نبدا قصتنا عند شيخه و هي بايته عند وديمه و كل البنات متيمعين
هند : اخخ يشواخ قسم بالله لقيت وااحد شقق
شيخه : هند مافيني هال سوالف مادري كيف طاوعتج اصلا المره الي طافت و ضفت سلطان مالج و شفتي شصار
وديمه : صج بعدين والله شواخ ابتعدي عن هال طريج هاي هند بتخربج ههه
هند : خير انشاءالله جدامي بعد
مريم : ماا قالت شي جذب عاد هاي شواخ كلمه تييبها و كلمه توديها حرام عليج خلي البنت فحالها
هند : مب شغلج
شما :هههههه غيرو السالفه احسن
هند : بنات انا بدش ometv منو بتدش وياي
مزنه : هندوه سوي هال حركات فبيتكم مو متفيجيين لج ترانا و حق السوالف و ترا تحصلين ذنب على فكره
هند : اوهووو وقفت المطوعه ياخيي انا قلت الي يبا ايي ما تبين بلقطاق ؛ شواخ بتين؟
شيخه : لا مابا
هند : لييش و بنلاقيلج واحد مني و الدرب
شيخه بداخلها { اخييج هاي ليش للحين مرابعتنها انا هي الي بتخربني و بتخليني ارجع كيف اصارحها اني ودرت هال سوالف
شيخه : منو قالج اني طايحه بجبد اهليه
شما : ههههههه خلاص هند تبين تكلمين راييد وله مادري منو بعد توكلي محد بيي
هند : قلعتكم بسير الحوش انا
المهم سارت و يلست تسوي حركات و جي ؛ بعد ساعه عند البنات
شيخه : بنات انا بمووت يوع
شما : هيه والله انا بعد
مزنه : خلاص انا بطلب اكل شو بغيتو؟
مريم : من وين انزين
مزنه : ثواني بفج طلبات
شيخه : طلبو لي اي شي انا بسير عند هنود
وديمه عطتها نضره و قالت لها بصوت محد يروم يسمعه : بصفعج ان رمستي مع حد من حبايبها
شيخه : ما عليج هند زينه تراها
وديمه : امم زينه اونه 😑
علعموم سارت عندها و يلسو يسولون
هند : تعرفين ليش انا ارمس؟
شيخه : همم وله مره خطر ببالي تبين الصج اسالج
هند : لانه ما عندي حد يحسسني بلحب و الحنان
شيخه : ابوج ؟
هند : يعني ما تعرفين؟
شيخه و هي تتذكر انه ابو هند مو مهتم لهم ابد وله درا عنهم و ما عندها اخوان و امها دوم مشغوله : ااا السموحهه هند والله نسيت
هند : انا كنت ابا افضفضلج بس
شيخه : فضفضي انزين اسمعج
هند : ياخي شواخ تعرفين رايد انا ما اعرفه من يوميين انا ؛ تحيدين اربيعتي مهره؟
شيخه : مهره جاسم لاا يكون راس الكنافهه؟ ؟الي كانت وياج صف 10 ؟
هند : عليج نور المهم سارت قالت له كلام عني و جي ياه و اضارب وياي و خسرته المشكله انه يوم رجع يعتذر سامحته و كل مره ازخه مرمس غيري و طالع ويه فلانه و علانه تعبت يا شيخه انا ادش ويه شباب عسب انساه بس مو راايمه ياخيي والله العضيم
شيخه : محد يستاهل
هند : شيخه انتي تعرفين اني انا ويه رايد من ثامن
بدت تصيح و تقول : المشكله اني للحين ارمسه و هو معلقني فيه بس ما اباه لانه يلعب
شيخه حضنتها : خ يزق والله ما يسوه ضفرج
هند : ههه بلفالنتاين يايبتله ديور و هو يايب لي ذهب قلبي معورني ع الساعه والله ههه
شيخه : طع توج تصيحين
قامت عنها : مينوونه والله انا بدش عنج ابرك لي
___________________________________________________________________
ف بيت محمد
حمد : حصهه حصهه وينجج
حصه : هاا هلاا شو بلاك تزاععق
الام : يا ولد خف ع حرمتك اشويه من الصبح و هي تشتغل ويانه حق حفل تخرج اخوك من الخدمه
حمد : اماايه كيف احمدوه تسوله حفله و انا يومي تخرجت من الخدمه ما سوويتولي
الاب : هههه بسك حسد
حمد : اي حسد يابوي تراه اخويه ؛ المهم قلبي سيري حطيلي اكل تراني يوعان
حصه : انشالله ما طلبت شي
الام : احمدوهه تعالل تحت
نزل احمد و هو مستعيل
الاب : على وين
احمد: ابويه والله سااير عند الشباب
الاب : هند ؟ منوو هند ؟
احمد : ابوي قلت عند عند منو ياب طاري هند بعد
الاب : هييه انزين سير سير
احمد : امم بس بغيت بيزات
الاب : ماا عندي
احمد : امايه رمسييه عاد محتاينهن
الام : الغالي عطه عطه مسيجين
احمد : هيه والله انا مسكين مسيجيين ع قوله امي
الاب : استغفرالله سير خذ من بوكي 50
احمد : بس؟ ما تكفي اشويه ، انزين ابويه ويين بيزاتي مال العلااوه
الاب : ايي علاوه؟
احمد و هو يمثل انه يصيح : ابويهه علاااوتي علاوتي مال الخدمه وينهاا
الاب : ما نزلن لازم افتح لك حساب بنكي
احمد : ابا 200
الاب و هو يبطل عقاله و يفره عليه : اذللف لابركتن فيك من ولد
شرد احمد و هو يضحك
___________________________________________________________________
طلع احمد ويه ربعه {ترا احمد اربيع رايد بس محد يعرف } نرجع عند البنات
شما : بنات اخويه احمدوه يدق لي يقول ارد البيت
شيخه : خير انشالله شدخله هو
شما : لا صج بنات بدون مصخره يلا انا بجهز اغراضي لانه ربع ساعه و بيي ياخذني
مريم : جنج تبينها من الله
وديمه : جب انتي ههه
وديمه: عاد زورينا لا تقطعين
شما : انشالله فديتج
شيخه: اقلج بنزل وياج بوصلج يعني
شما: قدام
نزلت هي و شيخه و شيخه كانت لابسه هودي يوم طلعت
احمد شافها بلسياره و يوم ركبت شما قال
احمد :منو هاي
شما :منو هي
احمد :الي وصلتج توه
شما : هيييه شواخخ
احمد: شيخه؟
شما:هيه شتبابها؟؟؟
احمد:مابا فيها شي منزين اربيعاتج بس
احمد: كم عمرها
شما: احممددد اشووف قمت تخورهاا
احمد : اسال عن البنت شو بلاج انتي اوي
شما : 19
احمد : قدي ههه المهم لييش مرابعه اكبر عنج انتي
شما : احمدوه شواخ عمرها 19 بس تفكيرها نفسي
احمد : جب انزين زولي انتي و اربيعتج فوقج
___________________________________________________________________
أنت تقرأ
✨ ياحظ قلبي دام حبك سكن فيه 🦋✨
Hombres Loboروايه اماراتيه 🇦🇪🖇 اتمنى تعيبكم و رايكم وايد يهمني ف لا تنسون الكومنت 💗 ✨اتقبل كل ارائكم ✨ Made by : Reem Almurshidi🔰
