشق بنات الملجأ
Ficțiune generalăشاب طموح بدرجات من الصعب تصورها يعتقد ان جميع الفتيات هم الوسيله لتدمير المجتمع لكنه لم يكن يعلم انه سوف يعشق فتاه واحده من بين جميعهم ومغرور بشكل لا يوصف ولكنها هي من غيرته جعلته أسير الي حبها أصبح مدمن لها ولكنه لم يغير شئ من غروره فسيكون هذا ال...
