كُل ما في الأمر أنني أُحب نفسي
سَنرى جميع الناس من منضورنا الشخصي وهم كذلك
لا تأخذ كلام الناس على محمل الجد
(إن كان مدحاً أو ذماً)
_____________________•
"(جاكلين)"
-گعدت وشفت الساعه بـ7:30
جاكلين: عزااااا تأخرت
-گمت ع السريع بدلت وشفت الهاينك الأرزق لبسته وطلعت ع السريع أثناء ماجاي ألبس بحذائي
جاكلين: بابا ليش مگعدتني تأخرت
مُحسن: هاي شلابسه؟؟
-أبتسمت وتقربت يمه بسته بخده وشبگته
جاكلين: عجبني ألبسه اليوم لأن أريد اتوفق بأول يوم دوام
مُحسن: يخبل عليج طالعه جنج أمج
جاكلين: منو أكثر تحب أني لو هيه
-ضحك باس گصيبتي وگال
مُحسن: أحب عيونها وگصيبتج هيه تمنيت أشوفها مزفوفه بالبدله ألي وأنتِ أتمنى أزفج بالبدله بأيدي قبل لا أموت الأولى تحققت والثانيه منتضر الله يهديج عليه وتعرسين
جاكلين: هاا يابه هاا مليتني شو خلي أروح للدوام تأخرت
-سمعته صاح
مُحسن: منتضرج تجين حتا تحققين أمنيتي الثانيه
-ضحكت على سوالفه وطلعت خابرت ع السايق
جاكلين: عمو ليش عايفني اليوم؟
السايق: بابا سيارتي عطلت واتصلت بيج هواي وأنتِ مجاوبتي
جاكلين: ماشي شكرا ...سديته منه أهووو شيوصلني هسا لشارع العام
-گمت أمشي وتذكرت البلوز شفته وبتسمت ع فرحة بابا
هذي أبلوزة أمي بابا جابه ألها بعيد ميلادها قبل لا تتوفا وجان دائماً يگلي لبسيه اشوفه عليج بس جنت ما ألبسه لأن اخاف عليه يتوصخ او يخرب جنت كلش مستعزه بيه دنگت ع جنطتي أريد أخذ تليفوني
أثناء ماجاي أمشي وأفكر ماشوف غير ثنين بدراجه وهيه تمشي
سحبو جنطتي ووگع التليفون مني...
"(ذو الفقار)"
أيهم: وصلتكم المعلومات الكامله؟
ذو الفقار: لا ولله بس شكم معلومه بسيطه
-زمخ بينا بصوت
أيهم: شبيكممم أني شگلت ألى متى تبقووون بهذا تقصيركم
ياسر: گالو هيه الوحيده الي راح تفوت من هالشارع
أيهم: وبالله مو هيه شلووون؟
ذو الفقار: لك بابا هنه الڪ*** مبينات من خلقتهن
أيهم: ولله لو توگع بيدي أزوعها حليب أمها
أنت تقرأ
غوائل الأيهم
Action"شعواط الكلب ضيع عليه الهيل وادري المحترك تتخربط احواله" ويگلي أصبر.. ولك شأصبر جسر والناس عبرتني بس أنه حرام أعبر أريد أحجي حجي المجروح.. وأدري حجايتي تعور. (قُصه كُتبت من تجارب السنين وخذلان المشاعر) لا أحلل بنشر الروايه بشكل كامل🤍
