Stars Aligned [Drarry]

chapter two

draco ရဲ့ခြေလှမ်းတွေက
အနက်ရောင်လှေကားထစ်တွေပေါ်ကို
တဖြည်းဖြည်းချင်းလှမ်းတက်လာခဲ့သည်။

အရင်ဘဝကဆိုရင်တော့
အရာရာကိုသတိထားနေမိမှာပေမယ့်
အခုချိန်မှာတော့ ဆွဲအားတစ်ခုခုကညှို့ငင်နေသလို
သူ့လည်ပင်းက လည်ဆွဲရဲ့ပိုင်ရှင်ကို
သိလိုစိတ်ကအနိုင်ယူထားတာမို့
အပေါ်ဆုံးထပ်ကိုရောက်လာမှသာ
သူ့ခြေလှမ်းတွေကရပ်တန့်တော့သည်။

သူ့ရှေ့မှာမြင်နေရတာကတော့
ပုံစံတူအရွယ်အစားတူ တံခါးနှစ်ချပ်

တံခါးရှေ့ကနာမည်ကတ်ပြားတွေအရ
ဒီအခန်းတွေမှာနေခဲ့တဲ့ပိုင်ရှင်နှစ်ယောက်လုံးကို
သူ့မတွေ့ရမှာတော့သေချာပါသည်။

Black မိသားစုရဲ့ မျိုးဆက်ကို
ပြတ်တောက်သွားစေတဲ့ဆက်ခံသူနှစ်ယောက်

တစ်ယောက်က
အသက်နှစ်ဆယ်ပင်မပြည့်ခင် သေဆုံးသွားပြီး
တစ်ယောက်ကတော့
azkaban အကျဥ်းထောင်ထဲမှာ
စိတ်ရောကိုယ်ပါ အကြီးအကျယ်ရူးသွပ်လျက်

သူတို့မျိုးရိုးမှာ ဆိုးရွားတဲ့အဆုံးသတ်တွေက
မထူးဆန်းပေမယ့်
Sirius နဲ့ Regulus Black ကတော့
အားလုံးထက်ပိုပြီးငယ်ရွယ်စွာနဲ့
ဆိုးရွားစွာအဆုံးသတ်ခဲ့ရသည်

သူတို့နှစ်ယောက်ထဲမှာ
ဒီဆွဲကြိုးရဲ့ပိုင်ရှင်က ဘယ်သူပါလိမ့်

သူခန့်မှန်းတာမမှားဘူးဆိုရင်တော့

"ဘယ်ဖက်ကအခန်းပါ သခင်လေး"

ဘေးကနေရုတ်တရက်ပေါ်ထွက်လာတဲ့
kreacher ရဲ့အသံကြောင့်
draco ရဲ့ကိုယ်ပင်ဆတ်ခနဲတုန်သွားရသည်။

"ဘယ်ဖက်လား ?"

မှင်စာအိုကြီးလမ်းညွှန်တဲ့အတိုင်း
ဘယ်ဖက်ကတံခါးလက်ကိုင်ကို လှည့်ဖွင့်လိုက်တော့

လူမနေတာကြာပြီဖြစ်သည့်တိုင်
ဖုန်တစ်စက်မှမရှိပဲ သန့်ရှင်းသပ်ရပ်နေတဲ့
အစိမ်းရောင်လိုက်ကာတွေနဲ့အခန်းကိုတွေ့ရသည်။