گتلك تعال ليش غلست وعبرتني؟؟
تناسيتك گلت ونساني
عبالك أخسرك؟؟... صدگني أنت الخسرتني
"بقلمي" جلنار الفارس
______________________
"(زينب)"
گاعده بالمحاضره وبالي كله يمها شو تأخرت شعجب
خلصت المحاضره وطلعت أتصل عليها بس يرن و مجاوب لو أنرفض أستغربت الوضع وأتصلت على عمو
زينب: ألو مرحبا عمو شلونك
مُحسن: أهلاً بنيتي شلونج
زينب: الحمدلله بخير
مُحسن: دومج بويه.. أكلج شو جاكلين أتصل عليها وماكو وصلت؟ يمج هيه؟؟
-أستغربت الوضع لعد هيه جايه للدوام حاولت أبينله الوضع طبيعي
زينب: هاا أحم يمكن جايه بس أنا منتبهت بس ألگيها أنطيك خبر
مُحسن: ماشي بنيتي وخليها تجاوبني لو شفتيها
زينب: تمام
-سديت الخط منه وضل بالي يمها هيه مُستحيل تفوت مُحاضره
أنتها الدوام بمحاضرتين لأن أول يوم ورحت لبيت عمو مُحسن دگيت الباب وطلعلي
زينب: مرحبا عمو
مُحسن: هلا بويه فوتي
زينب: شكراً بس أسأل عن جاكلين اليوم كله هيه مختفييه موجوده بالبيت؟
-أنتبهت ع ملامحه بين عليها التفاجأ والأستغراب وگال
مُحسن: لا ولله بس هيه اليوم طلعت متأخره والسايق سيارته عطلانه وراحت تكسي
زينب: لا عمو هيه ممداومه اليوم
مُحسن: ماشي بابا روحي للبيت أرتاحي واني راح أسأل عنها او اشوفها وين راحت
زينب: وين تسأل عنها حتا صديقات ماعدها بس اني صديقتها
مُحسن:حروح للمركز اقدم بلاغ أنتِ روحي للبيت ارتاحي
زينب: لا عمو أروح وياك
-طلع مستعجل رحنا للمركز نقدم بلاغ بس ماقبلو وگالو ألا تمر 24 ساعه عن أختفائها
رجعنا للجامعه سألنا المسؤول عن أمن الجامعه وبالتواسيل يالله رجع تصوير الكميرا وجانت ممداومه أصلاً
شفت عمو تخربطت أحوالو وضل يرجف
زينب: عمو لتخاف نلگاها أن شاءلله
مُحسن: بابا وين نلگاها بنتي وأعرفها متروح لمكان بدون ما تحجيلي
-رحنا للشارع ردنا نوگف تكسي ونرجع للبيت نشوف كاميرات الجيران ماشوف غير عمو نزف خشمه وأغمى عليه ضليت اصرخ حتا يساعدوني ألتمت العاالم علينا وشالو ثنين شباب من الشارع وركبوه بتكسي ركبت يمه ورحنا بسرعه للمستشفى ع الطوارئ وصلنا ونزلوه كان فاقد الوعي شخص حالته الدكتور وگال...
أنت تقرأ
غوائل الأيهم
Action"شعواط الكلب ضيع عليه الهيل وادري المحترك تتخربط احواله" ويگلي أصبر.. ولك شأصبر جسر والناس عبرتني بس أنه حرام أعبر أريد أحجي حجي المجروح.. وأدري حجايتي تعور. (قُصه كُتبت من تجارب السنين وخذلان المشاعر) لا أحلل بنشر الروايه بشكل كامل🤍
