تفرقنا سنين وما جمعنا غير الجرح وليت الجرح بعد قربه تعدانا/لـ لاتغرك الضحكه

24

البارت الرابع والعـــ24ــشرون

::: ودّي أسألك .. ! :::

إن كان ودي أسألك
في سؤالي كم هائل أسئله..

مدري أبدا بالسؤال الجوهري
ولاّ أخذ من سؤالي أسهله ..

وإن عزمت أرسل سؤالي
أتعب أنسج في الكلام واجهله ..

وشلون أبكتب صيغته وشلون ؟!!!
يا كيف ابسأل قلبك اللي أمهله..؟!!

كلما كتبته أمسحه ثم
اكتبه ثم امسحه.. !! اعقبي يا مهزله!

يا ني عجبت لحال فعلي..!
كيف أبسأل سيدي ..وهذا سؤالي هجوله ؟!!

ياكم كتبته وامسحه إما بدمعي
أو كسير المرسمه أو مكحله ..!

وانته تناشدني أقول اللي فبالي
وش اقول ؟!! والمعالي في جبالي أسفله!؟؟

خلني أرتاح تكفى لا تبعثرني
خلني وأدري بحالك يا عزيز المرّجله

مصعب حروف الشعر لكن ..
في غلاك أكتب قصيدي ومسهله ..!

الله .. الله يا حُسن القوافي فيك ..
ويا بخت البيوت اللي باسمك تحمله !

أما سؤالي !! .. قلت لك
لو فيني حيل أكتبه من اوله !!

لكن جبانه !!.. ما يخوفني أبد
إلا حبيبٍ صعب واجد أزِعله !

لكن عزاي إني بشعري أكتبه
أسرر حروفه بين حرفي وأهمله ..

وأرجع أحمله ثم اهلمه ثم ..
أحضن في خفوقي حب ساكن بأكمله

وإنت تدري وآنا أدري ..
وكلنا ندري ابزمااان المشكله ..!

يمكن سؤالي صعب لكن الصعوبه ..
في عمود البيت ترفض أرسله !!,

فينا عوايد ما تكون إلا سلوم ٍ
ما لها بالدين ساس ولا لها من مدخله !!

وش حيلتي ..؟إلا خفوقٍ يا وليف ٍ
يا شموخٍ ما توازيك الصفوف المقبله

وش حيلتك في من يحبك وينتظر
إما وصالك أجمعه ولا شتاتك أقبله ؟

ذياب سال ميس عنهاا وخبرته انها بغرفتهاا

طاحت عيونه عليهاا وهي نايمه بدون لحاف

تقرب منها وهو خايف لاتكون تعبانه او متضايقه

من شي..

مد ايده لجبينهاا وهو يجلس بجنبهاا ويتفقد حرارتها